헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 41)

μετὰ ταῦτα οἵ τε δήμαρχοι καὶ οἱ ὕπατοι παρῆσαν, καὶ λέγειν ὁ κῆρυξ ἐκέλευσε τὸν βουλόμενον τοῦ νόμου κατηγορεῖν. πολλῶν δὲ καὶ ἀγαθῶν ἀνδρῶν παριόντων οὐθενὸσ ἐξάκουστοσ ἦν ὁ λόγοσ ὑπὸ τοῦ θορύβου τε καὶ τῆσ ἀκοσμίασ τῶν ἐκκλησιαζόντων. οἱ μὲν γὰρ ἐπεκέλευόν τε καὶ ἐπεθάρρυνον τοὺσ λέγοντασ, οἱ δ’ ἐξέβαλλόν τε καὶ κατεβόων. ἐκράτει δὲ οὔτε ὁ τῶν συλλαμβανόντων ἔπαινοσ, οὔτε ὁ τῶν ἀντιπραττόντων θόρυβοσ.

ἀγανακτούντων δὲ τῶν ὑπάτων καὶ μαρτυρομένων, ὅτι τῆσ βίασ ὁ δῆμοσ ἄρχει λόγον οὐκ ἀξιῶν ὑπομένειν, ἀπελογοῦντο οἱ δήμαρχοι πρὸσ ταῦτα, ὅτι ἤδη πέμπτον ἔτοσ τῶν αὐτῶν ἀκούοντεσ λόγων οὐθὲν ποιοῦσι θαυμαστόν, εἰ μὴ ἀξιοῦσιν ὑπομένειν ἑώλουσ καὶ κατημαξευμένασ ἀντιλογίασ.

ὡσ δὲ τὸ πλεῖον τῆσ ἡμέρασ εἰσ ταῦτα ἐδαπανήθη, καὶ ὁ δῆμοσ ἀπῄτει τὰσ ψήφουσ, οὐκέτι ἀνασχετὸν ἡγησάμενοι τὸ πρᾶγμα οἱ νεώτατοι τῶν πατρικίων διίστασθαι τε βουλομένοισ κατὰ φυλὰσ τοῖσ δημόταισ ἐμποδὼν ἐγίνοντο καὶ τὰ ἀγγεῖα τῶν ψήφων τοὺσ ἔχοντασ ἀφῃροῦντο καὶ τῶν ὑπηρετούντων τοὺσ μὴ βουλομένουσ ταῦτα ἀφιέναι τύπτοντέσ τε καὶ ὠθοῦντεσ ἐξέβαλλον.

κεκραγότων δὲ τῶν δημάρχων καὶ εἰσ μέσουσ αὐτοὺσ ὠθουμένων ἐκείνοισ μὲν ὑπεχώρουν καὶ παρεῖχον ὅποι βούλοιντο χωρεῖν ἀδεῶσ, τοῦ δ’ ἄλλου δήμου τὸ ἑπόμενον αὐτοῖσ καὶ τὸ κατ’ ἄλλα καὶ ἄλλα μέρη τῆσ ἀγορᾶσ ὑπὸ θορύβου καὶ ἀταξίασ κινούμενον ἐπ’ αὐτοὺσ οὐ παρίεσαν, ὥστ’ ἀνωφελὴσ ἦν ἡ τῶν ἀρχόντων βοήθεια.

τέλοσ δ’ οὖν ἐπεκράτησαν οἱ πατρίκιοι καὶ οὐκ εἰάσαν ἐπικυρωθῆναι τὸν νόμον.

οἱ δὲ προθυμότατα συλλαβέσθαι δόξαντεσ τοῖσ ὑπάτοισ ἐκ τριῶν οἰκιῶν ἦσαν, Ποστόμιοι καὶ Σεμπρώνιοι καὶ τρίτοι Κλοίλιοι, γένουσ τε ἀξιώσει λαμπρότατοι καὶ ἑταιρίαισ μεγάλα δυνάμενοι πλούτῳ τε καὶ δόξῃ καὶ τοῖσ κατὰ πόλεμον ἔργοισ ἐπιφανεῖσ·

καὶ τοῦ μὴ κυρωθῆναι τὸν νόμον οὗτοι ὡμολογοῦντο αἰτιώτατοι γενέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 10, chapter 41

(디오니시오스, Antiquitates Romanae, Books X-XX, book 10, chapter 41)

상위

목록

SEARCH

MENU NAVIGATION