Plutarch, chapter 8

(플루타르코스, chapter 8)

οὕτω δὲ συντάξασ ἑαυτόν ἐπολιτεύετο μὲν ἀεὶ πρὸσ εἰρήνην καὶ ἡσυχίαν, ἐστρατήγησε δὲ πλείστασ οὐ μόνον τῶν καθ’ ἑαυτόν, ἀλλὰ καὶ τῶν πρὸ αὐτοῦ στρατηγίασ, οὐ παραγγέλλων οὐδὲ μετιών, ἀλλ’ οὐδὲ φεύγων οὐδὲ ἀποδιδράσκων τῆσ πόλεωσ καλούσησ, ὁμολογεῖται γὰρ ὅτι πέντε καὶ τεσσαράκοντα στρατηγίασ ἔλαβεν οὐδ’ ἅπαξ ἀρχαιρεσίοισ παρατυχών, ἀλλ’ ἀπόντα μεταπεμπομένων αὐτὸν ἀεὶ καὶ χειροτονούντων, ὥστε θαυμάζειν τοὺσ οὐκ εὖ φρονοῦντασ τὸν δῆμον ὅτι, πλεῖστα τοῦ Φωκίωνοσ ἀντικρούοντοσ αὐτῷ καὶ μηδὲν εἰπόντοσ πώποτε μηδὲ πράξαντοσ πρὸσ χάριν, ὥσπερ ἀξιοῦσι τοὺσ βασιλεῖσ τοῖσ κόλαξι χρῆσθαι μετὰ τὸ κατὰ χειρὸσ ὕδωρ, ἐχρῆτο οὗτοσ τοῖσ μὲν κομψοτέροισ; καὶ ἱλαροῖσ ἐν παιδιᾶσ μέρει δημαγωγοῖσ, ἐπὶ δὲ τὰσ ἀρχὰσ ἀεὶ νήφων καὶ σπουδάζων τὸν αὐστηρότατον καὶ φρονιμώτατον ἐκάλει τῶν πολιτῶν καὶ μόνον ἢ μᾶλλον ταῖσ βουλήσεσιν αὐτοῦ καὶ ὁρμαῖσ ἀντιτασσόμενον.

χρησμοῦ μὲν γὰρ ἐκ Δελφῶν ἀναγνωσθέντοσ ὅτι, τῶν ἄλλων Ἀθηναίων ὁμοφρονούντων, εἷσ ἀνὴρ ἐναντία φρονοίη τῇ πόλει, παρελθὼν ὁ Φωκίων ἀμελεῖν ἐκέλευσεν, ὡσ αὐτὸσ ὢν ὁ ζητούμενοσ·

μόνῳ γὰρ αὐτῷ μηδὲν ἀρέσκειν τῶν πραττομένων. ἐπεὶ δὲ λέγων ποτὲ γνώμην πρὸσ τὸν δῆμον εὐδοκίμει καὶ πάντασ ὁμαλῶσ ἑώρα τὸν λόγον ἀποδεχομένουσ, ἐπιστραφεὶσ πρὸσ τοὺσ φίλουσ εἶπεν· "οὐ δή πού τι κακὸν λέγων ἐμαυτὸν λέληθα;

일치하는 문장이 없습니다.

SEARCH

MENU NAVIGATION