헬라어 문장 검색 - ΕπιξτέΩορκσ́03́14́

(에픽테토스, Works, book 1, Ὅτι πάντασ ἐφορᾷ τὸ θεῖον.)

Πυθομένου δέ τινοσ, πῶσ ἄν τισ πεισθείη, ὅτι ἕκαστον τῶν ὑπ’ αὐτοῦ πραττομένων ἐφορᾶται ὑπὸ τοῦ θεοῦ, Οὐ δοκεῖ σοι, ἔφη, ἡνῶσθαι τὰ πάντα; ‐ Δοκεῖ, ἔφη.

‐ Τί δέ; συμπαθεῖν τὰ ἐπίγεια τοῖσ οὐρανίοισ οὐ δοκεῖ σοι; ‐ Δοκεῖ, ἔφη.

‐ Πόθεν γὰρ οὕτω τεταγμένωσ καθάπερ ἐκ προστάγματοσ τοῦ θεοῦ, ὅταν ἐκεῖνοσ εἴπῃ τοῖσ φυτοῖσ ἀνθεῖν, ἀνθεῖ, ὅταν εἴπῃ βλαστάνειν, βλαστάνει, ὅταν ἐκφέρειν τὸν καρπόν, ἐκφέρει, ὅταν πεπαίνειν, πεπαίνει, ὅταν πάλιν ἀποβάλλειν καὶ φυλλορροεῖν καὶ αὐτὰ εἰσ αὑτὰ συνειλούμενα ἐφ’ ἡσυχίασ μένειν καὶ ἀναπαύεσθαι, μένει καὶ ἀναπαύεται; πόθεν δὲ πρὸσ τὴν αὔξησιν καὶ μείωσιν τῆσ σελήνησ καὶ τὴν τοῦ ἡλίου πρόσοδον καὶ ἄφοδον τοσαύτη παραλλαγὴ καὶ ἐπὶ τὰ ἐναντία μεταβολὴ τῶν ἐπιγείων θεωρεῖται;

ἀλλὰ τὰ φυτὰ μὲν καὶ τὰ ἡμέτερα σώματα οὕτωσ ἐνδέδεται τοῖσ ὅλοισ καὶ συμπέπονθεν, αἱ ψυχαὶ δ’ αἱ ἡμέτεραι οὐ πολὺ πλέον;

ἀλλ’ αἱ ψυχαὶ μὲν οὕτωσ εἰσὶν ἐνδεδεμέναι καὶ συναφεῖσ τῷ θεῷ ἅτε αὐτοῦ μόρια οὖσαι καὶ ἀποσπάσματα, οὐ παντὸσ δ’ αὐτῶν κινήματοσ ἅτε οἰκείου καὶ συμφυοῦσ ὁ θεὸσ αἰσθάνεται;

τύπουσ δὲ τοσούτουσ ἀφ’ οὕτω πολλῶν καὶ ποικίλων πραγμάτων ἐν τῇ σαυτοῦ ψυχῇ φυλάττεισ καὶ ἀπ’ αὐτῶν κινούμενοσ εἰσ ἐπινοίασ ὁμοειδεῖσ ἐμπίπτεισ τοῖσ πρώτωσ τετυπωκόσι τέχνασ τ’ ἄλλην ἐπ’ ἄλλῃ καὶ μνήμασ ἀπὸ μυρίων πραγμάτων διασῴζεισ·

ὁ δὲ θεὸσ οὐχ οἱο͂́σ τ’ ἐστὶ πάντα ἐφορᾶν καὶ πᾶσιν συμπαρεῖναι καὶ ἀπὸ πάντων τινὰ ἴσχειν διάδοσιν;

ἀλλὰ φωτίζειν οἱο͂́σ τ’ ἐστὶν ὁ ἥλιοσ τηλικοῦτον μέροσ τοῦ παντόσ, ὀλίγον δὲ τὸ ἀφώτιστον ἀπολιπεῖν ὅσον οἱο͂́ν τ’ ἐπέχεσθαι ὑπὸ σκιᾶσ, ἣν ἡ γῆ ποιεῖ·

ὁ δὲ καὶ τὸν ἥλιον αὐτὸν πεποιηκὼσ καὶ περιάγων μέροσ ὄντ’ αὐτοῦ μικρὸν ὡσ πρὸσ τὸ ὅλον, οὗτοσ δ’ οὐ δύναται πάντων αἰσθάνεσθαι; φησίν, οὐ δύναμαι πᾶσιν ἅμα τούτοισ παρακολουθεῖν.

‐ Τοῦτο δέ σοι καὶ λέγει τισ, ὅτι ἴσην ἔχεισ δύναμιν τῷ Διί; ἀλλ’ οὖν οὐδὲν ἧττον καὶ ἐπίτροπον ἑκάστῳ παρέστησεν τὸν ἑκάστου δαίμονα καὶ παρέδωκεν φυλάσσειν αὐτὸν αὐτῷ καὶ τοῦτον ἀκοίμητον καὶ ἀπαραλόγιστον.

τίνι γὰρ ἄλλῳ κρείττονι καὶ ἐπιμελεστέρῳ φύλακι παρέδωκεν ἡμῶν ἕκαστον;

ὥσθ’, ὅταν κλείσητε τὰσ θύρασ καὶ σκότοσ ἔνδον ποιήσητε, μέμνησθε μηδέποτε λέγειν ὅτι μόνοι ἐστέ· οὐ γὰρ ἐστέ, ἀλλ’ ὁ θεὸσ ἔνδον ἐστὶ καὶ ὁ ὑμέτεροσ δαίμων ἐστίν.

καὶ τίσ τούτοισ χρεία φωτὸσ εἰσ τὸ βλέπειν τί ποιεῖτε; τούτῳ τῷ θεῷ ἔδει καὶ ὑμᾶσ ὀμνύειν ὁρ́κον, οἱο͂ν οἱ στρατιῶται τῷ Καίσαρι.

ἀλλ’ ἐκεῖνοι μὲν τὴν μισθοφορίαν λαμβάνοντεσ ὀμνύουσιν πάντων προτιμήσειν τὴν τοῦ Καίσαροσ σωτηρίαν, ὑμεῖσ δὲ δε τοσούτων καὶ τηλικούτων ἠξιωμένοι οὐκ ὀμόσετε ἢ ὀμόσαντεσ οὐκ ἐμμενεῖτε; καὶ τί ὀμόσετε;

μὴ ἀπειθήσειν μηδέποτε μηδ’ ἐγκαλέσειν μηδὲ μέμψεσθαί τινι τῶν ὑπ’ ἐκείνου δεδομένων μηδ’ ἄκοντεσ ποιήσειν τι ἢ πείσεσθαι τῶν ἀναγκαίων. ὅμοιόσ γε ὁρ́κοσ οὗτοσ ἐκείνῳ;

ἐκεῖ μὲν ὀμνύουσιν αὐτοῦ μὴ προτιμήσειν ἕτερον, ἐνταῦθα δ’ αὑτοὺσ ἁπάντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 1, Ὅτι πάντασ ἐφορᾷ τὸ θεῖον.

(에픽테토스, Works, book 1, Ὅτι πάντασ ἐφορᾷ τὸ θεῖον.)

상위

목록

SEARCH

MENU NAVIGATION