헬라어 문장 검색 - ΕπιξτέΩορκσ́03́11́

(에픽테토스, Works, book 1, Περὶ φιλοστοργίασ.)

Ἀφικομένου δέ τινοσ πρὸσ αὐτὸν τῶν ἐν τέλει πυθόμενοσ παρ’ αὐτοῦ τὰ ἐπὶ μέρουσ ἠρώτησεν, εἰ καὶ τέκνα εἰή αὐτῷ καὶ γυνή. τοῦ δ’ ὁμολογήσαντοσ προσεπύθετο·

Πῶσ τι οὖν χρῇ τῷ πράγματι; ‐ Ἀθλίωσ, ἔφη. ‐ Καὶ ὅσ·

Τίνα τρόπον; οὐ γὰρ δὴ τούτου γ’ ἕνεκα γαμοῦσιν ἄνθρωποι καὶ παιδοποιοῦνται, ὅπωσ ἄθλιοι ὦσιν, ἀλλὰ μᾶλλον ὅπωσ εὐδαίμονεσ. ‐ Ἀλλ’ ἐγώ, ἔφη, οὕτωσ ἀθλίωσ ἔχω περὶ τὰ παιδάρια, ὥστε πρῴην νοσοῦντόσ μου τοῦ θυγατρίου καὶ δόξαντοσ κινδυνεύειν οὐχ ὑπέμεινα οὐδὲ παρεῖναι αὐτῷ νοσοῦντι, φυγὼν δ’ ᾠχόμην, μέχρισ οὗ προσήγγειλέ τισ μοι ὅτι ἔχει καλῶσ.

‐ Τί οὖν;

ὀρθῶσ φαίνει σαυτῷ ταῦτα πεποιηκέναι; ‐ Φυσικῶσ, ἔφη. ‐ Ἀλλὰ μὴν τοῦτό με πεῖσον, ἔφη, σύ, διότι φυσικῶσ, καὶ ἐγώ σε πείσω, ὅτι πᾶν τὸ κατὰ φύσιν γινόμενον ὀρθῶσ γίνεται. ‐ Τοῦτο, ἔφη, πάντεσ ἢ οἵ γε πλεῖστοι πατέρεσ πάσχομεν.

‐ Οὐδ’ ἐγώ σοι ἀντιλέγω, ἔφη, ὅτι οὐ γίνεται, τὸ δ’ ἀμφισβητούμενον ἡμῖν ἐκεῖνό ἐστιν, εἰ ὀρθῶσ. ἐπεὶ τούτου γ’ ἕνεκα καὶ τὰ φύματα δεῖ λέγειν ἐπ’ ἀγαθῷ γίνεσθαι τοῦ σώματοσ, ὅτι γίνεται, καὶ ἁπλῶσ τὸ ἁμαρτάνειν εἶναι κατὰ φύσιν, ὅτι πάντεσ σχεδὸν ἢ οἵ γε πλεῖστοι ἁμαρτάνομεν.

δεῖξον οὖν μοι σύ, πῶσ κατὰ φύσιν ἐστίν.

‐ Οὐ δύναμαι, ἔφη· ἀλλὰ σύ μοι μᾶλλον δεῖξον, πῶσ οὐκ ἔστι κατὰ φύσιν οὐδ’ ὀρθῶσ γίνεται. ‐ Καὶ ὅσ·

Ἀλλ’ εἰ ἐζητοῦμεν, ἔφη, περὶ λευκῶν καὶ μελάνων, ποῖον ἂν κριτήριον παρεκαλοῦμεν πρὸσ διάγνωσιν αὐτῶν; ‐ Τὴν ὁρ́ασιν, ἔφη. ‐ Τί δ’ εἰ περὶ θερμῶν καὶ ψυχρῶν καὶ σκληρῶν καὶ μαλακῶν, ποῖόν τι; ‐ Τὴν ἁφήν. ἐπειδὴ περὶ τῶν κατὰ φύσιν καὶ τῶν ὀρθῶσ ἢ οὐκ ὀρθῶσ γινομένων ἀμφισβητοῦμεν, ποῖον θέλεισ κριτήριον παραλάβωμεν;

‐ Οὐκ οἶδ’, ἔφη.

