헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 34)

συναγανακτοῦντοσ δ’ αὐτοῖσ τοῦ πλήθουσ ἐκάλουν τοὺσ ὑπάτουσ ἐπὶ τὸν δῆμον ὡσ τῶν πεπραγμένων ὑφέξοντασ λόγον. οὐ μόνον εἰσ τὴν ἐξουσίαν, ἀλλὰ καὶ εἰσ τὰ σώματα προπηλακισθέντεσ.

ἠξίουν τε δυεῖν θάτερον ποιεῖν τοὺσ ὑπάτουσ·

εἰ μὲν ἀρνοῦνται μηδὲν ὧν οἱ νόμοι κεκωλύκασιν εἰσ τὰ τῶν δημάρχων πλημμελῆσαι σώματα, παραγενομένουσ εἰσ τὴν ἐκκλησίαν ἀπομόσαι, εἰ δ’ οὐχ ὑπομένουσι τὸν ὁρ́κον, ἥκειν ἐπὶ τοὺσ δημότασ λόγον ὑφέξοντασ· ἀναδώσειν γὰρ ὑπὲρ αὐτῶν ταῖσ φυλαῖσ τὴν ψῆφον. οἱ δ’ ὕπατοι πρὸσ ταῦτ’ ἀπελογοῦντο διδάσκοντεσ, ὅτι τῆσ ὕβρεωσ οἱ δήμαρχοι ἄρξειαν αὐθαδείᾳ χρησάμενοι καὶ τολμήσαντεσ εἰσ ὑπάτων σώματα παρανομεῖν, τὸ μὲν πρῶτον ὑπηρέταισ τε καὶ ἀγορανόμοισ ἐπιτάττοντεσ ἄγειν εἰσ τὸ δεσμωτήριον ἄρχοντασ, οἷσ τὸ πάντων ἀποδέδοται κράτοσ, ἔπειτ’ αὐτοὶ τολμήσαντεσ ὁμόσε χωρεῖν σὺν τοῖσ ἰταμωτάτοισ τῶν δημοτικῶν·

τάσ τε ἀρχὰσ διδάσκοντεσ ὅσον ἀλλήλων διαφέρουσιν, ἡ μὲν ὑπατικὴ τὸ τῶν βασιλέων ἔχουσα κράτοσ, ἡ δὲ δημαρχικὴ τῆσ βοηθείασ ἕνεκα παρεληλυθυῖα τῶν κατισχυομένων, ᾗ τοσούτου δεῖν ἐξεῖναι κατὰ τῶν ὑπάτων τινὸσ ψῆφον ἀναδιδόναι τοῖσ ὄχλοισ, ὥστε μηδὲ κατὰ τῶν ἄλλων πατρικίων τοῦ φαυλοτάτου ταύτην ἀποδεδόσθαι τὴν ἐξουσίαν, ἂν μὴ ἡ βουλὴ ψηφίσηται.

ἠπείλουν τε, ὅταν ἐκεῖνοι ψῆφον ἀναδῶσι τοῖσ δημόταισ, αὐτοὶ τὰ ὅπλα περιθήσειν τοῖσ πατρικίοισ.

τοιούτων δὴ ῥηθέντων λόγων δἰ ὅλησ ἡμέρασ οὐδὲν ἐξήνεγκεν ἡ βουλὴ τέλοσ, ἵνα μήτε τὴν τῶν ὑπάτων ἀρχὴν μειώσειε μήτε τὴν τῶν δημάρχων, ἑκάτερον ὁρῶσα μεγάλων κινδύνων αἴτιον ἐσόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 10, chapter 34

(디오니시오스, Antiquitates Romanae, Books X-XX, book 10, chapter 34)

상위

목록

SEARCH

MENU NAVIGATION