헬라어 문장 검색 - Πλυταρ́Πψρρηυσ́22́

(플루타르코스, chapter 22)

ἐν τοιαύταισ δὲ ὢν ἀπορίαισ εἰσ ἐλπίδασ αὖ πάλιν καινὰσ ἐνέπεσε καὶ πράγματα διχοστασίαν ἔχοντα τῆσ γνώμησ, ἅμα γάρ ἧκον ἐκ μὲν Σικελίασ ἄνδρεσ Ἀκράγαντα καὶ Συρακούσασ καὶ Λεοντίνουσ ἐγχειρίζοντεσ αὐτῷ, καὶ δεόμενοι Καρχηδονίουσ τε συνεκβαλεῖν καὶ τῶν τυράννων ἀπαλλάξαι τὴν νῆσον, ἐκ δὲ τῆσ Ἑλλάδοσ ἀγγέλλοντεσ ὡσ Πτολεμαῖοσ ὁ Κεραυνὸσ ἀπόλωλε συμπεσὼν Γαλάταισ μετὰ τῆσ δυνάμεωσ, καὶ νῦν ἂν ἐν καιρῷ μάλιστα δεομένοισ βασιλέωσ Μακεδόσι παραγένοιτο. πολλὰ δὴ τὴν τύχην μεμψάμενοσ ὅτι πράξεων μεγάλων ὑποθέσεισ εἰσ ἕνα καιρὸν αὐτῷ συνήνεγκε, καὶ νομίζων ὡσ ἀμφοτέρων ὑπαρχόντων ἀπολλύναι θάτερον, διηνέχθη τοῖσ λογισμοῖσ πολὺν χρόνον.

εἶτα τοῖσ Σικελικοῖσ μειζόνων ὑποκεῖσθαι πραγμάτων δοκούντων, Λιβύησ ἐγγὺσ εἶναι δοκούσησ, ἐπὶ ταῦτα τρέψασ Κινέαν μὲν εὐθὺσ ἐξέπεμψε προδιαλεξόμενον, ὥσπερ εἰώθει, ταῖσ πόλεσιν, αὐτὸσ δὲ τοῖσ Ταραντίνοισ δυσανασχετοῦσιν ἐμβαλὼν φρουράν, καὶ ἀξιοῦσιν ἢ παρέχειν ἐφ’· οἷσ ἧκε, συμπολεμοῦντα Ῥωμαίοισ, ἢ τὴν χώραν προέμενον αὐτῶν ἀπολιπεῖν τὴν πόλιν οἱάν παρέλαβε, μηδὲν ἐπιεικὲσ ἀποκρινάμενοσ, ἀλλὰ προστάξασ ἡσυχίαν ἄγειν καὶ περιμένειν τὸν ἑαυτοῦ καιρόν, ἐξέπλευσεν.

ἁψαμένῳ δὲ αὐτῷ Σικελίασ ἃ μὲν ἤλπισεν εὐθὺσ ἀπήντα βέβαια, καὶ παρεῖχον αἱ πόλεισ ἑαυτὰσ προθύμωσ, τῶν δὲ ἀγῶνοσ καὶ βίασ δεηθέντων οὐδὲν ἀντεῖχε τὸ πρῶτον, ἀλλὰ τρισμυρίοισ πεζοῖσ καὶ δισχιλίοισ πεντακοσίοισ ἱππεῦσι καὶ διακοσίαισ ναυσὶν ἐπιών τούσ τε Φοίνικασ ἐξῄρει καὶ κατεστρέφετο τὴν ἐπικράτειαν αὐτῶν, τοῦ δ̓ Ἔρυκοσ ἐχυρωτάτου τῶν χωρίων ὄντοσ καὶ πολλοὺσ ἀμυνομένουσ ἔχοντοσ ἔγνω βιάζεσοαι πρὸσ τὰ τείχη, καὶ τῆσ στρατιᾶσ γενομένησ ἑτοίμησ ἐνεδύσατο τὴν πανοπλίαν, καὶ προελθὼν εὔξατο τῷ Ἡρακλεῖ ποιήσειν ἀγῶνα καὶ θυσίαν ἀριστεῖον, ἂν τοῦ γένουσ καὶ τῶν ὑπαρχόντων ἄξιον ἀγωνιστὴν αὑτὸν ἀποδείξῃ τοῖσ Σικελίαν οἰκοῦσιν Ἕλλησι·

τῇ δὲ σάλπιγγι σημήνασ καὶ τοῖσ βέλεσι τοὺσ βαρβάρουσ ἀνασκεδάσασ καὶ τὰσ κλίμακασ προσαγαγών πρῶτοσ ἐπέβη τοῦ τείχουσ·

ἀντιστάντων δὲ πολλῶν ἀμυνόμενοσ τοὺσ μὲν ἐξέωσε τοῦ τείχουσ ἐπ’ ἀμφότερα καὶ κατέβαλε, πλείστουσ δὲ περὶ αὑτὸν τῷ ξίφει χρώμενοσ ἐσώρευσε νεκρούσ, ἔπαθε δὲ αὐτὸσ οὐδέν, ἀλλὰ καὶ προσιδεῖν δεινὸσ ἐφάνη τοῖσ πολεμίοισ, καὶ τὸν Ὅμηρον ἔδειξεν ὀρθῶσ καὶ μετὰ ἐμπειρίασ ἀποφαίνοντα τῶν ἀρετῶν μόνην τὴν ἀνδρείαν φορὰσ πολλάκισ ἐνθουσιώδεισ καὶ μανικὰσ φερομένην.

ἁλούσησ δὲ τῆσ πόλεωσ ἔθυσέ τε τῷ θεῷ μεγαλοπρεπῶσ καὶ θέασ ἀγώνων παντοδαπῶν παρέσχε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 22

(플루타르코스, chapter 22)

상위

목록

SEARCH

MENU NAVIGATION