Arrian, Anabasis, book 1, chapter 14

(아리아노스, Anabasis, book 1, chapter 14)

Ταῦτα εἰπὼν Παρμενίωνα μὲν ἐπὶ τὸ εὐώνυμον κέρασ πέμπει ἡγησόμενον, αὐτὸσ δὲ ἐπὶ τὸ δεξιὸν παρῆγε. προετάχθησαν δὲ αὐτῷ τοῦ μὲν δεξιοῦ Φιλώτασ ὁ Παρμενίωνοσ, ἔχων τοὺσ ἑταίρουσ τοὺσ ἱππέασ καὶ τοὺσ τοξότασ καὶ τοὺσ Ἀγριᾶνασ τοὺσ ἀκοντιστάσ· Ἀμύντασ δὲ ὁ Ἀρραβαίου τούσ τε σαρισσοφόρουσ ἱππέασ ἔχων Φιλώτᾳ ἐπετάχθη καὶ τοὺσ Παίονασ καὶ τὴν ἴλην τὴν Σωκράτουσ. ἐχόμενοι δὲ τούτων ἐτάχθησαν οἱ ὑπασπισταὶ τῶν ἑταίρων, ὧν ἡγεῖτο Νικάνωρ ὁ Παρμενίωνοσ·

ἐπὶ δὲ τούτοισ ἡ Περδίκκου τοῦ Ὀρόντου φάλαγξ· ἐπὶ δὲ ἡ Κοίνου τοῦ Πολεμοκράτουσ· [ἐπὶ δὲ ἡ Κρατεροῦ τοῦ Ἀλεξάνδρου· ] ἐπὶ δὲ ἡ Ἀμύντου τοῦ Ἀνδρομένουσ· ἐπὶ δὲ ὧν Φίλιπποσ ὁ Ἀμύντου ἦρχε. τοῦ δὲ εὐωνύμου πρῶτοι μὲν οἱ Θετταλοὶ ἱππεῖσ ἐτάχθησαν, ὧν ἡγεῖτο Κάλασ ὁ Ἁρπάλου·

ἐπὶ δὲ τούτοισ οἱ ξύμμαχοι ἱππεῖσ, ὧν ἦρχε Φίλιπποσ ὁ Μενελάου· ἐπὶ δὲ τούτοισ οἱ Θρᾷκεσ, ὧν ἦρχεν Ἀγάθων· ἐχόμενοι δὲ τούτων πεζοὶ ἥ τε Κρατεροῦ φάλαγξ καὶ ἡ Μελεάγρου καὶ ἡ Φιλίππου ἔστε ἐπὶ τὸ μέσον τῆσ ξυμπάσησ τάξεωσ. Περσῶν δὲ ἱππεῖσ μὲν ἦσαν ἐσ δισμυρίουσ, ξένοι δὲ πεζοὶ μισθοφόροι ὀλίγον ἀποδέοντεσ δισμυρίων·

ἐτάχθησαν δὲ τὴν μὲν ἵππον παρατείναντεσ τῷ ποταμῷ κατὰ τὴν ὄχθην ἐπὶ φάλαγγα μακράν, τοὺσ δὲ πεζοὺσ κατόπιν τῶν ἱππέων· καὶ γὰρ ὑπερδέξια ἦν τὰ ὑπὲρ τὴν ὄχθην χωρία. ᾗ δὲ Ἀλέξανδρον αὐτὸν καθεώρων ‐ δῆλοσ γὰρ ἦν τῶν τε ὅπλων τῇ λαμπρότητι καὶ τῶν ἀμφ̓ αὐτὸν τῇ σὺν ἐκπλήξει θεραπείᾳ ‐ κατὰ τὸ εὐώνυμον [μὲν] σφῶν ἐπέχοντα, ταύτῃ πυκνὰσ ἐπέταξαν τῇ ὄχθῃ τὰσ ἴλασ τῶν ἱππέων. Χρόνον μὲν δὴ ἀμφότερα τὰ στρατεύματα ἐπ̓ ἄκρου τοῦ ποταμοῦ ἐφεστῶτεσ ὑπὸ τοῦ τὸ μέλλον ὀκνεῖν ἡσυχίαν ἦγον καὶ σιγὴ ἦν πολλὴ ἀφ̓ ἑκατέρων.

οἱ γὰρ Πέρσαι προσέμενον τοὺσ Μακεδόνασ, ὁπότε ἐσβήσονται ἐσ τὸν πόρον, ὡσ ἐπικεισόμενοι ἐκβαίνουσιν· Ἀλέξανδροσ δὲ ἀναπηδήσασ ἐπὶ τὸν ἵππον καὶ τοῖσ ἀμφ̓ αὑτὸν ἐγκελευσάμενοσ ἕπεσθαί τε καὶ ἄνδρασ ἀγαθοὺσ γίγνεσθαι, τοὺσ μὲν προδρόμουσ ἱππέασ καὶ μὴν καὶ τοὺσ Παίονασ προεμβαλεῖν ἐσ τὸν ποταμὸν ἔχοντα Ἀμύνταν τὸν Ἀρραβαίου ἔταξε καὶ τῶν πεζῶν μίαν τάξιν, καὶ πρὸ τούτων τὴν Σωκράτουσ ἴλην Πτολεμαῖον τὸν Φιλίππου ἄγοντα, ἣ δὴ καὶ ἐτύγχανε τὴν ἡγεμονίαν τοῦ ἱππικοῦ παντὸσ ἔχουσα[ν] ἐκείνῃ τῇ ἡμέρᾳ·

αὐτὸσ δὲ ἄγων τὸ δεξιὸν κέρασ ὑπὸ σαλπίγγων τε καὶ τῷ Ἐνυαλίῳ ἀλαλάζοντασ ἐμβαίνει ἐσ τὸν πόρον, λοξὴν ἀεὶ παρατείνων τὴν τάξιν, ᾗ παρεῖλκε τὸ ῥεῦμα, ἵνα δὴ μὴ ἐκβαίνοντι αὐτῷ οἱ Πέρσαι κατὰ κέρασ προσπίπτοιεν, ἀλλὰ καὶ αὐτὸσ ὡσ ἀνυστὸν τῇ φάλαγγι προσμίξῃ αὐτοῖσ.

일치하는 문장이 없습니다.

SEARCH

MENU NAVIGATION