Arrian, Anabasis, book 1, chapter 26

(아리아노스, Anabasis, book 1, chapter 26)

Ἀλέξανδροσ δὲ ἄρασ ἐκ Φασηλίδοσ μέροσ μέν τι τῆσ στρατιᾶσ διὰ τῶν ἀρῶν πέμπει ἐπὶ Πέργησ, ᾗ ὡδοποιήκεσαν αὐτῷ οἱ Θρᾷκεσ χαλεπὴν ἄλλωσ καὶ μακρὰν οὖσαν τὴν πάροδον· αὐτὸσ δὲ παρὰ τὴν θάλασσαν διὰ τοῦ αἰγιαλοῦ ἦγε τοὺσ ἀμφ̓ αὑτόν. ἔστι δὲ ταύτῃ ἡ ὁδὸσ οὐκ ἄλλωσ ὅτι μὴ τῶν ἀπ̓ ἄρκτου ἀνέμων πνεόντων· εἰ δὲ νότοι κατέχοιεν, ἀπόρωσ ἔχει διὰ τοῦ αἰγιαλοῦ ὁδοιπορεῖν. τῷ δὲ ἐκ νότων σκληροὶ βορραῖ ἐπιπνεύσαντεσ, οὐκ ἄνευ τοῦ θείου, ὡσ αὐτόσ τε καὶ οἱ ἀμφ̓ αὐτὸν ἐξηγοῦντο, εὐμαρῆ καὶ ταχεῖαν τὴν πάροδον παρέσχον.

ἐκ Πέργησ δὲ ὡσ προῄει, ἐντυγχάνουσιν αὐτῷ κατὰ τὴν ὁδὸν πρέσβεισ Ἀσπενδίων αὐτοκράτορεσ, τὴν μὲν πόλιν ἐνδιδόντεσ, φρουρὰν δὲ μὴ εἰσάγειν δεόμενοι. καὶ περὶ μὲν τῆσ φρουρᾶσ πράξαντεσ ἀπῆλθον, ὅσα ἠξίουν·

πεντήκοντα δὲ τάλαντα κελεύει τῇ στρατιᾷ δοῦναι αὐτοῖσ ἐσ μισθὸν καὶ τοὺσ ἵππουσ, οὓσ δασμὸν βασιλεῖ ἔτρεφον. οἱ δὲ ὑπέρ τε τοῦ ἀργυρίου καὶ τοὺσ ἵππουσ παραδώσειν ξυνθέμενοι ἀπῆλθον. Ἀλέξανδροσ δὲ ἐπὶ Σίδησ ᾔει. εἰσὶ δὲ οἱ Σιδῆται Κυμαῖοι ἐκ Κύμησ τῆσ Αἰολίδοσ·

καὶ οὗτοι λέγουσιν ὑπὲρ σφῶν τόνδε τὸν λόγον, ὅτι, ὡσ κατῆράν τε ἐσ τὴν γῆν ἐκείνην οἱ πρῶτοι ἐκ Κύμησ σταλέντεσ καὶ ἐπὶ οἰκισμᾷ ἐξέβησαν, αὐτίκα τὴν μὲν Ἑλλάδα γλῶσσαν ἐξελάθοντο, εὐθὺσ δὲ βάρβαρον φωνὴν ἱέσαν, οὐδὲ τῶν προσχώρων βαρβάρων, ἀλλὰ ἰδίαν σφῶν οὔπω πρόσθεν οὖσαν τὴν φωνήν· καὶ ἔκτοτε οὐ κατὰ τοὺσ ἄλλουσ προσχώρουσ Σιδῆται ἐβαρβάριζον. καταλιπὼν δὲ φρουρὰν ἐν Σίδῃ προῄει ἐπὶ Σύλλιον, χωρίον ὀχυρὸν καὶ φρουρὰν ἔχον ξένων μισθοφόρων καὶ αὐτῶν τῶν ἐπιχωρίων βαρβάρων.

ἀλλ̓ οὔτε τὸ Σύλλιον ἐξ ἐφόδου αὐτοσχεδίου ἠδυνήθη λαβεῖν, ἐπεί τ̓ ἠγγέλθη αὐτῷ κατὰ τὴν ὁδὸν τοὺσ Ἀσπενδίουσ ὅτι οὐδὲν τῶν ξυγκειμένων πρᾶξαι ἐθέλοιεν, οὔτε τοὺσ ἵππουσ παραδοῦναι τοῖσ πεμφθεῖσιν οὔτε ἀπαριθμῆσαι τὰ χρήματα, καὶ τὰ ἐκ τῆσ χώρασ ὅτι ἀνασκευασάμενοι ἐσ τὴν πόλιν τάσ τε πύλασ ἀποκεκλείκασι τοῖσ παρὰ Ἀλεξάνδρου καὶ τὰ τείχη, ὅπῃ πεπονηκότα ἦν, ἐπισκευάζουσι, ταῦτα πυθόμενοσ ἐπὶ Ἀσπένδου ἀνεζεύγνυεν.

일치하는 문장이 없습니다.

SEARCH

MENU NAVIGATION