Arrian, Anabasis, book 1, chapter 2

(아리아노스, Anabasis, book 1, chapter 2)

Ἀλέξανδροσ δὲ τὴν μὲν λείαν ὀπίσω ἀπέπεμψεν ἐσ τὰσ πόλεισ τὰσ ἐπὶ θαλάσσῃ, Λυσανίᾳ καὶ Φιλώτᾳ παραδοὺσ διατίθεσθαι· αὐτὸσ δὲ τὸ ἄκρον ὑπερβαλὼν προῄει διὰ τοῦ Αἴμου ἐσ Τριβαλλούσ, καὶ ἀφικνεῖται ἐπὶ τὸν Λύγινον ποταμόν· ἀπέχει δὲ οὗτοσ ἀπὸ τοῦ Ἴστρου ὡσ ἐπὶ τὸν Αἷμον ἰόντι σταθμοὺσ τρεῖσ. Σύρμοσ δὲ ὁ τῶν Τριβαλλῶν βασιλεύσ, ἐκ πολλοῦ πυνθανόμενοσ τοῦ Ἀλεξάνδρου τὸν στόλον, γυναῖκασ μὲν καὶ παῖδασ τῶν Τριβαλλῶν προὔπεμψεν ἐπὶ τὸν Ἴστρον διαβαίνειν κελεύσασ τὸν ποταμὸν ἐσ νῆσόν τινα τῶν ἐν τῷ Ἴστρῳ·

Πεύκη ὄνομα τῇ νήσῳ ἐστίν. ἐσ ταύτην δὲ τὴν νῆσον καὶ οἱ Θρᾷκεσ οἱ πρόσχωροι τοῖσ Τριβαλλοῖσ προσάγοντοσ Ἀλεξάνδρου ἐκ πολλοῦ συμπεφευγότεσ ἦσαν καὶ αὐτὸσ ὁ Σύρμοσ ἐσ ταύτην ξυμπεφεύγει ξὺν τοῖσ ἀμφ’ αὐτόν·

τὸ δὲ πολὺ πλῆθοσ τῶν Τριβαλλῶν ἔφυγεν ὀπίσω ἐπὶ τὸν ποταμόν, ἔνθενπερ τῇ προτεραίᾳ ὡρμήθη Ἀλέξανδροσ. Ὡσ δὲ ἔμαθεν αὐτῶν τὴν ὁρμήν, καὶ αὐτὸσ ὑποστρέψασ τὸ ἔμπαλιν ἐπὶ τοὺσ Τριβαλλοὺσ ἦγεν, καὶ καταλαμβάνει καταστρατοπεδεύοντασ ἤδη.

καὶ οἱ μὲν καταληφθέντεσ πρὸσ τῷ νάπει τῷ παρὰ τὸν ποταμὸν παρετάσσοντο· Ἀλέξανδροσ δὲ καὶ αὐτὸσ τὴν μὲν φάλαγγα ἐσ βάθοσ ἐκτάξασ ἐπῆγε, τοὺσ τοξότασ δὲ καὶ τοὺσ σφενδονήτασ προεκθέοντασ ἐκέλευσεν ἐκτοξεύειν τε καὶ σφενδονᾶν ἐσ τοὺσ βαρβάρουσ, εἴ πωσ προκαλέσαιτο αὐτοὺσ ἐσ τὰ ψιλὰ ἐκ τοῦ νάπουσ. οἱ δὲ ὡσ ἐντὸσ βέλουσ ἐγένοντο, παιόμενοι ἐξέθεον ἐπὶ τοὺσ τοξότασ, ὅπωσ ἐσ χεῖρασ ξυμμίξειαν γυμνοῖσ οὖσι τοῖσ τοξόταισ.

Ἀλέξανδροσ δὲ ὡσ προήγαγεν αὐτοὺσ ἐκ τῆσ νάπησ ἔξω, Φιλώταν μὲν ἀναλαβόντα τοὺσ ἐκ τῆσ ἄνωθεν Μακεδονίασ ἱππέασ προσέταξεν ἐμβάλλειν κατὰ τὸ κέρασ τὸ δεξιόν, ᾗπερ μάλιστα προὐκεχωρήκεσαν ἐν τῇ ἐκδρομῇ· Ἡρακλείδην δὲ καὶ Σώπολιν τοὺσ ἐκ Βοττιαίασ τε καὶ Ἀμφιπόλεωσ ἱππέασ κατὰ τὸ εὐώνυμον κέρασ ἐπάγειν ἔταξε. τὴν δὲ φάλαγγα τῶν πεζῶν καὶ τὴν ἄλλην ἵππον πρὸ τῆσ φάλαγγοσ παρατείνασ κατὰ μέσουσ ἐπῆγε.

καὶ ἔστε μὲν ἀκροβολισμὸσ παῤ ἑκατέρων ἦν, οἱ Τριβαλλοὶ οὐ μεῖον εἶχον· ὡσ δὲ ἥ τε φάλαγξ πυκνὴ ἐνέβαλλεν ἐσ αὐτοὺσ ἐρρωμένωσ καὶ οἱ ἱππεῖσ οὐκ ἀκοντισμῷ ἔτι, ἀλλ̓ αὐτοῖσ τοῖσ ἵπποισ ὠθοῦντεσ ἄλλῃ καὶ ἄλλῃ προσέπιπτον, τότε δὴ ἐτράπησαν διὰ τοῦ νάπουσ εἰσ τὸν ποταμόν. καὶ ἀποθνήσκουσι μὲν τρισχίλιοι ἐν τῇ φυγῇ, ζῶντεσ δὲ ὀλίγοι καὶ τούτων ἐλήφθησαν, ὅτι ὕλη τε δασεῖα πρὸ τοῦ ποταμοῦ ἦν καὶ νὺξ ἐπιγενομένη τὴν ἀκρίβειαν τῆσ διώξεωσ ἀφείλετο τοὺσ Μακεδόνασ.

αὐτῶν δὲ Μακεδόνων τελευτῆσαι λέγει Πτολεμαῖοσ ἱππέασ μὲν ἕνδεκα, πεζοὺσ δὲ ἀμφὶ τοὺσ τεσσαράκοντα.

일치하는 문장이 없습니다.

SEARCH

MENU NAVIGATION