헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 3)

τὸ μὲν οὖν καταλύσασθαι τὰ πρὸσ ἀλλήλουσ ἐγκλήματα καὶ μιᾷ χρήσασθαι γνώμῃ περὶ τῶν κοινῶν, ὡσ ὑπετίθεντο οἱ χρησμοί, πάντεσ ὡμολόγουν· ὅπωσ δ’ ἂν τοῦτο γένοιτο καὶ ἀπὸ τίνων ἀρξαμένων εἴκειν τοῖσ ἑτέροισ τὸ διάφορον παύσαιτο στασιάζον, οὐ μικρὰν αὐτοῖσ παρεῖχεν ἀπορίαν. οἱ μὲν γὰρ ὕπατοι καὶ οἱ τῆσ βουλῆσ προεστῶτεσ τοὺσ εἰσφέροντασ καινὰ πολιτεύματα δημάρχουσ καὶ καταλύειν ἀξιοῦντασ τὸν πάτριον τῆσ πολιτείασ κόσμον αἰτίουσ ἀπέφαινον τῆσ ταραχῆσ.

οἱ δὲ δήμαρχοι σφᾶσ μὲν αὐτοὺσ οὐδὲν ἔλεγον ἀνάξιον δρᾶν οὔτε ἄδικον οὔτε ἀσύμφορον εὐνομίαν εἰσάγειν βουλομένουσ καὶ ἰσηγορίαν· τοὺσ δὲ ὑπάτουσ καὶ τοὺσ πατρικίουσ αἰτίουσ ἔσεσθαι τῆσ στάσεωσ ἔλεγον ἀνομίαν αὔξοντασ καὶ πλεονεξίαν καὶ ζηλοῦντασ τὰ τῶν τυράννων ἔθη. ταῦτα καὶ πολλὰ τούτοισ ὅμοια παρ’ ἑκατέρων ἐπὶ πολλὰσ ἡμέρασ ἐλέγετο, καὶ προὔβαινε διὰ κενῆσ ὁ χρόνοσ·

ἐν ᾧ τῶν κατὰ τὴν πόλιν οὔτε δημοσίων οὔτε ἰδίων οὐδὲν ἐτελεῖτο. ὡσ δ’ οὐδὲν ἐγίνετο τῶν προὔργου, λόγων μὲν ἐκείνων καὶ κατηγοριῶν, ἃσ ἐποιοῦντο κατὰ τῆσ βουλῆσ, οἱ δήμαρχοι ἀπέστησαν·

συναγαγόντεσ δὲ τὸ πλῆθοσ εἰσ τὴν ἐκκλησίαν ὑπέσχοντο τῷ δήμῳ νόμον εἰσοίσειν ὑπὲρ ὧν ἠξίουν. ἐπαινέσαντοσ δὲ τοῦ πλήθουσ τὸν λόγον οὐδὲν ἔτι ἀναβαλόμενοι τὸν παρασκευασθέντα νόμον ἀνέγνωσαν·

κεφάλαια δὲ αὐτοῦ τάδε ἦν· ἄνδρασ αἱρεθῆναι δέκα ὑπὸ τοῦ δήμου συναχθείσησ ἀγορᾶσ ἐννόμου τοὺσ πρεσβυτάτουσ τε καὶ φρονιμωτάτουσ, οἷσ ἐστι πλείστη πρόνοια τιμῆσ τε καὶ δόξησ ἀγαθῆσ· τούτουσ δὲ συγγράψαντασ τοὺσ ὑπὲρ ἁπάντων νόμουσ τῶν τε κοινῶν καὶ τῶν ἰδίων εἰσ τὸν δῆμον ἐξενεγκεῖν· τοὺσ δὲ συγγραφησομένουσ ὑπ’ αὐτῶν νόμουσ κεῖσθαι ἐν ἀγορᾷ ταῖσ καθ’ ἕκαστον ἐνιαυτὸν ἀποδειχθησομέναισ ἀρχαῖσ καὶ τοῖσ ἰδιώταισ ὁρ́ουσ τῶν πρὸσ ἀλλήλουσ δικαίων. τοῦτον προθέντεσ τὸν νόμον ἐξουσίαν ἔδοσαν τοῖσ βουλομένοισ αὐτοῦ κατηγορεῖν, ἀποδείξαντεσ τὴν τρίτην ἀγοράν.

ἦσαν δὲ πολλοὶ καὶ οὐχ οἱ φαυλότατοι τῶν ἐκ τοῦ συνεδρίου, πρεσβύτεροι καὶ νέοι, κατήγοροι τοῦ νόμου, λόγουσ διεξιόντεσ ἐκ πολλῆσ ἐπιμελείασ καὶ παρασκευῆσ· τοῦτ’ ἐφ’ ἡμέρασ ἐγίνετο συχνάσ.

ἔπειτα οἱ δήμαρχοι δυσχεραίνοντεσ ἐπὶ τῇ διατριβῇ τοῦ χρόνου λόγον μὲν οὐδένα ἔτι τοῖσ κατηγόροισ τοῦ νόμου προέθεσαν, ἡμέραν δὲ ἀποδείξαντεσ, ἐν ᾗ κυρώσειν αὐτὸν ἔμελλον, παρεῖναι τοὺσ δημότασ εἰσ αὐτὴν παρεκάλουν ἀθρόουσ, ὡσ οὐκέτι ταῖσ μακραῖσ δημηγορίαισ ἐνοχληθησομένουσ, ἀλλ’ ἐποίσοντασ ὑπὲρ αὐτοῦ τὴν ψῆφον κατὰ φυλάσ. οἱ μὲν δὴ ταῦτα ὑποσχόμενοι διέλυσαν τὴν ἐκκλησίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 10, chapter 3

(디오니시오스, Antiquitates Romanae, Books X-XX, book 10, chapter 3)

상위

목록

SEARCH

MENU NAVIGATION