Arrian, Anabasis, book 1, chapter 6

(아리아노스, Anabasis, book 1, chapter 6)

ἑκατὸν καὶ εἴκοσι τὸ βάθοσ τῆσ φάλαγγοσ. ἐπὶ τὸ κέρασ δὲ ἑκατέρωθεν διακοσίουσ ἱππέασ ἐπιτάξασ παρήγγελλε σιγῇ ἔχειν τὸ παραγγελλόμενον ὀξέωσ δεχομένουσ. καὶ τὰ μὲν πρῶτα ἐσήμηνεν ὀρθὰ ἀνατεῖναι τὰ δόρατα τοὺσ ὁπλίτασ, ἔπειτα ἀπὸ ξυνθήματοσ ἀποτεῖναι ἐσ προβολήν, καὶ νῦν μὲν ἐσ τὸ δεξιὸν ἐγκλῖναι τῶν δοράτων τὴν σύγκλεισιν, αὖθισ δὲ ἐπὶ τὰ ἀριστερά.

καὶ αὐτὴν δὲ τὴν φάλαγγα ἔσ τε τὸ πρόσω ὀξέωσ ἐκίνησε καὶ ἐπὶ τὰ κέρατα ἄλλοτε ἄλλῃ παρήγαγε. καὶ οὕτω πολλὰσ τάξεισ τάξασ τε καὶ μετακοσμήσασ ἐν ὀλίγῳ χρόνῳ κατὰ τὸ εὐώνυμον οἱο͂ν ἔμβολον ποιήσασ τῆσ φάλαγγοσ ἐπῆγεν ἐπὶ τοὺσ πολεμίουσ.

οἱ δὲ πάλαι μὲν ἐθαύμαζον τήν τε ὀξύτητα ὁρῶντεσ καὶ τὸν κόσμον τῶν δρωμένων· τότε δὲ προσάγοντασ ἤδη τοὺσ ἀμφὶ Ἀλέξανδρον οὐκ ἐδέξαντο, ἀλλὰ λείπουσι τοὺσ πρώτουσ λόφουσ. ὁ δὲ καὶ ἐπαλαλάξαι ἐκέλευσε τοὺσ Μακεδόνασ καὶ τοῖσ δόρασι δουπῆσαι πρὸσ τὰσ ἀσπίδασ·

οἱ δὲ Ταυλάντιοι ἔτι μᾶλλον ἐκπλαγέντεσ πρὸσ τῆσ βοῆσ ὡσ πρὸσ τὴν πόλιν ἐπανήγαγον σπουδῇ τὸν στρατόν. Ἀλέξανδροσ δὲ λόφον τινὰσ κατέχοντασ ἰδὼν οὐ πολλοὺσ τῶν πολεμίων, παῤ ὃν αὐτῷ ἡ πάροδοσ ἐγίγνετο, παρήγγειλε τοῖσ σωματοφύλαξι καὶ τοῖσ ἀμφ̓ αὑτὸν ἑταίροισ, ἀναλαβόντασ τὰσ ἀσπίδασ ἀναβαίνειν ἐπὶ τοὺσ ἵππουσ καὶ ἐλαύνειν ἐπὶ τὸν γήλοφον·

ἐκεῖσε δὲ ἐλθόντασ, εἰ ὑπομένοιεν οἱ κατειληφότεσ τὸ χωρίον, τοὺσ ἡμίσεασ καταπηδῆσαι ἀπὸ τῶν ἵππων καὶ ἀναμιχθέντασ τοῖσ ἱππεῦσι πεζοὺσ μάχεσθαι. οἱ δὲ πολέμιοι τὴν ὁρμὴν τὴν Ἀλεξάνδρου ἰδόντεσ λείπουσι τὸν γήλοφον καὶ παρεκκλίνουσιν ἐφ̓ ἑκάτερα τῶν ὀρῶν.

ἔνθα δὴ καταλαβὼν Ἀλέξανδροσ τὸν γήλοφον σὺν τοῖσ ἑταίροισ τούσ τε Ἀγριᾶνασ μεταπέμπεται καὶ τοὺσ τοξότασ, ὄντασ ἐσ δισχιλίουσ· τοὺσ δὲ ὑπασπιστὰσ διαβαίνειν τὸν ποταμὸν ἐκέλευσε καὶ ἐπὶ τούτοισ τὰσ τάξεισ τῶν Μακεδόνων· ὁπότε δὲ διαβάντεσ τύχοιεν, ἐπ̓ ἀσπίδα ἐκτάσσεσθαι, ὡσ πυκνὴν εὐθὺσ διαβάντων φαίνεσθαι τὴν φάλαγγα· αὐτὸσ δὲ ἐν προφυλακῇ ὢν ἀπὸ τοῦ λόφου ἀφεώρα τῶν πολεμίων τὴν τὴν ὁρμήν. οἱ δέ, ὁρῶντεσ διαβαίνουσαν τὴν δύναμιν, κατὰ τὰ ὄρη ἀντεπῄεσαν, ὡσ τοῖσ μετὰ Ἀλεξάνδρου ἐπιθησόμενοι τελευταίοισ ἀποχωροῦσιν.

