호흡부호 보기
강세부호 보기
장단부호 보기
작은 Iota 보기
모든 부호 보기
Εἴ τισ τῷ δόγματι τούτῳ συμπαθῆσαι κατ’ ἀξίαν δύναιτο, ὅτι γεγόναμεν ὑπὸ τοῦ θεοῦ πάντεσ προηγουμένωσ καὶ ὁ θεὸσ πατήρ ἐστι τῶν τ’ ἀνθρώπων καὶ τῶν θεῶν, οἶμαι ὅτι οὐδὲν ἀγεννὲσ οὐδὲ ταπεινὸν ἐνθυμηθήσεται περὶ ἑαυτοῦ. ἀλλ’ ἂν μὲν Καῖσαρ εἰσποιήσηταί σε, οὐδείσ σου τὴν ὀφρῦν βαστάσει·
ἂν δὲ γνῷσ, ὅτι τοῦ Διὸσ υἱὸσ εἶ, οὐκ ἐπαρθήσῃ; νῦν δ’ οὐ ποιοῦμεν, ἀλλ’ ἐπειδὴ δύο ταῦτα ἐν τῇ γενέσει ἡμῶν ἐγκαταμέμικται, τὸ σῶμα μὲν κοινὸν πρὸσ τὰ ζῷα, ὁ λόγοσ δὲ καὶ ἡ γνώμη κοινὸν πρὸσ τοὺσ θεούσ, ἄλλοι μὲν ἐπὶ ταύτην ἀποκλίνουσιν τὴν συγγένειαν τὴν ἀτυχῆ καὶ νεκράν, ὀλίγοι δέ τινεσ ἐπὶ τὴν θείαν καὶ μακαρίαν.
ἐπειδὴ τοίνυν ἀνάγκη πάνθ’ ὁντινοῦν οὕτωσ ἑκάστῳ χρῆσθαι ὡσ ἂν περὶ αὐτοῦ ὑπολάβῃ, ἐκεῖνοι μὲν οἱ ὀλίγοι, ὅσοι πρὸσ πίστιν οἰόνται γεγονέναι καὶ πρὸσ αἰδῶ καὶ πρὸσ ἀσφάλειαν τῆσ χρήσεωσ τῶν φαντασιῶν, οὐδὲν ταπεινὸν οὐδ’ ἀγεννὲσ ἐνθυμοῦνται περὶ αὑτῶν, οἱ δὲ πολλοὶ τἀναντία.
"τί γὰρ εἰμί;
ταλαίπωρον ἀνθρωπάριον" καὶ " 3τὰ δύστηνά μου σαρκίδια". τῷ μὲν ὄντι δύστηνα, ἀλλὰ ἔχεισ τι καὶ κρεῖσσον τῶν σαρκιδίων. τί οὖν ἀφεὶσ ἐκεῖνο τούτοισ προστέτηκασ;
Διὰ ταύτην τὴν συγγένειαν οἱ μὲν ἀποκλίναντεσ λύκοισ ὅμοιοι γινόμεθα, ἄπιστοι καὶ ἐπίβουλοι καὶ βλαβεροί, οἱ δὲ λέουσιν, ἄγριοι καὶ θηριώδεισ καὶ ἀνήμεροι, οἱ πλείουσ δ’ ἡμῶν ἀλώπεκεσ καὶ ὡσ ἐν ζῴοισ ἀτυχήματα.
τί γάρ ἐστιν ἄλλο λοίδοροσ καὶ κακοήθησ ἄνθρωποσ ἢ ἀλώπηξ ἢ τί ἄλλο ἀτυχέστερον καὶ ταπεινότερον;
ὁρᾶτε οὖν καὶ προσέχετε, μή τι τούτων ἀποβῆτε τῶν ἀτυχημάτων.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기