Arrian, Anabasis, book 1, chapter 24

(아리아노스, Anabasis, book 1, chapter 24)

Τῶν Μακεδόνων δὲ ἔστιν οἳ συνεστρατευμένοι Ἀλεξάνδρῳ ἦσαν νεωστὶ πρὸ τῆσ στρατιᾶσ γεγαμηκότεσ· καὶ τούτων ἔγνω οὐκ ἀμελητέα εἶναί οἱ Ἀλέξανδροσ, ἀλλ̓ ἐκπέμπει γὰρ αὐτοὺσ ἐκ Καρίασ διαχειμάσοντασ ἐν Μακεδονίᾳ ἅμα ταῖσ γυναιξίν, ἐπιτάξασ αὐτοῖσ Πτολεμαῖόν τε τὸν Σελεύκου, ἕνα τῶν σωματοφυλάκων τῶν βασιλικῶν, καὶ τῶν στρατηγῶν Κοῖνόν τε τὸν Πολεμοκράτουσ καὶ Μελέαγρον τὸν Νεοπτολέμου, ὅτι καὶ αὐτοὶ τῶν νεογάμων ἦσαν, προστάξασ, ἐπειδὰν αὐτοί τε ἐπανίωσι καὶ τοὺσ μετὰ σφῶν ἐκπεμφθέντασ ἐπαναγάγωσι, καταλέξαι ἱππέασ τε καὶ πεζοὺσ ἐκ τῆσ χώρασ ὅσουσ πλείστουσ. καὶ τῷ ἔργῳ τῷδε, εἴπερ τινὶ ἄλλῳ, εὐδοκίμησε παρὰ Μακεδόσιν Ἀλέξανδροσ.

ἔπεμψε δὲ καὶ Κλέανδρον τὸν Πολεμοκράτουσ ἐπὶ ξυλλογῇ στρατιωτῶν εἰσ Πελοπόννησον. Παρμενίωνα δὲ πέμπει ἐπὶ Σάρδεων, δοὺσ αὐτῷ τῶν τε ἑταίρων ἱππαρχίαν καὶ τοὺσ Θετταλοὺσ ἱππέασ καὶ τοὺσ ἄλλουσ ξυμμάχουσ καὶ τὰσ ἁμάξασ ἄγειν·

καὶ κελεύει προϊέναι ἀπὸ Σάρδεων ἐπὶ Φρυγίαν. αὐτὸσ δὲ ἐπὶ Λυκίασ τε καὶ Παμφυλίασ ᾔει, ὡσ τῆσ παραλίου κρατήσασ ἀχρεῖον καταστῆσαι τοῖσ πολεμίοισ τὸ ναυτικόν. καὶ πρῶτον μὲν ἐν παρόδῳ Ὕπαρνα, χωρίον ὀχυρόν, φυλακὴν ἔχον ξένουσ μισθοφόρουσ, ἐξ ἐφόδου ἔλαβεν·

οἱ δ̓ ἐκ τῆσ ἄκρασ ξένοι ὑπόσπονδοι ἐξῆλθον. ἔπειτα εἰσβαλὼν εἰσ Λυκίαν Τελμισσέασ μὲν ὁμολογίᾳ προσηγάγετο, περάσασ δὲ τὸν Ξάνθον ποταμὸν Πίναρα καὶ Ξάνθον τὴν πόλιν καὶ Πάταρα ἐνδοθέντα ἔλαβε καὶ ἄλλα ἐλάττω πολίσματα ἐσ τριάκοντα. Ταῦτα καταπράξασ ἐν ἀκμῇ ἤδη τοῦ χειμῶνοσ ἐσ τὴν Μιλυάδα καλουμένην χώραν ἐσβάλλει, ἥ ἐστι μὲν τῆσ μεγάλησ Φρυγίασ, ξυνετέλει δὲ ἐσ τὴν Λυκίαν τότε, οὕτωσ ἐκ βασιλέωσ μεγάλου τεταγμένον.

καὶ ἐνταῦθα Φασηλιτῶν πρέσβεισ ἧκον περὶ φιλίασ τε καὶ χρυσῷ στεφάνῳ στεφανῶσαι Ἀλέξανδρον· καὶ ὑπὲρ τῶν αὐτῶν ἐπικηρυκευόμενοι ἐπρέσβευον Λυκίων τῶν κάτω οἱ πολλοί. Ἀλέξανδροσ δὲ Φασηλίτασ τε καὶ Λυκίουσ παραδοῦναι τὰσ πόλεισ τοῖσ ἐπὶ τοῦτο στελλομένοισ ἐκέλευσε·

καὶ παρεδόθησαν ξύμπασαι. αὐτὸσ δὲ ὀλίγον ὕστερον ἐσ τὴν Φασηλίδα παραγενόμενοσ συνεξαιρεῖ αὐτοῖσ φρούριον ὀχυρόν, ἐπιτετειχισμένον τῇ χώρᾳ πρὸσ Πισιδῶν, ὅθεν ὁρμώμενοι οἱ βάρβαροι πολλὰ ἔβλαπτον τῶν Φασηλιτῶν τοὺσ τὴν γῆν ἐργαζομένουσ.

일치하는 문장이 없습니다.

SEARCH

MENU NAVIGATION