Arrian, Anabasis, book 1, chapter 1

(아리아노스, Anabasis, book 1, chapter 1)

Λέγεται δὴ Φίλιπποσ μὲν τελευτῆσαι ἐπὶ ἄρχοντοσ Πυθοδήλου Ἀθήνησι· παραλαβόντα δὲ τὴν βασιλείαν Ἀλέξανδρον, παῖδα ὄντα Φιλίππου, ἐσ Πελοπόννησον παρελθεῖν· εἶναι δὲ τότε ἀμφὶ τὰ εἴκοσιν ἔτη Ἀλέξανδρον. ἐνταῦθα ξυναγαγόντα τοὺσ Ἕλληνασ, ὅσοι ἐντὸσ Πελοποννήσου ἦσαν, αἰτεῖν παῤ αὐτῶν τὴν ἡγεμονίαν τῆσ ἐπὶ τοὺσ Πέρσασ στρατιᾶσ, ἥντινα Φιλίππῳ ἤδη ἔδοσαν·

καὶ αἰτήσαντα λαβεῖν παῤ ἑκάστων πλὴν Λακεδαιμονίων· Λακεδαιμονίουσ δὲ ἀποκρίνασθαι μὴ εἶναί σφισι πάτριον ἀκολουθεῖν ἄλλοισ, ἀλλ̓ αὐτοὺσ ἄλλων ἐξηγεῖσθαι. νεωτερίσαι δὲ ἄττα καὶ τῶν Ἀθηναίων τὴν πόλιν. ἀλλὰ Ἀθηναίουσ γε τῇ πρώτῃ ἐφόδῳ Ἀλεξάνδρου ἐκπλαγέντασ καὶ πλείονα ἔτι τῶν Φιλίππῳ δοθέντων Ἀλεξάνδρῳ εἰσ τιμὴν συγχωρῆσαι.

ἐπανελθόντα δὲ ἐσ Μακεδονίαν ἐν παρασκευῇ εἶναι τοῦ ἐσ τὴν Ἀσίαν στόλου. Ἅμα δὲ τῷ ἦρι ἐλαύνειν ἐπὶ Θρᾴκησ, ἐσ Τριβαλλοὺσ καὶ Ἰλλυριούσ, ὅτι τε νεωτερίζειν ἐπύθετο Ἰλλυριούσ τε καὶ Τριβαλλούσ, καὶ ἅμα ὁμόρουσ ὄντασ οὐκ ἐδόκει ὑπολείπεσθαι ὅτι μὴ πάντῃ ταπεινωθέντασ οὕτω μακρὰν ἀπὸ τῆσ οἰκείασ στελλόμενον.

ὁρμηθέντα δὴ ἐξ Ἀμφιπόλεωσ ἐμβαλεῖν εἰσ Θρᾴκην τὴν τῶν αὐτονόμων καλουμένων Θρᾳκῶν, Φιλίππουσ πόλιν ἐν ἀριστερᾷ ἔχοντα καὶ τὸν Ὄρβηλον τὸ ὄροσ.

διαβὰσ δὲ τὸν Νέστον ποταμὸν λέγουσιν, ὅτι δεκαταῖοσ ἀφίκετο ἐπὶ τὸ ὄροσ τὸν Αἶμον. καὶ ἐνταῦθα ἀπήντων αὐτῷ κατὰ τὰ στενὰ τῆσ ἀνόδου τῆσ ἐπὶ τὸ ὄροσ τῶν τε % ἐμπόρων πολλοὶ ὡπλισμένοι καὶ οἱ Θρᾷκεσ οἱ αὐτόνομοι, παρεσκευασμένοι εἴργειν τοῦ πρόσω κατειληφότεσ τὴν ἄκραν τοῦ Αἴμου τὸν στόλον, παῤ ἣν ἦν τῷ στρατεύματι ἡ πάροδοσ.

ξυναγαγόντεσ δὲ ἁμάξασ καὶ προβαλόμενοι πρὸ σφῶν ἅμα μὲν χάρακι ἐχρῶντο ταῖσ ἁμάξαισ ἐσ τὸ ἀπομάχεσθαι ἀπ̓ αὐτῶν, εἰ βιάζοιντο, ἅμα δὲ ἐν νῷ εἶχον ἐπαφιέναι ἀνιοῦσιν ᾗ ἀποτομώτατον τοῦ ὄρουσ ἐπὶ τὴν φάλαγγα τῶν Μακεδόνων τὰσ ἁμάξασ.

