헬라어 문장 검색 - Πλυταρ́ΔεΣτοιξ́11́

(플루타르코스, De Stoicorum repugnantiis, section 11)

" τὸ κατόρθωμά φασι νόμου πρόσταγμα εἶναι, τὸ δ’ ἁμάρτημα νόμου ἀπαγόρευμα, διὸ τὸν νόμον πολλὰ τοῖσ φαύλοισ ἀπαγορεύειν προστάττειν δὲ μηδέν· οὐ γὰρ δύνανται κατορθοῦν καὶ τίσ οὐκ οἶδεν ὅτι τῷ μὴ δυναμένῳ κατορθοῦν ἀδύνατόν ἐστι μὴ ἁμαρτάνειν;

αὐτὸν οὖν αὑτῷ μαχόμενον ποιοῦσι τὸν νόμον, προστάττοντα μὲν ἃ ποιεῖν ἀδυνατοῦσιν ἀπαγορεύοντα δ’ ὧν ἀπέχεσθαι μὴ δύνανται·

ὁ γὰρ μὴ δυνάμενοσ σωφρονεῖν ἄνθρωποσ οὐ δύναται μὴ ἀκολασταίνειν, καὶ ὁ μὴ δυνάμενοσ φρονεῖν οὐ δύναται μὴ ἀφραίνειν. αὐτοί γε μὴν λέγουσι τοὺσ ἀπαγορεύοντασ ἄλλο μὲν λέγειν ἄλλο δ’ ἀπαγορεύειν ἄλλο δὲ προστάσσειν·

ἀπαγορεύει δὲ κλέπτειν, προστάσσει δὲ μὴ κλέπτειν·

οὐδὲν οὖν ἀπαγορεύσει τοῖσ φαύλοισ ὁ νόμοσ, εἴ γε μὴ προστάξει τι.

καὶ τὸν ἰατρὸν τῷ μαθητῇ προστάσσειν λέγουσι τεμεῖν καὶ καῦσαι, κατὰ παράλειψιν τοῦ εὐκαίρωσ καὶ μετρίωσ· καὶ τὸν μουσικὸν λυρίσαι καὶ ᾆσαι, κατὰ παράλειψιν τοῦ ἐμμελῶσ καὶ συμφώνωσ· διὸ τοὺσ ταῦτα ποιήσαντασ ἀτέχνωσ καὶ κακῶσ κολάζουσιν ὡσ προσετάχθη γὰρ ὀρθῶσ, οἱ δ’ ὀρθῶσ οὐκ ἐποίησαν.

οὐκοῦν καὶ ὁ σοφὸσ τῷ θεράποντι προστάσσων εἰπεῖν τι καὶ πρᾶξαι, κἂν μὴ εὐκαίρωσ τοῦτο πράξῃ μηδ’ ὡσ δεῖ κολάζων, δῆλόσ ἐστι κατόρθωμα προστάσσων οὐ μέσον·

εἰ δὲ μέσα προστάσσουσιν οἱ σοφοὶ τοῖσ φαύλοισ, τί κωλύει καὶ τὰ τοῦ νόμου προστάγματα τοιαῦτ’ εἶναι;

καὶ μὴν ἡ ὁρμή, κατὰ γ’ αὐτόν, τἀνθρώπου λόγοσ ἐστὶ προστακτικὸσ αὐτῷ τοῦ ποιεῖν, ὡσ ἐν τῷ περὶ Νόμου γέγραφεν. οὐκοῦν καὶ ἡ ἀφορμὴ λόγοσ ἀπαγορευτικόσ, καὶ ἡ ἔκκλισισ εὔλογοσ ἔκκλισισ· καὶ ἡ εὐλάβεια τοίνυν λόγοσ ἐστὶν ἀπαγορευτικὸσ τῷ σοφῷ·

τὸ γὰρ εὐλαβεῖσθαι σοφῶν ἴδιον οὐ φαύλων ἐστίν. εἰ μὲν οὖν ἕτερόν ἐστιν ὁ τοῦ σοφοῦ λόγοσ καὶ ἕτερον ὁ νόμοσ, μαχόμενον τῷ νόμῳ λόγον οἱ σοφοὶ τὴν εὐλάβειαν ἔχουσιν· σοφοῖσ τοῦ ποιεῖν ἃ εὐλαβοῦνται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De Stoicorum repugnantiis, section 11

(플루타르코스, De Stoicorum repugnantiis, section 11)

상위

목록

SEARCH

MENU NAVIGATION