헬라어 문장 검색 - Πλυταρ́Πηοξιον́01́

(플루타르코스, chapter 1)

Δημάδησ ὁ ῥήτωρ ἰσχύων μὲν ἐν ταῖσ Ἀθήναισ διὰ τὸ πρὸσ χάριν πολιτεύεσθαι Μακεδόνων καὶ Ἀντιπάτρου, πολλὰ δὲ γράφειν καὶ λέγειν ἀναγκαζόμενοσ παρὰ τὸ ἀξίωμα τῆσ πόλεωσ καὶ τὸ ἦθοσ, ἔλεγε συγγνώμησ ἄξιοσ εἶναι πολιτευόμενοσ τὰ ναυάγια τῆσ πόλεωσ, τοῦτο δὲ εἰ καὶ τῷ ῥήτορι θρασύτερον εἴρηται, δόξειεν ἂν ἀληθὲσ εἶναι μετενεχθὲν ἐπὶ τὴν Φωκίωνοσ πολιτείαν. Δημάδησ μὲν γὰρ αὐτὸσ ἦν ναυάγιον τῆσ πόλεωσ, οὕτωσ ἀσελγῶσ βιώσασ καὶ πολιτευσάμενοσ ὥστε Ἀντίπατρον εἰπεῖν ἐπ’ αὐτοῦ, γέροντοσ ἤδη γεγονότοσ, ὅτι καθάπερ ἱερείου διαπεπραγμένου γλῶσσα καὶ κοιλία μόνον ἀπολείπεται·

τὴν δὲ Φωκίωνοσ ἀρετήν, ὥσπερ ἀνταγωνιστῇ βαρεῖ καὶ βιαίῳ καιρῷ συλλαχοῦσαν, αἱ τύχαι τῆσ Ἑλλάδοσ ἀμαυρὰν καὶ ἀλαμπῆ πρὸσ δόξαν ἐποίησαν. οὐ γὰρ Σοφοκλεῖ γε προσεκτέον ἀσθενῆ ποιοῦντι τὴν ἀρετὴν ἐν οἷσ φησιν·

ἀλλ’ οὐ γὰρ, ὦναξ, οὐδ’ ὃσ ἂν βλάστῃ μένει νοῦσ τοῖσ κακῶσ πράξασιν, ἀλλ’ ἐξίσταται· τοσοῦτον δὲ τῇ τύχῃ δοτέον ἀντιταττομένῃ πρὸσ τοὺσ ἀγαθοὺσ ἄνδρασ ἰσχύειν, ὅσον ἀντὶ τῆσ ἀξίασ τιμῆσ καὶ χάριτοσ ἐνίοισ ψόγουσ πονηροὺσ καὶ διαβολὰσ ἐπιφέρουσαν τὴν πίστιν ἀσθενεστέραν ποιεῖν τῆσ ἀρετῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 1

(플루타르코스, chapter 1)

상위

목록

SEARCH

MENU NAVIGATION