헬라어 문장 검색 - Αρριαν́Αναβασί1́29́

(아리아노스, Anabasis, book 1, chapter 28)

Καὶ ἐνταῦθα ἀφικνοῦνται παῤ αὐτὸν Σελγέων πρέσβεισ. οἱ δέ εἰσι καὶ αὐτοὶ Πισίδαι βάρβαροι καὶ πόλιν μεγάλην οἰκοῦσιν καὶ αὐτοὶ μάχιμοί εἰσιν· ὅτι δὲ πολέμιοι τοῖσ Τελμισσεῦσιν ἐκ παλαιοῦ ἐτύγχανον, ὑπὲρ φιλίασ πρὸσ Ἀλέξανδρον πεπρεσβευμένοι ἦσαν. καὶ πρὸσ τούτουσ σπένδεται Ἀλέξανδροσ, καὶ ἐκ τούτου πιστοῖσ ἐσ ἅπαντα ἐχρήσατο. τὴν Τελμισσὸν δὲ ἀπέγνω ἑλεῖν ἂν ἐν ὀλίγῳ χρόνῳ, ἀλλ̓ ἐπὶ Σαγαλασσοῦ ἐστέλλετο.

ἦν δὲ καὶ αὕτη οὐ μικρὰ πόλισ· Πισίδαι καὶ ταύτην ᾤκουν, καὶ ἐδόκουν πάντων Πισιδῶν μαχίμων ὄντων αὐτοὶ εἶναι [οἱ] μαχιμώτατοι· καὶ τότε τὸν λόφον τὸν πρὸ τῆσ πόλεωσ, ὅτι καὶ οὗτοσ οὐ μεῖον τοῦ τείχουσ ὀχυρὸσ ἐσ τὸ ἀπομάχεσθαι ἦν, κατειληφότεσ προσέμενον. Ἀλέξανδροσ δὲ τὴν μὲν φάλαγγα τῶν Μακεδόνων τάττει ὧδε·

ἐπὶ μὲν τοῦ δεξιοῦ κέρωσ, ἵνα καὶ αὐτὸσ ἐπετέτακτο, τοὺσ ὑπασπιστὰσ εἶχεν, ἐχομένουσ δὲ τούτων τοὺσ πεζεταίρουσ ἔστε ἐπὶ τὸ εὐώνυμον παρατείνασ, ὡσ ἑκάστοισ τῶν στρατηγῶν ἡ ἡγεμονία τῆσ τάξεωσ ἐν τῇ τότε ἡμέρᾳ ἦν. ἐπὶ δὲ τῷ εὐωνύμῳ ἐπέταξεν ἡγεμόνα Ἀμύνταν τὸν Ἀρραβαίου.

προετάχθησαν δὲ αὐτῷ τοῦ μὲν δεξιοῦ κέρωσ οἵ τε τοξόται καὶ οἱ Ἀγριᾶνεσ, τοῦ δὲ εὐωνύμου οἱ ἀκοντισταὶ οἱ Θρᾷκεσ, ὧν ἡγεῖτο Σιτάλκησ· οἱ γὰρ ἱππεῖσ αὐτῷ οὐκ ὠφέλιμοι ἐν τῇ δυσχωρίᾳ ἦσαν. τοῖσ Πισίδαισ δὲ καὶ Τελμισσεῖσ προσβεβοηθηκότεσ ξυνετάξαντο. Ἤδη τε οἱ ἀμφ̓ Αλέξανδρον προσβεβληκότεσ τῷ ὄρει, ὅπερ κατεῖχον οἱ Πισίδαι, κατ̓ αὐτὸ τὸ ἀποτομώτατον τῆσ ἀνόδου ἦσαν, καὶ ἐν τούτῳ ἐπιτίθενται αὐτοῖσ οἱ βάρβαροι λόχοισ κατὰ κέρασ ἑκάτερον, ᾗ σφίσι μὲν εὐπροσοδώτατον ἦν, τοῖσ πολεμίοισ δὲ χαλεπωτάτη ἡ πρόσβασισ.

καὶ τοὺσ μὲν τοξότασ, οἱᾶ δὴ οὔτε ἀκριβῶσ ὡπλισμένουσ καὶ πρώτουσ πελάσαντασ, ἐτρέψαντο, οἱ δὲ Ἀγριᾶνεσ ἔμειναν. ἐγγὺσ γὰρ ἤδη καὶ ἡ φάλαγξ τῶν Μακεδόνων προσῆγε καὶ πρὸ αὐτῆσ Ἀλέξανδροσ ἐφαίνετο.

ὡσ δὲ ἐν χερσὶν ἡ μάχη ἐγένετο, γυμνοί τε οἱ βάρβαροι ὄντεσ ὁπλίταισ προσεφέροντο καὶ πάντῃ κατατιτρωσκόμενοι ἔπιπτον [δὲ], ἐνταῦθα δὴ ἐγκλίνουσιν· καὶ ἀπέθανον μὲν αὐτῶν ἐσ πεντακοσίουσ,.

. . κοῦφοι γὰρ ὄντεσ καὶ ἔμπειροι τῶν χωρίων οὐ χαλεπῶσ ἀπεχώρουν· καὶ οἱ Μακεδόνεσ διὰ βαρύτητα τῶν ὅπλων καὶ ἀπειρίαν τῶν ὁδῶν οὐ θαρραλέοι ἐσ τὸ διώκειν ἦσαν. Ἀλέξανδροσ δὲ ἐχόμενοσ τῶν φευγόντων τὴν πόλιν αὐτῶν αἱρεῖ κατὰ κράτοσ.

τῶν δὲ ξὺν αὐτῷ Κλέανδρόσ τε ὁ στρατηγὸσ τῶν τοξοτῶν ἀποθνήσκει καὶ τῶν ἄλλων ἀμφὶ τοὺσ εἴκοσιν. Ἀλέξανδροσ δὲ ἐπὶ τοὺσ ἄλλουσ Πισίδασ ἦγε· καὶ τὰ μέν τινα τῶν φρουρίων βίᾳ ἐξεῖλε, τὰ δὲ ὁμολογίᾳ προσηγάγετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 1, chapter 28

(아리아노스, Anabasis, book 1, chapter 28)

상위

목록

SEARCH

MENU NAVIGATION