호흡부호 보기
강세부호 보기
장단부호 보기
작은 Iota 보기
모든 부호 보기
Καὶ ἐπ’ αὐτοῖσ τόν τε δῆμον ὡρ́κωσεν ἐσ ἀεὶ κυρίουσ νομιεῖν καὶ τὴν βουλὴν ἐκέλευεν ὀμνύναι. ἐνισταμένων δὲ πολλῶν καὶ Κάτωνοσ, εἰσηγεῖτο μὲν ὁ Καῖσαρ θάνατον τῷ μὴ ὀμόσαντι, καὶ ὁ δῆμοσ ἐπεκύρου· ὤμνυον δ’ αὐτίκα δείσαντεσ οἵ τε ἄλλοι καὶ οἱ δήμαρχοι· οὐ γὰρ ἔτι χρήσιμον ἀντιλέγειν ἦν κυρουμένου διὰ τοὺσ ἄλλουσ τοῦ νόμου. Οὐέττιοσ δ’ ἀνὴρ δημότησ, ἐσ τὸ μέσον ἐσδραμὼν μετὰ ξιφιδίου γυμνοῦ, ἐπιπεμφθῆναι ἔφη πρόσ τε Βύβλου καὶ Κικέρωνοσ καὶ Κάτωνοσ ἐσ ἀναίρεσιν Καίσαρόσ τε καὶ Πομπηίου καὶ τὸ ξιφίδιον αὑτῷ Βύβλου ῥαβδοῦχον ἐπιδοῦναι Ποστούμιον. ὑπόπτου δ’ ὄντοσ ἐφ’ ἑκάτερα τοῦ πράγματοσ ὁ μὲν Καῖσαρ ἐξετράχυνε τὸ πλῆθοσ, τὴν δ’ ἐπιοῦσαν ἐξετάσειν τὸν Οὐέττιον ἀνεβάλλοντο. καὶ ὁ Οὐέττιοσ φυλασσόμενοσ ἐν τῷ δεσμωτηρίῳ νυκτὸσ ἀνῃρέθη. εἰκαζομένου δ’ ἐσ ποικίλα τοῦ συμβεβηκότοσ ὁ Καῖσαρ οὐκ ἀνίει καὶ τοῦτο δρᾶσαι λέγων τοὺσ δεδιότασ, ἑώσ ὁ δῆμοσ αὐτῷ συνεχώρησεν ἀμύνειν τοῖσ ἐπιβεβουλευμένοισ. καὶ Βύβλοσ μὲν ἐκ χειρῶν ἅπαντα μεθεὶσ οἱᾶ́ τισ ἰδιώτησ οὐ προῄει τῆσ οἰκίασ ἐπὶ τὸ λοιπὸν τῆσ ἀρχῆσ ἅπαν, ὁ δὲ Καῖσαρ οὐδ’ αὐτὸσ ἔτι ἐζήτει περὶ τοῦ Οὐεττίου, μόνοσ ἔχων τὸ κράτοσ ἐπὶ τῇ πολιτείᾳ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기