헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 13)

ταῦτα τὰ βουλεύματα ἦν αὐτῶν, ὦ βουλή, καὶ τὸν μεταξὺ χρόνον ὃν ἑωρᾶτε συνεδρεύοντασ αὐτούσ, οὗτοσ ὁ δόλοσ ὑπ’ αὐτῶν ὑφαίνετο ἐπὶ τοῖσ ἀρίστοισ ὑμῶν, καὶ τοῦτο τὸ δίκτυον κατὰ τῶν εὐγενεστάτων ἱππέων ἐπλέκετο. καὶ ὅτι ἀληθῆ ταῦτ’ ἐστί, βραχέοσ μοι πάνυ δεῖ λόγου. φέρε γὰρ εἴπατέ μοι, Οὐεργίνιε, οἱ τὰ δεινὰ πεισόμενοι, παρὰ τίνων ἐδέξασθε τὰ γράμματα ξένων;

τῶν ποῦ κατοικούντων, ἢ πόθεν ὑμᾶσ εἰδότων, ἢ πῶσ τἀνθάδε συνεδρευόμενα ἐπισταμένων; τί ἀναβάλλεσθε καὶ μετὰ ταῦτ’ ἐρεῖν αὐτοὺσ ὑπισχνεῖσθε, ἀλλ’ οὐ πάλαι λέγετε; τίσ δ’ ὁ τὰ γράμματα κομίσασ ὑμῖν ἀνήρ ἐστι; τί οὐ κατάγετε αὐτὸν εἰσ μέσον, ἵν’ ἀπ’ ἐκείνου πρῶτον ἀρξώμεθα ζητεῖν, εἴτε ἀληθῆ ταῦτ’ ἐστίν, εἴτε ὡσ ἐγώ φημι πλάσματα ὑμέτερα; αἱ δὲ δὴ συνᾴδουσαι τοῖσ ξενικοῖσ γράμμασι μηνύσεισ παρὰ τῶν ἐνθάδε τίνεσ τ’ εἰσὶ καὶ ὑπὸ τίνων γενόμεναι;

τί κρύπτετε τὰσ πίστεισ, ἀλλ’ οὐκ εἰσ τὸ ἐμφανὲσ ἄγετε; ἀλλ’ οἶμαι τῶν μήτε γενομένων μήτε ἐσομένων ἀδύνατον εὑρεθῆναι πίστιν.

ταῦτ’ ἐστίν, ὦ βουλή, μηνύματα οὐ κατὰ τούτων συνωμοσίασ, ἀλλὰ καθ’ ὑμῶν δόλου καὶ πονηρᾶσ γνώμησ, ᾗ κέχρηνται κρύψαντεσ οὗτοι·

τὰ γὰρ πράγματα αὐτὰ βοᾷ. αἴτιοι δ’ ὑμεῖσ οἱ τὰ πρῶτα ἐπιτρέψαντεσ αὐτοῖσ καὶ τὸ ἀνόητον τῆσ ἀρχῆσ μεγάλῃ καθοπλίσαντεσ ἐξουσίᾳ, ὅτε Κοίντιον Καίσωνα τῷ παρελθόντι ἐνιαυτῷ κρίνειν ἐπ’ αἰτίαισ ψευδέσιν εἰάσατε, καὶ τοσοῦτον φύλακα τῆσ ἀριστοκρατίασ ἀναρπαζόμενον ὑπ’ αὐτῶν περιείδετε. τοιγαροῦν οὐκέτι μετριάζουσιν οὐδὲ καθ’ ἕνα τῶν εὐγενῶν περικόπτουσιν, ἀλλ’ ἀθρόουσ ἤδη περιβαλόντεσ τοὺσ ἀγαθοὺσ ἐλαύνουσιν ἐκ τῆσ πόλεωσ· ἥκειν ἐπὶ τὸν δῆμον ὑφέξοντα τῶν ἐνθάδε ῥηθέντων δίκασ.

ἀλλ’ ὑπὲρ μὲν τούτων ἕτεροσ ἔσται καιρὸσ ἐπιτηδειότεροσ τοῖσ λόγοισ, νυνὶ δὲ συντεμῶ τὸν λόγον καὶ παύσομαι τὰ πλείω διατεινόμενοσ·

φυλάττεσθαι ὑμῖν παραινῶ τούσδε τοὺσ ἄνδρασ ὡσ συνταράττοντασ τὴν πόλιν καὶ μεγάλων ἐκφέροντασ ἀρχὰσ κακῶν καὶ οὐκ ἐνθάδε μὲν ταῦτα λέγω, πρὸσ δὲ τὸν δῆμον ἀποκρύψομαι, ἀλλὰ κἀκεῖ παρρησίᾳ δικαίᾳ χρήσομαι, διδάσκων ὡσ οὐδὲν αὐτοῖσ ἐπικρέμαται δεινόν, ὅτι μὴ κακοὶ καὶ δόλιοι προστάται πολεμίων ἔργα ἐν προσποιήματι φίλων διαπραττόμενοι. ταῦτ’ εἰπόντοσ τοῦ ὑπάτου κραυγή τε καὶ πολὺσ ἔπαινοσ ἐκ τῶν παρόντων ἐγένετο, καὶ οὐδὲ λόγου τοῖσ δημάρχοισ ἔτι μεταδόντεσ διέλυσαν τὸν σύλλογον.

ἔπειθ’ ὁ μὲν Οὐεργίνιοσ ἐκκλησίαν συναγαγὼν κατηγόρει τῆσ τε βουλῆσ καὶ τῶν ὑπάτων, ὁ δὲ Κλαύδιοσ ἀπελογεῖτο τοὺσ αὐτοὺσ λόγουσ διεξιών, οὓσ εἶπεν ἐπὶ τῆσ βουλῆσ. οἱ μὲν οὖν ἐπιεικέστεροι τῶν δημοτικῶν κενὸν ὑπώπτευον εἶναι τὸν φόβον, οἱ δ’ εὐηθέστεροι πιστεύοντεσ ταῖσ φήμαισ ἀληθῆ· ὅσοι δὲ κακοήθεισ ἦσαν ἐν αὐτοῖσ καὶ μεταβολῆσ ἀεὶ δεόμενοι, τοῦ μὲν ἐξετάζειν τἀληθὲσ ἢ ψεῦδοσ οὐκ εἶχον πρόνοιαν, ἀφορμὴν δὲ διχοστασίασ ἐζήτουν καὶ θορύβου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 10, chapter 13

(디오니시오스, Antiquitates Romanae, Books X-XX, book 10, chapter 13)

상위

목록

SEARCH

MENU NAVIGATION