‐ Καὶ μὴν τὸ μὲν τῶν χρωμάτων καὶ ὀσμῶν, ἔτι δὲ χυλῶν κριτήριον ἀγνοεῖν τυχὸν οὐ μεγάλη ζημία, τὸ δὲ τῶν ἀγαθῶν καὶ τῶν κακῶν καὶ τῶν κατὰ φύσιν καὶ παρὰ φύσιν τῷ ἀνθρώπῳ δοκεῖ σοι μικρὰ ζημία εἶναι τῷ ἀγνοοῦντι; ‐ Ἡ μεγίστη μὲν οὖν.

‐ Φέρε, εἰπέ μοι, πάντα ἃ δοκεῖ τισιν εἶναι καλὰ καὶ προσήκοντα, ὀρθῶσ δοκεῖ; καὶ νῦν Ιοὐδαίοισ καὶ Σύροισ καὶ Αἰγυπτίοισ καὶ Ῥωμαίοισ οἱο͂́ν τε πάντα τὰ δοκοῦντα περὶ τροφῆσ ὀρθῶσ δοκεῖν; ‐ Καὶ πῶσ οἱο͂́ν τε;

‐ Ἀλλ’ οἶμαι πᾶσα ἀνάγκη, εἰ ὀρθά ἐστι τὰ Αἰγυπτίων, μὴ ὀρθὰ εἶναι τὰ τῶν ἄλλων, εἰ καλῶσ ἔχει τὰ Ιοὐδαίων, μὴ καλῶσ ἔχειν τὰ τῶν ἄλλων. ‐ Πῶσ γὰρ οὔ;

‐ Ὅπου δ’ ἄγνοια, ἐκεῖ καὶ ἀμαθία καὶ ἡ περὶ τὰ ἀναγκαῖα ἀπαιδευσία. ‐ Συνεχώρει.

‐ Σὺ οὖν, ἔφη, τούτων αἰσθόμενοσ οὐδὲν ἄλλο τοῦ λοιποῦ σπουδάσεισ οὐδὲ πρὸσ ἄλλῳ τινὶ τὴν γνώμην. ἕξεισ ἢ ὅπωσ τὸ κριτήριον τῶν κατὰ φύσιν καταμαθὼν τούτῳ προσχρώμενοσ διακρινεῖσ τῶν ἐπὶ μέρουσ ἕκαστον. Ἐπὶ δὲ τοῦ παρόντοσ τὰ τοσαῦτα ἔχω σοι πρὸσ ὃ βούλει βοηθῆσαι.

τὸ φιλόστοργον δοκεῖ σοι κατὰ φύσιν τ’ εἶναι καὶ καλόν;

‐ Πῶσ γὰρ οὔ; ‐ Τί δέ; τὸ μὲν φιλόστοργον κατὰ φύσιν τ’ ἐστὶ καὶ καλόν, τὸ δ’ εὐλόγιστον οὐ καλόν; ‐ Οὐδαμῶσ.

‐ Μὴ τοίνυν μάχην ἔχει τῷ φιλοστόργῳ τὸ εὐλόγιστον; ‐ Οὐ δοκεῖ μοι. ‐ Εἰ δὲ μή, τῶν μαχομένων ἀνάγκη θατέρου κατὰ φύσιν ὄντοσ θάτερον εἶναι παρὰ φύσιν; ἢ γὰρ οὔ; ‐ Οὕτωσ, ἔφη. ‐ Οὐκοῦν ὅ τι ἂν εὑρίσκωμεν ὁμοῦ μὲν φιλόστοργον ὁμοῦ δ’ εὐλόγιστον, τοῦτο θαρροῦντεσ ἀποφαινόμεθα ὀρθόν τε εἶναι καὶ καλόν;

‐ Ἔστω, ἔφη.

‐ Τί οὖν; ἀφεῖναι νοσοῦν τὸ παιδίον καὶ ἀφέντα ἀπελθεῖν ὅτι μὲν οὐκ εὐλόγιστον οὐκ οἶμαί σ’ ἀντερεῖν. ὑπολείπεται δ’ ἡμᾶσ σκοπεῖν εἰ φιλόστοργον. ‐ Σκοπῶμεν δή. ‐ Ἆρ’ οὖν σὺ μὲν ἐπειδὴ φιλοστόργωσ διέκεισο πρὸσ τὸ παιδίον, ὀρθῶσ ἐποίεισ φεύγων καὶ ἀπολείπων αὐτό; ἡ μήτηρ δ’ οὐ φιλοστοργεῖ τὸ παιδίον;

