헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 58)

πολλῶν δὲ λεχθέντων ἐνίκησεν ἡ γνώμη τῶν παραινούντων δεκαδαρχίαν αὖθισ ἀποδεῖξαι τῶν κοινῶν κυρίαν. ἀτελήσ τε γὰρ ἡ νομοθεσία ἐφαίνετο, ὡσ ἂν ἐξ ὀλίγου συντεθεῖσα χρόνου, καὶ ἐπὶ τοῖσ ἤδη κεκυρωμένοισ, ἵνα ἑκόντεσ τε καὶ ἄκοντεσ ἐν αὐτοῖσ μένοιεν, ἐδόκει τινοσ ἀρχῆσ αὐτοκράτοροσ δεῖν.

τὸ δὲ μάλιστα πεῖσαν αὐτοὺσ προελέσθαι τὴν δεκαδαρχίαν ἦν ἡ τῶν δημάρχων κατάλυσισ, ὃ παντὸσ μάλιστα ἐβούλοντο. ταῦτα μὲν ἐν κοινῷ σκοπουμένοισ αὐτοῖσ ἐδόκει, ἰδίᾳ δὲ οἱ πρωτεύοντεσ τοῦ συνεδρίου γνώμην ἐποιοῦντο μεταπορεύεσθαι τὴν ἀρχὴν δεδιότεσ, μὴ ταραχώδεισ τινὲσ ἄνθρωποι τηλικαύτησ ἐξουσίασ λαβόμενοι κακόν τι μέγα ἐργάσωνται.

πατρικίων.

ἔνθα δὴ πολὺσ ὑπὸ πάντων ἐπαινούμενοσ ἦν ὁ τῆσ τότε δεκαδαρχίασ ἡγεμὼν Ἄππιοσ, καὶ πᾶσ ὁ δημοτικὸσ ὄχλοσ ἐκεῖνον ἐπὶ τῆσ ἀρχῆσ ἠξίου κατέχειν ὡσ οὐκ ἄλλου τινὸσ ἄμεινον ἡγησομένου.

ὁ δ’ ἀναίνεσθαι μὲν προσεποιεῖτο κατ’ ἀρχὰσ καὶ ἀπολύειν αὐτὸν ἠξίου λειτουργίασ καὶ ὀχληρᾶσ καὶ ἐπιφθόνου. τελευτῶν δ’ ὡσ ἐλιπάρουν αὐτὸν ἅπαντεσ αὐτόσ τε ὑπέμενε μετιέναι τὴν ἀρχήν, καὶ τῶν συμπαραγγελλόντων τοὺσ ἀρίστουσ αἰτιασάμενοσ οὐχ ἡδέωσ πρὸσ ἑαυτὸν ἔχειν διὰ τὸν φθόνον τοῖσ ἑαυτοῦ φίλοισ συνηγωνίζετο φανερῶσ. ἀποδείκνυταί τε πάλιν ἐν ἀρχαιρεσίαισ λοχίτισι νομοθέτησ τὸ δεύτερον·

σὺν δ’ αὐτῷ Κόιντοσ μὲν Φάβιοσ ὁ καλούμενοσ Οὐιβολανὸσ ὁ τρὶσ ὑπατεύσασ, ἀνὴρ ἀνεπίληπτοσ εἰσ τόδε χρόνου γενόμενοσ περὶ πᾶσαν ἀρετήν· ἐκ δὲ τῶν ἄλλων πατρικίων, οὓσ ἐκεῖνοσ ἠσπάζετο, Μάρκοσ Κορνήλιοσ καὶ Μάρκοσ Σέργιοσ καὶ Λεύκιοσ Μηνύκιοσ καὶ Τίτοσ Ἀντώνιοσ καὶ Μάνιοσ Ῥαβολήιοσ, ἄνδρεσ οὐ πάνυ ἐπιφανεῖσ· ἐκ δὲ τῶν δημοτικῶν Κόιντοσ Ποιτέλλιοσ καὶ Καίσων Δουέλλιοσ καὶ Σπόριοσ Ὄππιοσ·

προσελήφθησαν γὰρ καὶ οὗτοι πρὸσ τοῦ Ἀππίου κολακείασ ἕνεκα τῶν δημοτικῶν, διδάσκοντοσ ὅτι δίκαιόν ἐστι μιᾶσ ἀρχῆσ κατὰ πάντων ἀποδεικνυμένησ εἶναί τι καὶ τοῦ δήμου μέροσ ἐν αὐτῇ. ἡγησαμένων τῆσ πόλεωσ παραλαμβάνει πάλιν τὴν ἀρχὴν εἰσ τὸν ἐπιόντα ἐνιαυτόν.

ταῦτα κατ’ ἐκείνην ἐπράχθη τὴν δεκαδαρχίαν ὑπὸ Ῥωμαίων, ἄλλο δ’ οὐθὲν ὅ τι καὶ λόγου ἄξιον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 10, chapter 58

(디오니시오스, Antiquitates Romanae, Books X-XX, book 10, chapter 58)

상위

목록

SEARCH

MENU NAVIGATION