ὁ δὲ πελαζόντων ἤδη αὐτὸσ ἐκθεῖ σῦν τοῖσ ἀμφ̓ αὑτόν, καὶ ἡ φάλαγξ, ὡσ διὰ τοῦ ποταμοῦ ἐπιοῦσα, ἐπηλάλαξεν· οἱ δὲ πολέμιοι πάντων ἐπὶ σφᾶσ ἐλαυνόντων ἐγκλίναντεσ ἔφευγον· καὶ ἐν τούτῳ ἐπῆγεν Ἀλέξανδροσ τούσ τε Ἀγριᾶνασ καὶ τοὺσ τοξότασ δρόμῳ ὡσ ἐπὶ τὸν ποταμόν. καὶ πρῶτοσ μὲν αὐτὸσ φθάσασ διαβαίνει· τοῖσ τελευταίοισ δὲ ὡσ εἶδεν ἐπικειμένουσ τοὺσ πολεμίουσ ἐπιστήσασ ἐπὶ τῇ ὄχθῃ τὰσ μηχανὰσ ἐξακοντίζειν ὡσ πορρωτάτω ἀπ̓ αὐτῶν ἐκέλευσεν ὅσα ἀπὸ μηχανῶν βέλη ἐξακοντίζεται, καὶ τοὺσ τοξότασ δὲ ἐκ μέσου τοῦ ποταμοῦ ἐκτοξεύειν, ἐπεσβάντασ καὶ τούτουσ.

καὶ οἱ μὲν ἀμφὶ τὸν Γλαυκίαν εἴσω βέλουσ παρελθεῖν οὐκ ἐτόλμων, οἱ Μακεδόνεσ δὲ ἐν τούτῳ ἀσφαλῶσ ἐπέρασαν τὸν ποταμόν, ὥστε οὐδεὶσ ἀπέθανεν ἐν τῇ ἀποχωρήσει αὐτῶν. Τρίτῃ δὲ ἀπ̓ ἐκείνησ ἡμέρᾳ καταμαθὼν Ἀλέξανδροσ κακῶσ αὐλιζομένουσ τοὺσ ἀμφὶ Κλεῖτον καὶ Γλαυκίαν, καὶ οὔτε φυλακὰσ ἐν τῇ τάξει αὐτοῖσ φυλαττομένασ οὔτε χάρακα ἢ τάφρον προβεβλημένουσ, οἱᾶ δὴ ξὺν φόβῳ ἀπηλλάχθαι οἰομένων Ἀλέξανδρον, ἐσ μῆκοσ τε οὐκ ὠφέλιμον ἀποτετα[γ]μένην αὐτοῖσ τὴν τάξιν, ὑπὸ νύκτα ἔτι λαθὼν διαβαίνει τὸν ποταμόν, τούσ τε ὑπασπιστὰσ ἅμα οἷ ἄγων καὶ τοὺσ Ἀγριᾶνασ καὶ τοὺσ τοξότασ καὶ τὴν Περδίκκου καὶ Κοίνου τάξιν.

καὶ προστέτακτο μὲν ἀκολουθεῖν τὴν ἄλλην στρατιάν·

ὡσ δὲ καιρὸν εἶδεν εἰσ ἐπίθεσιν, οὐ προσμείνασ ὁμοῦ γενέσθαι πάντασ ἐφῆκε τοὺσ τοξότασ καὶ τοὺσ Ἀγριᾶνασ· οἱ δὲ ἀπροσδόκητοί τε ἐπιπεσόντεσ καὶ φάλαγγι κατὰ κέρασ, ᾗπερ ἀσθενεστάτοισ αὐτοῖσ καρτερωτάτῃ τῇ ἐμβολῇ προσμίξειν ἔμελλον, τοὺσ μὲν ἔτι ἐν ταῖσ εὐναῖσ κατέκτεινον, τοὺσ δὲ φεύγοντασ εὐμαρῶσ αἱροῦντεσ, ὥστε πολλοὶ μὲν αὐτοῦ ἐγκατελήφθησαν καὶ ἀπέθανον, πολλοὶ δὲ ἐν τῇ ἀποχωρήσει ἀτάκτῳ καὶ φοβερᾷ γενομένῃ· οὐκ ὀλίγοι δὲ καὶ ζῶντεσ ἐλήφθησαν. ἐγένετο δὲ ἡ δίωξισ τοῖσ ἀμφὶ Ἀλέξανδρον μέχρι πρὸσ τὰ ὄρη τῶν Ταυλαντίων·

ὅσοι δὲ καὶ ἀπέφυγον αὐτῶν, γυμνοὶ τῶν ὅπλων διεσώθησαν. Κλεῖτοσ δὲ ἐσ τὴν πόλιν τὸ πρῶτον καταφυγὼν ἐμπρήσασ τὴν πόλιν ἀπηλλάγη παρὰ Γλαυκίαν ἐσ Ταυλαντίουσ.

일치하는 문장이 없습니다.

SEARCH

MENU NAVIGATION