헬라어 문장 검색 - Πλυταρ́Πηοξιον́21́

(플루타르코스, chapter 21)

"ἢ τοῖσ ὅπλοισ κρατεῖν ἢ τοῖσ κρατοῦσι φίλουσ εἶναι. "καὶ ταῦτα νεώνητοσ ὢν τῷ δήμῳ; ἐπεὶ δὲ Ἅρπαλοσ μετὰ χρημάτων πολλῶν ἀποδρὰσ Ἀλέξανδρον ἐκ τῆσ Ἀσίασ τῇ Ἀττικῇ προσέβαλε, καὶ τῶν εἰωθότων ἀπὸ τοῦ βήματοσ χρηματίζεσθαι δρόμοσ ἦν καὶ ἅμιλλα φθειρομένων πρὸσ αὐτόν, τούτοισ μὲν ἀπὸ πολλῶν μικρὰ δελεάζων προήκατο καὶ διέρριψε, τῷ δὲ Φωκίωνι προσέπεμψε διδοὺσ ἑπτακόσια τάλαντα, καὶ τἆλλα πάντα, καὶ μετὰ πάντων ἑαυτὸν ἐκείνῳ μόνῳ παρακατατιθέμενοσ.

ἀποκριναμένου δὲ τραχέωσ τοῦ Φωκίωνοσ οἰμώξεσθαι τὸν Ἅρπαλον, εἰ μὴ παύσεται διαφθείρων τὴν πόλιν, τότε μὲν συσταλεὶσ ἀπέστη, μετ’ ὀλίγον δὲ βουλευομένων Ἀθηναίων ἑώρα τοὺσ μὲν εἰληφότασ τὰ χρήματα παρ’ αὐτοῦ μεταβαλλομένουσ καὶ κατηγοροῦντασ, ἵνα μὴ φανεροὶ γένωνται, Φωκίωνα δὲ τὸν μηδὲν λαβόντα μετὰ τοῦ κοινοῦ συμφέροντοσ ἅμα καὶ τὴν ἐκείνου σωτηρίαν ἔν τινι λόγῳ τιθέμενον.

πάλιν οὖν ἐνεχθεὶσ ἐπὶ τὸ θεραπεύειν ἐκεῖνον, αὐτὸν μὲν ὡσ ἔρυμα πανταχόθεν ἀνάλωτον ὑπὸ τοῦ χρυσίου περιοδεύων ἑώρα, Χαρικλέα δὲ τὸν γαμβρὸν αὐτοῦ ποιησάμενοσ συνήθη καὶ φίλον, ἀνέπλησε δόξησ πονηρᾶσ, πάντα πιστεύων καὶ πάντα χρώμενοσ ἐκείνῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 21

(플루타르코스, chapter 21)

상위

목록

SEARCH

MENU NAVIGATION