γνώμην δὲ πεποίηντο ὅτι ὅσῳ πυκνοτέρᾳ τῇ φάλαγγι καταφερόμεναι συμμίξουσιν αἱ ἅμαξαι, τοσῷδε μᾶλλόν τι διασκεδάσουσιν αὐτὴν βίᾳ ἐμπεσοῦσαι. Ἀλεξάνδρῳ δὲ βουλὴ γίγνεται ὅπωσ ἀσφαλέστατα ὑπερβαλεῖ τὸ ὄροσ·

καὶ ἐπειδὴ ἐδόκει διακινδυνευτέα, οὐ γὰρ εἶναι ἄλλῃ τὴν πάροδον, παραγ %5 γέλλει τοῖσ ὁπλίταισ, ὁπότε καταφέροιντο κατὰ τοῦ ὀρθίου αἱ ἅμαξαι, ὅσοισ μὲν ὁδὸσ πλατεῖα οὖσα παρέχοι λῦσαι τὴν τάξιν, τούτουσ δὲ διαχωρῆσαι, ὡσ δἰ αὐτῶν ἐκπεσεῖν τὰσ ἁμάξασ· ὅσοι δὲ περικαταλαμβάνοιντο, ξυννεύσαντασ, τοὺσ δὲ καὶ πεσόντασ ἐσ γῆν, συγκλεῖσαι ἐσ ἀκριβὲσ τὰσ ἀσπίδασ, τοῦ κατ̓ αὐτῶν φερομένασ τὰσ ἁμάξασ καὶ τῇ ῥύμῃ κατὰ τὸ εἰκὸσ ὑπερπηδώσασ ἀβλαβῶσ ἐπελθεῖν.

καὶ οὕτω ξυνέβη ὅπωσ παρῄνεσέ τε Ἀλέξανδροσ καὶ εἴκασεν. οἱ μὲν γὰρ διέσχον τὴν φάλαγγα, αἱ δ̓ ὑπὲρ τῶν ἀσπίδων ἐπικυλισθεῖσαι ὀλίγα ἔβλαψαν·

ἀπέθανε δὲ οὐδεὶσ ὑπὸ ταῖσ ἁμάξαισ. ἔνθα δὴ οἱ Μακεδόνεσ θαρσήσαντεσ, ὅτι ἀβλαβεῖσ αὐτοῖσ, ἃσ μάλιστα ἐδεδίεσαν, αἱ ἅμαξαι ἐγένοντο, σὺν βοῇ ἐσ τοὺσ Θρᾷκασ ἐνέβαλον. Ἀλέξανδροσ δὲ τοὺσ τοξότασ μὲν ἀπὸ τοῦ δεξιοῦ κέρωσ πρὸ τῆσ ἄλλησ φάλαγγοσ, ὅτι ταύτῃ εὐπορώτερα ἦν, ἐλθεῖν ἐκέλευσε καὶ ἐκτοξεύειν ἐσ τοὺσ Θρᾷκασ ὅπῃ προσφέροιντο·

αὐτὸσ δὲ ἀναλαβὼν τὸ ἄγημα καὶ τοὺσ ὑπασπιστὰσ καὶ τοὺσ Ἀγριᾶνασ κατὰ τὸ εὐώνυμον ἦγεν. ἔνθα δὴ οἱ τοξόται βάλλοντεσ τοὺσ προεκθέοντασ τῶν Θρᾳκῶν ἀνέστελλον·

καὶ ἡ φάλαγξ προσμίξασα οὐ χαλεπῶσ ἐξέωσεν ἐκ τῆσ χώρασ ἀνθρώπουσ ψιλοὺσ καὶ κακῶσ ὡπλισμένουσ βαρβάρουσ, ὥστε Ἀλέξανδρον ἀπὸ τοῦ εὐωνύμου ἐπάγοντα οὐκέτι ἐδέξαντο, ἀλλὰ ῥίψαντεσ ὡσ ἑκάστοισ προὐχώρει τὰ ὅπλα κατὰ τοῦ ὄρουσ ἔφυγον. καὶ ἀπέθανον μὲν αὐτῶν ἐσ χιλίουσ καὶ πεντακοσίουσ, ζῶντεσ δὲ ἄνδρεσ μὲν ὀλίγοι ἐλήφθησαν δἰ ὠκύτητα καὶ τῆσ χώρασ ἐμπειρίαν, γυναῖκεσ δὲ ὅσαι ξυνείποντο αὐτοῖσ ἑάλωσαν πᾶσαι, καὶ τὰ παιδάρια καὶ ἡ λεία πᾶσα ἑάλω.

일치하는 문장이 없습니다.

SEARCH

MENU NAVIGATION