헬라어 문장 검색 - Πλυταρ́Πηοξιον́37́

(플루타르코스, chapter 37)

ἦν δὲ ἡμέρα μηνὸσ Μουνυχιῶνοσ ἐνάτη ἐπὶ δέκα, καὶ τῷ Διῒ τὴν πομπὴν πέμποντεσ οἱ ἱππεῖσ παρεξῄεσαν ὧν οἱ μὲν ἀφείλοντο τοὺσ στεφάνουσ, οἱ δὲ πρὸσ τὰσ θύρασ δεδακρυμένοι τῆσ εἱρκτῆσ ἀπέβλεψαν. ἐφάνη δὲ τοῖσ μὴ παντάπασιν ὠμοῖσ καὶ διεφθαρμένοισ ὑπ’ ὀργῆσ καὶ φθόνου τὴν ψυχὴν, ἀνοσιώτατον γεγονέναι τὸ μηδ’ ἐπισχεῖν τὴν ἡμέραν ἐκείνην, μηδὲ καθαρεῦσαι δημοσίου φόνου τὴν πόλιν ἑορτάζουσαν. οὐ μὴν ἀλλ’ ὥσπερ ἐνδεέστερον ἠγωνισμένοισ τοῖσ ἐχθροῖσ ἔδοξε καὶ τὸ σῶμα τοῦ Φωκίωνοσ ἐξορίσαι καὶ μηδὲ πῦρ ἐναῦσαι μηδένα πρὸσ τὴν ταφὴν Ἀθηναίων, διὸ φίλοσ μὲν οὐδεὶσ ἐτόλμησεν ἅψασθαι τοῦ σώματοσ, Κωνωπίων δέ τισ, ὑπουργεῖν εἰθισμένοσ τὰ τοιαῦτα μισθοῦ, κομισθέντα τὸν νεκρὸν ὑπὲρ τὴν Ἐλευσῖνα, πῦρ λαβὼν ἐκ τῆσ Μεγαρικῆσ, ἔκαυσεν.

ἡ δὲ γυνὴ παροῦσα μετὰ τῶν θεραπαινίδων ἔχωσε μὲν αὐτόθι χῶμα κενὸν καὶ κατέσπεισεν, ἐνθεμένη δὲ τῷ κόλπῳ τὰ ὀστᾶ καὶ κομίσασα νύκτωρ εἰσ τὴν οἰκίαν κατώρυξε παρὰ τὴν ἑστίαν, εἰποῦσα·

"σοὶ, ὦ φίλη ἑστία, παρακατατίθεμαι ταῦτα ἀνδρὸσ ἀγαθοῦ λείψανα· "σὺ δὲ αὐτὰ τοῖσ πατρῴοισ ἀπόδοσ ἠρίοισ, ὅταν Ἀθηναῖοι σωφρονήσωσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, chapter 37

(플루타르코스, chapter 37)

상위

목록

SEARCH

MENU NAVIGATION