헬라어 텍스트

Dionysius of Halicarnassus, Antiquitates Romanae, Books X-XX, book 10, chapter 56

(디오니시오스, Antiquitates Romanae, Books X-XX, book 10, chapter 56)

τοῦτο τὸ δόγμα λαβόντεσ οἱ δήμαρχοι προῆλθον εἰσ τὴν ἐκκλησίαν καὶ ἀναγνόντεσ ἐν τῷ δήμῳ πολλοὺσ ἐπαίνουσ τῆσ βουλῆσ καὶ τοῦ προθέντοσ τὴν γνώμην Ἀππίου διεξῆλθον. ἐπεὶ δὲ κατέλαβεν ὁ τῶν ἀρχαιρεσίων καιρόσ, ἐκκλησίαν συναγαγόντεσ οἱ δήμαρχοι τούσ τ’ ἀποδειχθέντασ ὑπάτουσ ἥκειν ἠξίουν ἐμπεδώσοντασ τῷ δήμῳ τὰσ ὑποσχέσεισ, κἀκεῖνοι παρελθόντεσ ἐξωμόσαντο τὰσ ὑπατείασ. τούτουσ ὁ δῆμοσ ἐπαινῶν τε καὶ θαυμάζων διετέλει, καὶ ἐπειδὴ τοὺσ νομοθέτασ ψηφοφορεῖν ἔδει πρώτουσ εἵλετο τῶν ἄλλων·

καὶ ἀπεδείχθησαν ἐν ἀρχαιρεσίαισ ὑπὸ τῆσ λοχίτιδοσ ἐκκλησίασ Ἄππιοσ μὲν Κλαύδιοσ καὶ Τίτοσ Γενύκιοσ, οὓσ ἔδει εἰσ τοὐπιὸν ἄρχειν ἔτοσ, Πόπλιοσ δὲ Σήστιοσ ὁ τὸν ἐνιαυτὸν ἐκεῖνον ὑπατεύων, τρεῖσ δὲ οἱ κομίσαντεσ παρὰ τῶν Ἑλλήνων τοὺσ νόμουσ, Σπόριοσ Ποστόμιοσ καὶ Σερούιοσ Σολπίκιοσ καὶ Αὖλοσ Μάλλιοσ, εἷσ δὲ τῶν ὑπατευσάντων τὸν παρελθόντα ἐνιαυτὸν Τίτοσ Ῥωμίλιοσ, ὁ τὴν ἐν τῷ δήμῳ δίκην Σικκίου κατηγορήσαντοσ ἁλούσ, ἐπειδὴ γνώμησ ἐδόκει ἄρξαι δημοτικῆσ· ἐκ δὲ τῶν ἄλλων βουλευτῶν Γάιοσ Ιοὔλιοσ καὶ Τίτοσ Οὐετούριοσ καὶ Πόπλιοσ Ὁράτιοσ, ἅπαντεσ ὑπατικοί·

αἱ δὲ τῶν δημάρχων τε καὶ ἀγορανόμων καὶ ταμιῶν καὶ εἴ τινεσ ἦσαν ἄλλαι πάτριοι Ῥωμαίοισ ἀρχαὶ κατελύθησαν.