‐ Φιλοστοργεῖ μὲν οὖν. ‐ Οὐκοῦν ἔδει καὶ τὴν μητέρα ἀφεῖναι αὐτὸ ἢ οὐκ ἔδει;

‐ Οὐκ ἔδει. ‐ Τί δ’ ἡ τιτθή; στέργει αὐτό; ‐ Στέργει, ἔφη. ‐ Ἔδει οὖν κἀκείνην ἀφεῖναι αὐτό; ‐ Οὐδαμῶσ. ‐ Τί δ’ ὁ παιδαγωγόσ; οὐ στέργει αὐτό; ‐ Στέργει.

‐ Ἔδει οὖν κἀκεῖνον ἀφέντα ἀπελθεῖν, εἶθ’ οὕτωσ ἔρημον καὶ ἀβοήθητον ἀπολειφθῆναι τὸ παιδίον διὰ τὴν πολλὴν φιλοστοργίαν τῶν γονέων ὑμῶν καὶ τῶν περὶ αὐτὸ ἢ ἐν ταῖσ χερσὶν τῶν οὔτε στεργόντων οὔτε κηδομένων ἀποθανεῖν; ‐ Μὴ γένοιτο. ‐ Καὶ μὴν ἐκεῖνό γε ἄνισον καὶ ἄγνωμον, ὅ τισ αὑτῷ προσῆκον οἰέται διὰ τὸ φιλόστοργοσ εἶναι, τοῦτο τοῖσ ὁμοίωσ φιλοστοργοῦσιν μὴ ἐφιέναι;

‐ Ἄτοπον.

‐ Ἄγε, σὺ δ’ ἂν νοσῶν ἠβούλου φιλοστόργουσ οὕτωσ ἔχειν τοὺσ προσήκοντασ τούσ τ’ ἄλλουσ καὶ αὐτὰ τὰ τέκνα καὶ τὴν γυναῖκα, ὥστ’ ἀφεθῆναι μόνοσ ὑπ’ αὐτῶν καὶ ἔρημοσ; ‐ Οὐδαμῶσ.

‐ Εὔξαιο δ’ ἂν οὕτωσ στερχθῆναι ὑπὸ τῶν σαυτοῦ, ὥστε διὰ τὴν ἄγαν αὐτῶν φιλοστοργίαν ἀεὶ μόνοσ ἀπολείπεσθαι ἐν ταῖσ νόσοισ, ἢ τούτου γ’ ἕνεκα μᾶλλον ἂν ὑπὸ τῶν ἐχθρῶν, εἰ δυνατὸν ἦν, φιλοστοργεῖσθαι ηὔχου, ὥστ’ ἀπολείπεσθαι ὑπ’ αὐτῶν; εἰ δὲ ταῦτα, ὑπολείπεται μηδαμῶσ ἔτι φιλόστοργον εἶναι τὸ πραχθέν. Τί οὖν; οὐδὲν ἦν τὸ κινῆσάν σε καὶ ἐξορμῆσαν πρὸσ τὸ ἀφεῖναι τὸ παιδίον;

καὶ πῶσ οἱο͂́ν τε; ἀλλὰ τοιοῦτόν τι ἄν, οἱο͂ν καὶ ἐν Ῥώμῃ τινὰ ἦν τὸ κινοῦν, ὥστ’ ἐγκαλύπτεσθαι τοῦ ἵππου τρέχοντοσ ᾧ ἐσπουδάκει, εἶτα νικήσαντόσ ποτε παραλόγωσ σπόγγων δεῆσαι αὐτῷ πρὸσ τὸ ἀναληφθῆναι λιποψυχοῦντα. τί οὖν τοῦτό ἐστιν;

τὸ μὲν ἀκριβὲσ οὐ τοῦ παρόντοσ καιροῦ τυχόν· τοῦθ’ ὅπερ καὶ νῦν ἐμοί τε καὶ σοὶ γέγονεν αἴτιον, σοὶ μὲν τοῦ ἐλθεῖν πρὸσ ἐμὲ καὶ καθῆσθαι νῦν ἀκούοντα, ἐμοὶ δὲ τοῦ λέγειν ταῦτα.

