헬라어 문장 검색 - Πλυταρ́ΔεΣτοιξ́19́

(플루타르코스, De Stoicorum repugnantiis, section 19)

τἀγαθὰ πρὸσ τὰ κακὰ τὴν πᾶσαν ἔχειν διαφορὰν ὁμολογεῖ Χρύσιπποσ· καὶ ἀναγκαῖόν ἐστιν, εἰ τὰ μὲν ἐσχάτωσ ποιεῖ κακοδαίμονασ εὐθὺσ οἷσ ἂν παρῇ, τὰ δ’ ἐπ’ ἄκρον εὐδαίμονασ. "ὅτι μὲν γὰρ αἰσθητά ἐστι τἀγαθὰ καὶ τὰ κακά, καὶ τούτοισ ἐκποιεῖ λέγειν·

"οὐ γὰρ μόνον τὰ πάθη ἐστὶν αἰσθητὰ σὺν τοῖσ εἴδεσιν, οἱο͂ν λύπη καὶ φόβοσ καὶ τὰ παραπλήσια, ἀλλὰ καὶ κλοπῆσ καὶ μοιχείασ καὶ τῶν ὁμοίων ἔστιν αἰσθέσθαι, καὶ καθόλου ἀφροσύνησ καὶ δειλίασ καὶ ἄλλων οὐκ ὀλίγων κακιῶν οὐδὲ μόνον χαρᾶσ καὶ εὐεργεσιῶν καὶ ἄλλων πολλῶν κατορθώσεων, ἀλλὰ καὶ φρονήσεωσ καὶ ἀνδρείασ καὶ τῶν λοιπῶν ἀρετῶν. τούτων τὴν μὲν ἄλλην ἀτοπίαν ἀφῶμεν, ὅτι δὲ μάχεται τοῖσ περὶ τὸν διαλεληθότα σοφόν, τίσ οὐκ ἂν ὁμολογήσειεν;

αἰσθητοῦ γὰρ ὄντοσ τἀγαθοῦ καὶ μεγάλην πρὸσ τὸ κακὸν διαφορὰν ἔχοντοσ, τὸν ἐκ φαύλου γιγνόμενον σπουδαῖον ἀγνοεῖν τοῦτο καὶ τῆσ ἀρετῆσ μὴ αἰσθάνεσθαι παρούσησ ἀλλ’ οἰέσθαι τὴν κακίαν αὐτῷ παρεῖναι, πῶσ οὐκ ἔστιν ἀτοπώτατον; τὰσ ἀρετὰσ ἔχων ἁπάσασ, ἢ μικρὰ τίσ ἐστι καὶ παντάπασι δυσθεώρητοσ ἡ διαφορὰ τῆσ ἀρετῆσ πρὸσ τὴν κακίαν καὶ τῆσ εὐδαιμονίασ πρὸσ τὴν κακοδαιμονίαν καὶ τοῦ καλλίστου βίου πρὸσ τὸν αἴσχιστον, εἰ ταῦτά τισ ἀντ’ ἐκείνων κτησάμενοσ ἑαυτὸν λέληθε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De Stoicorum repugnantiis, section 19

(플루타르코스, De Stoicorum repugnantiis, section 19)

상위

목록

SEARCH

MENU NAVIGATION