헬라어 문장 검색 - Αρριαν́Αναβασί1́23́

(아리아노스, Anabasis, book 1, chapter 22)

Οὐ πολλαῖσ δὲ ὕστερον ἡμέραισ ἐπάγοντοσ αὖθισ Ἀλεξάνδρου τὰσ μηχανὰσ τῷ πλινθίνῳ τῷ ἐντὸσ τείχει καὶ αὐτοῦ ἐφεστηκότοσ τῷ ἔργῳ, ἐκδρομὴ γίνεται πανδημεὶ ἐκ τῆσ πόλεωσ, τῶν μὲν κατὰ τὸ ἐρηριμμένον τεῖχοσ, ἧ αὐτὸσ Ἀλέξανδροσ ἐπετέτακτο, τῶν δὲ κατὰ τὸ Τρίπυλον, ᾗ οὐδὲ πάνυ τι προσδεχομένοισ τοῖσ Μακεδόσιν ἦν. καὶ οἱ μὲν δᾷδάσ τε ταῖσ μηχαναῖσ ἐνέβαλλον καὶ ὅσα ἄλλα ἐσ τὸ ἐξάψαι τε φλόγα καὶ ἐπὶ μέγα προκαλέσασθαι, τῶν δὲ ἀμφ̓ Ἀλέξανδρον αὐτῶν τε ἐμβαλλόντων ἐσ αὐτοὺσ ἐρρωμένωσ καὶ ταῖσ μηχαναῖσ ἀπὸ τῶν πύργων λίθων τε μεγάλων ἀφιεμένων καὶ βελῶν ἐξακοντιζομένων οὐ χαλεπῶσ ἀπεστράφησάν τε καὶ ἔφυγον ἐσ τὴν πόλιν.

καὶ φόνοσ ταύτῃ οὐκ ὀλίγοσ ἐγένετο, ὅσῳ πλείονέσ τε καὶ ξὺν μείζονι τῇ τόλμῃ ἐξέδραμον.

οἱ μὲν γὰρ εἰσ χεῖρασ ἐλθόντεσ τοῖσ Μακεδόσιν ἀπέθανον, οἱ δὲ ἀμφὶ τῷ τείχει τῷ καταπεπτωκότι, στενοτέρασ τε ἢ κατὰ τὸ πλῆθοσ αὐτῶν τῆσ παρόδου οὔσησ καὶ τῶν κατερηριμμένων τοῦ τείχουσ χαλεπὴν τὴν ὑπέρβασιν αὐτοῖσ παρεχόντων. Τοῖσ δὲ κατὰ τὸ Τρίπυλον ἐκδραμοῦσιν ἀπήντα Πτολεμαῖοσ ὁ σωματοφύλαξ ὁ βασιλικόσ, τήν τε Ἀδαίου καὶ Τιμάνδρου ἅμα οἷ τάξιν ἄγων καὶ ἔστιν οὓσ τῶν ψιλῶν·

καὶ οὖτοι οὐδὲ αὐτοὶ χαλεπῶσ ἐτρέψαντο τοὺσ ἐκ τῆσ πόλεωσ. ξυνέβη δὲ καὶ τούτοισ ἐν τῇ ἀποχωρήσει κατὰ στενὴν γέφυραν τὴν ἐπὶ τῆσ τάφρου πεποιημένην φεύγουσι τήν τε γέφυραν αὐτὴν ὑπὸ πλήθουσ ξυντρῖψαι καὶ πολλοὺσ αὐτῶν ἐσ τὴν τάφρον ἐμπεσόντασ τοὺσ μὲν ὑπὸ σφῶν καταπατηθέντασ διαφθαρῆναι, τοὺσ δὲ καὶ ἄνωθεν ὑπὸ τῶν Μακεδόνων βαλλομένουσ.

ὁ πλεῖστοσ δὲ φόνοσ περὶ ταῖσ πύλαισ αὐταῖσ ξυνέβη, ὅτι ἡ ξύγκλεισισ τῶν πυλῶν φοβερά τε καὶ πρὸ τοῦ καιροῦ γενομένη, δεισάντων μὴ συνεισπέσοιεν τοῖσ φεύγουσιν ἐχόμενοι αὐτῶν οἱ Μακεδόνεσ, πολλοὺσ καὶ τῶν φιλίων τῆσ εἰσόδου ἀπέκλεισεν, οὓσ πρὸσ αὐτοῖσ τοῖσ τείχεσιν οἱ Μακεδόνεσ διέφθειραν.

καὶ παῤ ὀλίγον ἧκεν ἁλῶναι ἡ πόλισ, εἰ μὴ Ἀλέξανδροσ ἀνεκαλέσατο τὸ στράτευμα, ἔτι διασῶσαι ἐθέλων τὴν Ἁλικαρνασσόν, εἴ τι φίλιον ἐνδοθείη ἐκ τῶν Ἁλικαρνασσέων.

ἀπέθανον δὲ τῶν μὲν ἐκ τῆσ πόλεωσ ἐσ χιλίουσ, τῶν δὲ ξὺν Ἀλεξάνδρῳ ἀμφὶ τοὺσ τεσσαράκοντα, καὶ ἐν τούτοισ Πτολεμαῖόσ τε ὁ σωματοφύλαξ καὶ Κλέαρχοσ ὁ τοξάρχησ καὶ Ἀδαῖοσ ὁ χιλιάρχησ, οὗτοι καὶ ἄλλοι τῶν οὐκ ἠμελημένων Μακεδόνων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 1, chapter 22

(아리아노스, Anabasis, book 1, chapter 22)

상위

목록

SEARCH

MENU NAVIGATION