호흡부호 보기
강세부호 보기
장단부호 보기
작은 Iota 보기
모든 부호 보기
Ἄν τισ, φησίν, ἐνίστηται πρὸσ τὰ ἄγαν ἐκφανῆ, πρὸσ τοῦτον οὐ ῥᾴδιόν ἐστιν εὑρεῖν λόγον, δι’ οὗ μεταπείσει τισ αὐτόν. τοῦτο δ’ οὔτε παρὰ τὴν ἐκείνου γίνεται δύναμιν οὔτε παρὰ τὴν τοῦ διδάσκοντοσ ἀσθένειαν, ἀλλ’ ὅταν ἀπαχθεὶσ ἀπολιθωθῇ, πῶσ ἔτι χρήσηταί τισ αὐτῷ διὰ λόγου;
Ἀπολιθώσεισ δ’ εἰσὶ διτταί· ἡ μὲν τοῦ νοητικοῦ ἀπολίθωσισ, ἡ δὲ τοῦ ἐντρεπτικοῦ, ὅταν τισ παρατεταγμένοσ ᾖ μὴ ἐπινεύειν τοῖσ ἐναργέσι μηδ’ ἀπὸ τῶν μαχομένων ἀφίστασθαι.
οἱ δὲ πολλοὶ τὴν μὲν σωματικὴν ἀπονέκρωσιν φοβούμεθα καὶ πάντ’ ἂν μηχανησαίμεθα ὑπὲρ τοῦ μὴ περιπεσεῖν τοιούτῳ τινί, τῆσ ψυχῆσ δ’ ἀπονεκρουμένησ οὐδὲν ἡμῖν μέλει.
καὶ νὴ Δία ἐπὶ αὐτῆσ τῆσ ψυχῆσ ἂν μὲν ᾖ οὕτωσ διακείμενοσ, ὥστε μηδενὶ παρακολουθεῖν μηδὲ συνιέναι μηδέν, καὶ τοῦτον κακῶσ ἔχειν οἰόμεθα·
ἂν δέ τινοσ τὸ ἐντρεπτικὸν καὶ αἰδῆμον ἀπονεκρωθῇ, τοῦτο ἔτι καὶ δύναμιν καλοῦμεν. Καταλαμβάνεισ ὅτι ἐγρήγορασ; "οὔ", φησίν·
"οὐδὲ γάρ, ὅταν ἐν τοῖσ ὕπνοισ φαντάζωμαι, ὅτι ἐγρήγορα". οὐδὲν οὖν διαφέρει αὕτη ἡ φαντασία ἐκείνησ; "οὐδέν". ἔτι τούτῳ διαλέγομαι; καὶ ποῖον αὐτῷ πῦρ ἢ ποῖον σίδηρον προσαγάγω, ἵν’ αἴσθηται ὅτι νενέκρωται;
αἰσθανόμενοσ οὐ προσποιεῖται· ἔτι χείρων ἐστὶ τοῦ νεκροῦ. μάχην οὗτοσ οὐ συνορᾷ· κακῶσ ἔχει. συνορῶν οὗτοσ οὐ κινεῖται οὐδὲ προκόπτει·
ἔτι ἀθλιώτερον ἔχει. ἐκτέτμηται τὸ αἰδῆμον αὐτοῦ καὶ ἐντρεπτικὸν καὶ τὸ λογικὸν οὐκ ἀποτέτμηται, ἀλλ’ ἀποτεθηρίωται.
ταύτην ἐγὼ δύναμιν εἴπω;
μὴ γένοιτο, εἰ μὴ καὶ τὴν τῶν κιναίδων, καθ’ ἣν πᾶν τὸ ἐπελθὸν ἐν μέσῳ καὶ ποιοῦσι καὶ λέγουσι.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기