Dionysius of Halicarnassus, Antiquitates Romanae, Books X-XX, book 10, chapter 59

(디오니시오스, Antiquitates Romanae, Books X-XX, book 10, chapter 59)

ἐν δὲ τῷ κατόπιν ἔτει παραλαβόντεσ τὴν ὑπατικὴν ἐξουσίαν οἱ σὺν Ἀππίῳ Κλαυδίῳ δέκα ἄνδρεσ εἰδοῖσ μαϊαίσ, ἦγον δὲ τοὺσ μῆνασ κατὰ σελήνην, καὶ συνέπιπτεν εἰσ τὰσ εἰδοὺσ ἡ πανσέληνοσ· εἰσ αὐτὰ τἀναγκαῖα χρώμενοι, τὰ δὲ πλεῖστα ἐπὶ τῆσ ἑαυτῶν ἐξουσίασ ποιοῦντεσ.

ἐνστάσησ δὲ τῆσ ἡμέρασ, ἐν ᾗ παραλαβεῖν αὐτοὺσ ἔδει τὴν ἀρχήν, τοῖσ θεοῖσ προθύσαντεσ ἃ νόμοσ ‐ ἱερὰν δὲ ταύτην ἄγουσι Ῥωμαῖοι τὴν ἡμέραν καὶ παντὸσ μάλιστα ὀττεύονται μήτ’ ἀκοῦσαι μηδὲν ἀηδὲσ ἐν αὐτῇ μήτ’ ἰδεῖν ‐ ἑώθεν εὐθὺσ ἐξῄεσαν οἱ δέκα τὰ παράσημα τῆσ βασιλικῆσ ἐξουσίασ ἅπαντεσ ἐπαγόμενοι.

ὁ δὲ δῆμοσ ὡσ ἔμαθεν αὐτοὺσ οὐκέτι φυλάττοντασ τὸ δημοτικὸν ἐκεῖνο καὶ μέτριον σχῆμα τῆσ ἡγεμονίασ οὐδὲ διαμειβομένουσ τὰ παράσημα τῆσ βασιλικῆσ ἀρχῆσ ὡσ πρότερον, εἰσ πολλὴν ἦλθε δυσθυμίαν καὶ κατήφειαν.

ἐφόβουν θ’ οἱ προσηρτημένοι ταῖσ δέσμαισ τῶν ῥάβδων πελέκεισ, οὓσ ἔφερον οἱ προηγούμενοι τῶν ἀνδρῶν ἑκάστου δώδεκα ὄντεσ ἀναστέλλοντεσ ἐκ τῶν στενωπῶν πληγῖσ τὸν ὄχλον, ὃ καὶ ἐπὶ τῶν βασιλέων ἐγένετο πρότερον.

κατελύθη γὰρ εὐθὺσ τὸ ἔθοσ τοῦτο μετὰ τὴν ἐκβολὴν τῶν μονάρχων ὑπ’ ἀνδρὸσ δημοτικοῦ Ποπλίου Οὐαλερίου τὴν ἐκείνων ἐξουσίαν μεταλαβόντοσ, ᾧ πάντεσ οἱ μετ’ ἐκεῖνον ὕπατοι καλοῦ πράγματοσ δόξαντι ἄρξαι τὰ ὅμοια πράττοντεσ οὐκέτι ταῖσ δέσμαισ τῶν ῥάβδων προσήρτων τοὺσ πελέκεισ, ὅτι μὴ κατὰ τὰσ στρατείασ καὶ τὰσ ἄλλασ ἐξόδουσ τὰσ ἐκ τῆσ πόλεωσ.

πόλεμον δ’ ἐξάγοντεσ ὑπερόριον ἢ τῶν ὑπηκόων πράγματα ἐπισκεψόμενοι, τότε καὶ τοὺσ πελέκεισ ταῖσ ῥάβδοισ προσελάμβανον, ἵνα τὸ τῆσ ὄψεωσ φοβερόν, ὡσ κατ’ ἐχθρῶν ἢ δούλων γινόμενον, ἥκιστα φαίνηται τοῖσ πολίταισ ἐπαχθέσ.

SEARCH

MENU NAVIGATION