τί δ’ ἐστὶ τοῦτο;

ἆρά γε ἄλλο ἢ ὅτι ἔδοξεν ἡμῖν; ‐ Οὐδέν. ‐ Εἰ δ’ ἄλλωσ ἡμῖν ἐφάνη, τί ἂν ἄλλο ἢ τὸ δόξαν ἐπράττομεν; οὐκ οὖν καὶ τῷ Ἀχιλλεῖ τοῦτο αἴτιον τοῦ πενθεῖν, οὐχ ὁ τοῦ Πατρόκλου θάνατοσ ἄλλοσ γάρ τισ οὐ πάσχει ταῦτα τοῦ ἑταίρου ἀποθανόντοσ , ἀλλ’ ὅτι ἔδοξεν αὐτῷ.

καὶ σοὶ τότε φεύγειν τοῦτο αὐτὸ ὅτι ἔδοξέν σοι· καὶ πάλιν, ἐὰν μείνῃσ, ὅτι ἔδοξέν σοι.

καὶ νῦν ἐν Ῥώμῃ ἀνέρχῃ, ὅτι δοκεῖ σοι· κἂν μεταδόξῃ, οὐκ ἂν ἀπελεύσῃ. καὶ ἁπλῶσ οὔτε θάνατοσ οὔτε φυγὴ οὔτε πόνοσ οὔτε ἄλλο τι τῶν τοιούτων αἴτιόν ἐστι τοῦ πράττειν τι ἢ μὴ πράττειν ἡμᾶσ, ἀλλ’ ὑπολήψεισ καὶ δόγματα.

Τοῦτό σε πείθω ἢ οὐχί; ‐ Πεί[σ]θεισ, ἔφη.

‐ Οἱᾶ δὴ τὰ αἴτια ἐφ’ ἑκάστου, τοιαῦτα καὶ τὰ ἀποτελούμενα. ἀπὸ ταύτησ τῆσ ἡμέρασ οὐδὲν ἄλλο αἰτιασόμεθα ἢ τὸ δόγμα, ἀφ’ οὗ αὐτὸ ἐπράξαμεν, κἀκεῖνο ἐξαίρειν καὶ ἐκτέμνειν πειρασόμεθα μᾶλλον ἢ τὰ φύματα καὶ τὰ ἀποστήματα ἐκ τοῦ σώματοσ.

ὡσαύτωσ δὲ καὶ τῶν ὀρθῶσ πραττομένων ταὐτὸν τοῦτο αἴτιον ἀποφανοῦμεν.

καὶ οὔτ’ οἰκέτην ἔτι αἰτιασόμεθα οὔτε γείτονα οὔτε γυναῖκα οὔτε τέκνα ὡσ αἴτιά τινων κακῶν ἡμῖν γινόμενα πεπεισμένοι ὅτι, ἂν μὴ ἡμῖν δόξῃ τοιαῦτά τινα εἶναι, οὐ πράττομεν τὰ ἀκόλουθα·

τοῦ δόξαι δὲ ἢ μὴ δόξαι, ἡμεῖσ κύριοι καὶ οὐ τὰ ἐκτόσ. ‐ Οὕτωσ, ἔφη.

‐ Ἀπὸ τῆσ σήμερον τοίνυν ἡμέρασ οὐδὲν ἄλλο ἐπισκοπήσομεν οὐδ’ ἐξετάσομεν, ποῖόν τι ἐστὶν ἢ πῶσ ἔχει, οὔτε τὸν ἀγρὸν οὔτε τὰ ἀνδράποδα οὔτε τοὺσ ἵππουσ ἢ κύνασ, ἀλλὰ τὰ δόγματα. ‐ Εὔχομαι, ἔφη. ‐ Ὁρᾷσ οὖν, ὅτι σχολαστικόν σε δεῖ γενέσθαι, τοῦτο τὸ ζῷον οὗ πάντεσ καταγελῶσιν, εἴπερ ἄρα θέλεισ ἐπίσκεψιν τῶν σαυτοῦ δογμάτων ποιεῖσθαι.

τοῦτο δ’ ὅτι μιᾶσ ὡρ́ασ ἢ ἡμέρασ οὐκ ἔστιν, ἐπινοεῖσ καὶ αὐτόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 1, Περὶ φιλοστοργίασ.

(에픽테토스, Works, book 1, Περὶ φιλοστοργίασ.)

상위

목록

SEARCH

MENU NAVIGATION