헬라어 문장 검색 - Αρριαν́Αναβασί1́12́

(아리아노스, Anabasis, book 1, chapter 11)

Ταῦτα δὲ διαπραξάμενοσ ἐπανῆλθεν εἰσ Μακεδονίαν· καὶ τῷ τε Διὶ τῷ Ὀλυμπίῳ τὴν θυσίαν τὴν ἀπ̓ Ἀρχελάου ἔτι καθεστῶσαν ἔθυσε καὶ τὸν ἀγῶνα ἐν Αἰγαῖσ διέθηκε τὰ Ὀλύμπια· οἱ δὲ καὶ ταῖσ Μούσαισ λέγουσιν ὅτι ἀγῶνα ἐποίησε. καὶ ἐν τούτῳ ἀγγέλλεται τὸ Ὀρφέωσ τοῦ Οἰάγρου τοῦ Θρᾳκὸσ ἄγαλμα τὸ ἐν Πιερίδι ἱδρῶσαι ξυνεχῶσ·

καὶ ἄλλοι ἄλλα ἐπεθείαζον τῶν μάντεων, Ἀρίστανδροσ δέ, ἀνὴρ Τελμισσεύσ, μάντισ, θαρρεῖν ἐκέλευσεν Ἀλέξανδρον· δηλοῦσθαι γὰρ, ὅτι ποιηταῖσ ἐπῶν τε καὶ μελῶν καὶ ὅσοι ἀμφὶ ᾠδὴν ἔχουσι πολὺσ πόνοσ ἔσται ποιεῖν τε καὶ ᾅδειν ἀλέξανδρον καὶ τὰ Ἀλεξάνδρου ἔργα. Ἅμα δὲ τῷ ἦρι ἀρχομένῳ ἐξελαύνει ἐφ̓ Ἑλλησπόντου τὰ μὲν κατὰ Μακεδονίαν τε καὶ τοὺσ Ἕλληνασ Ἀντιπάτρῳ ἐπιτρέψασ, αὐτὸσ δὲ ἄγων πεζοὺσ μὲν σὺν ψιλοῖσ τε καὶ τοξόταισ οὐ πολλῷ πλείουσ τῶν τρισμυρίων, ἱππέασ δὲ ὑπὲρ τοὺσ πεντακισχιλίουσ.

ἦν δὲ αὐτῷ ὁ στόλοσ παρὰ τὴν λίμνην τὴν Κερκινῖτιν ὡσ ἐπ̓ Ἀμφίπολιν καὶ τοῦ Στρυμόνοσ ποταμοῦ τὰσ ἐκβολάσ. διαβὰσ δὲ τὸν Στρυμόνα παρήμειβε τὸ Πάγγαιον ὄροσ τὴν ὡσ ἐπ̓ Ἄβδηρα καὶ Μαρώνειαν, πόλεισ Ἑλληνίδασ ἐπὶ θαλάσσῃ ᾠκισμένασ.

ἔνθεν δὲ ἐπὶ τὸν Ἕβρον ποταμὸν ἀφικόμενοσ διαβαίνει καὶ τὸν Ἕβρον εὐπετῶσ. ἐκεῖθεν δὲ διὰ τῆσ Παιτικῆσ ἐπὶ τὸν Μέλανα ποταμὸν ἔρχεται.

διαβὰσ δὲ καὶ τὸν Μέλανα ἐσ Σηστόν ἀφικνεῖται ἐν εἴκοσι ταῖσ πάσαισ ἡμέραισ ἀπὸ τῆσ οἴκοθεν ἐξορμήσεωσ. ἐλθὼν δὲ ἐσ Ἐλαιοῦντα θύει Πρωτεσιλάῳ ἐπὶ τῷ τάφῳ τοῦ Πρωτεσιλάου, ὅτι καὶ Πρωτεσίλαοσ πρῶτοσ ἐδόκει ἐκβῆναι ἐσ τὴν Ἀσίαν τῶν Ἑλλήνων τῶν ἅμα Ἀγαμέμνονι ἐσ Ἴλιον στρατευσάντων. καὶ ὁ νοῦσ τῆσ θυσίασ ἦν ἐπιτυχεστέραν οἷ γενέσθαι ἢ Πρωτεσιλάῳ τὴν ἀπόβασιν. Παρμενίων μὲν δὴ τῶν τε πεζῶν τοὺσ πολλοὺσ καὶ τὴν ἵππον διαβιβάσαι ἐτάχθη ἐκ Σηστοῦ ἐσ Ἄβυδον·

καὶ διέβησαν τριήρεσι μὲν ἑκατὸν καὶ ἑξήκοντα, πλοίοισ δὲ ἄλλοισ πολλοῖσ στρογγύλοισ. Ἀλέξανδρον δὲ ἐξ Ἐλαιοῦντοσ ἐσ τὸν Ἀχαιῶν λιμένα κατᾶραι ὁ πλείων λόγοσ κατέχει, καὶ αὐτόν τε κυβερνῶντα τὴν στρατηγίδα ναῦν διαβάλλειν καὶ, ἐπειδὴ κατὰ μέσον τὸν πόρον τοῦ Ἑλλησπόντου ἐγένετο, σφάξαντα ταῦρον τῷ Ποσειδῶνι καὶ Νηρηίσι σπένδειν ἐκ χρυσῆσ φιάλησ ἐσ τὸν πόντον. λέγουσι δὲ καὶ πρῶτον ἐκ τῆσ νεὼσ σὺν τοῖσ ὅπλοισ ἐκβῆναι αὐτὸν ἐσ τὴν γῆν τὴν Ἀσίαν καὶ βωμοὺσ ἱδρύσασθαι ὅθεν τε ἐστάλη ἐκ τῆσ Εὐρώπησ καὶ ὅπου ἐξέβη τῆσ Ἀσίασ Διὸσ ἀποβατηρίου καὶ Ἀθηνᾶσ καὶ Ἡρακλέουσ.

ἀνελθόντα δὲ ἐσ Ἴλιον τῇ τε Ἀθηνᾷ θῦσαι τῇ Ἰλιάδι, καὶ τὴν πανοπλίαν τὴν αὑτοῦ ἀναθεῖναι ἐσ τὸν νεών, καὶ καθελεῖν ἀντὶ ταύτησ τῶν ἱερῶν τινα ὅπλων ἔτι ἐκ τοῦ Τρωικοῦ ἔργου σωζόμενα. καὶ ταῦτα λέγουσιν ὅτι οἱ ὑπασπισταὶ ἔφερον πρὸ αὐτοῦ ἐσ τὰσ μάχασ.

θῦσαι δὲ αὐτὸν καὶ Πριάμῳ ἐπὶ τοῦ βωμοῦ τοῦ Διὸσ τοῦ Ἑρκείου λόγοσ κατέχει, μῆνιν Πριάμου παραιτούμενον τῷ Νεοπτολέμου γένει, ὃ δὴ ἐσ αὐτὸν καθῆκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 1, chapter 11

(아리아노스, Anabasis, book 1, chapter 11)

상위

목록

SEARCH

MENU NAVIGATION