헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 31)

τῷ δ’ ἑξῆσ ἔτει Μάρκου Οὐαλερίου καὶ Σπορίου Οὐεργινίου τὴν ὑπατείαν ἐχόντων στρατιὰ μὲν ὑπερόριοσ οὐδεμία ἐξῆλθε Ῥωμαίων, πολιτικὰ δέ τινα προσκρούσματα τοῖσ δημάρχοισ πρὸσ τοὺσ ὑπάτουσ συνέστη πάλιν, ἐξ ὧν ἔσχον οἱ δήμαρχοι παρασπάσαντέσ τι τῆσ ὑπατικῆσ δυναστείασ. ἐξῆν αὐτοῖσ, ἀλλ’ ἦν τῶν ὑπάτων τοῦτο τὸ γέρασ.

οἱ δὲ τότε δήμαρχοι πρῶτοι συγκαλεῖν ἐπεβάλοντο τὴν βουλὴν Ἰκιλλίου τὴν πεῖραν εἰσηγησαμένου, ὃσ ἡγεῖτο μὲν τοῦ ἀρχείου, δραστήριοσ δέ τισ ἦν ἀνὴρ καὶ ὡσ Ῥωμαῖοσ εἰπεῖν οὐκ ἀδύνατοσ.

εἰσέφερε γάρ τι καὶ οὗτοσ πολίτευμα καινὸν ἀξιῶν ἀπομερισθῆναι τοῖσ δημόταισ τόπον εἰσ οἰκιῶν κατασκευὰσ τὸν καλούμενον Αὐεντῖνον. ἔστι δὲ λόφοσ ὑψηλὸσ ἐπιεικῶσ, οὐκ ἐλάττων ἢ δώδεκα σταδίων τὴν περίμετρον, ἐμπεριεχόμενοσ τῇ πόλει, ὃσ οὐχ ἅπασ τότε ᾠκεῖτο, ἀλλ’ ἦν δημόσιόσ τε καὶ ὕλησ ἀνάπλεωσ. τοῦτο τὸ πολίτευμα εἰσάγων ὁ δήμαρχοσ τοῖσ τότε ὑπάτοισ καὶ τῇ βουλῇ προσῄει δεόμενοσ τὸν ἐπ’ αὐτῷ γραφέντα νόμον προβουλεῦσαί τε καὶ εἰσ τὸν δῆμον ἐξενεγκεῖν.

χρόνον πέμψασ τὸν ὑπηρέτην ὡσ αὐτοὺσ ἐκέλευσεν ἐπὶ τὴν ἀρχὴν ἀκολουθεῖν καὶ τὴν βουλὴν συγκαλεῖν.

ἐπεὶ δὲ τῶν ῥαβδούχων τισ ἀπήλασε τὸν ὑπηρέτην κελευσθεὶσ ὑπὸ τῶν ὑπάτων, ἀγανακτήσασ ὁ Ἰκίλλιοσ καὶ οἱ συνάρχοντεσ αὐτοῦ, συνέλαβον τὸν ῥαβδοῦχον καὶ ἀπῆγον ὡσ ῥίψοντεσ κατὰ τῆσ πέτρασ. οἱ δὲ ὕπατοι βιάσασθαι μὲν ἢ τὸν ἀγόμενον ἀφελέσθαι, καίτοι δεινὰ δοκοῦντεσ ὑβρίσθαι, ἀδύνατοι ἦσαν, ἐπεκαλοῦντο δὲ τὴν ἐκ τῶν ἄλλων δημάρχων βοήθειαν.

οὐθὲν γὰρ τῶν πραττομένων ὑπὸ τῆσ ἀρχῆσ ἐκείνησ ἐπισχεῖν ἢ κωλῦσαι τῶν ἄλλων τινὶ ἔξεστιν, ἀλλ’ ἑτέρου δημάρχου τοῦτ’ ἐστὶ τὸ κράτοσ. τοῖσ δ’ ἄρα πᾶσιν ἦν ταῦτα κατ’ ἀρχὰσ δεδογμένα μήτ’ εἰσηγήσασθαί τινα καινὸν πολίτευμα μηθὲν ἐφ’ ἑαυτοῦ βαλόμενον, ἐὰν μὴ πᾶσι τὸ αὐτὸ δοκῇ, μήτε ἐναντιωθῆναί τινα τοῖσ πραττομένοισ, ὅσ’ ἂν αἱ πλείουσ γνῶμαι δοκιμάσωσι·

καὶ περὶ τούτων εὐθὺσ ἅμα τῷ παραλαβεῖν τὴν ἀρχὴν ἱερὰ θύσαντεσ ὁρ́κουσ ἔδοσαν ἀλλήλοισ·

οὕτωσ οἰόμενοι μάλιστα τὸ τῆσ δημαρχίασ ἀκατάλυτον ἔσεσθαι κράτοσ, ἐὰν τὸ στασιάζον ἐξ αὐτῆσ ἀναιρεθῇ. τοῦτο δὴ φυλάττοντεσ τὸ συνωμόσιον εἶπον ἀπάγεσθαι τὸν φύλακα τῆσ ἀρχῆσ τῶν ὑπάτων, κοινὴν ἁπάντων εἶναι λέγοντεσ τὴν γνώμην, οὐ μὴν διέμεινάν γ’ ἐπὶ τῆσ ὀργῆσ, ἀλλὰ τοῖσ πρεσβυτάτοισ τῶν ἐκ τοῦ συνεδρίου παραιτουμένοισ τὸν ἄνδρα ἀφῆκαν, τόν τε φθόνον ὑφορώμενοι τοῦ πράγματοσ, ὅτι πρῶτοι ἔμελλον θανάτῳ ζημιῶσαι τὸν ἄνδρα τὸ κελευσθὲν ὑπὸ τῶν ἀρχόντων ποιήσαντα, καὶ δεδοικότεσ, μὴ ἀπὸ ταύτησ τῆσ προφάσεωσ εἰσ ἀπόνοιαν ἀναγκασθῶσιν οἱ πατρίκιοι τραπέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 10, chapter 31

(디오니시오스, Antiquitates Romanae, Books X-XX, book 10, chapter 31)

상위

목록

SEARCH

MENU NAVIGATION