헬라어 문장 검색 - Αππιαν́ΤηεΞιϝί2́18́10́

(아피아노스, The Civil Wars, book 2, chapter 18 10:)

Τοιαῦτα εἰπόντοσ τοῦ Ἀντωνίου σὺν ἀνατάσει τε καὶ ὁρμῇ βαρυτέρᾳ, γίγνεται δόγμα, ἡσυχαζόντων ἤδη καὶ ἀγαπώντων ἁπάντων, φόνου μὲν οὐκ εἶναι δίκασ ἐπὶ τῷ Καίσαρι, κύρια δὲ εἶναι τὰ πεπραγμένα αὐτῷ πάντα καὶ ἐγνωσμένα, "ἐπεὶ τῇ πόλει συμφέρει. " ἐβιάσαντο γὰρ τόδε ἐσ ἀσφάλειαν οἱ τῶν περισῳζομένων οἰκεῖοι προστεθῆναι μάλιστα, ὡσ οὐ δικαίωσ φυλασσόμενα μᾶλλον ἢ διὰ χρείαν. καὶ ὁ Ἀντώνιοσ αὐτοῖσ ἐσ τοῦτο ἐνέδωκεν. ἐψηφισμένων δὲ τούτων, ὅσοι τῶν κληρούχων ἡγεμόνεσ ἦσαν, ἠξίουν ἴδιον περὶ σφῶν ἐπὶ τῷ κοινῷ δόγμα ἕτερον γενέσθαι, βεβαιοῦν αὐτῶν τὰσ κληρουχίασ. καὶ οὐκ ἐκώλυεν ὁ Ἀντώνιοσ, ἐπιδεικνὺσ τῇ βουλῇ τὸν φόβον. γίγνεται μὲν δὴ καὶ τοῦτο καὶ ἕτερον αὖ περὶ τῶν ἐξιόντων ἐπὶ τὰσ ἀποικίασ ὅμοιον· Λεύκιον δὲ Πείσωνα, ὅτῳ τὰσ διαθήκασ ὁ Καῖσαρ παρετίθετο, τοῦτον ἤδη τὸν τρόπον τῆσ βουλῆσ διαλελυμένησ τινὲσ περιστάντεσ παρεκάλουν μήτε τὰσ διαθήκασ προφέρειν μήτε θάπτειν τὸ σῶμα φανερῶσ, μή τι νεώτερον ἕτερον ἐκ τούτων γένοιτο. καὶ οὐ πειθόμενον ἠπείλουν ἐσαγγέλλειν, ὅτι τὸν δῆμον οὐσίαν τηλικαύτην ἀφαιροῖτο γιγνομένην κοινήν, αὖθισ ἄρα ἐνσημαινόμενοι τὴν τυραννίδα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 2, chapter 18 10:

(아피아노스, The Civil Wars, book 2, chapter 18 10:)

상위

목록

SEARCH

MENU NAVIGATION