헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 8)

ταῦτ’ εἰπόντοσ αὐτοῦ κραυγή τε ἐκ τῶν παρόντων ἐγένετο καὶ ὁρμὴ πολλῶν ἐπὶ τὴν ἐκ χειρὸσ δίκην. ἀλλ’ οἵ τε ὕπατοι ἐμποδὼν ἐγένοντο καὶ τῶν δημάρχων οἱ πλείουσ πονηρὸν ἔθοσ οὐκ ἀξιοῦντεσ εἰσ τὴν πόλιν εἰσάγειν. ἦν δὲ καὶ τοῦ δήμου τὸ καθαρώτατον οὐ βουλόμενον ἀποστερεῖν λόγου τοὺσ ὑπὲρ τῶν μεγίστων ἀγωνιζομένουσ. τότε μὲν οὖν ἐπέσχε τὴν τῶν θρασυτέρων ὁρμὴν ἡ τοῦ δικαίου πρόνοια, καὶ ἀναβολὴν ἔλαβεν ἡ δίκη, οὐ μικρᾶσ ἐμπεσούσησ φιλοτιμίασ καὶ ζητήσεωσ ὑπὲρ τοῦ σώματοσ, εἴτ’ ἐν δεσμοῖσ αὐτὸ δεῖ φυλάττεσθαι τέωσ, εἴτ’ ἐγγυητὰσ δοῦναι τῆσ ἀφίξεωσ, ὥσπερ καὶ ὁ πατὴρ ἠξίου·

καὶ ἡ βουλὴ συνελθοῦσα ἐψηφίσατο χρήμασι διεγγυηθὲν ἐλεύθερον εἶναι τὸ σῶμα μέχρι δίκησ.

τῇ δ’ ἑξῆσ ἡμέρᾳ συναγαγόντεσ οἱ δήμαρχοι τὸ πλῆθοσ, ἐκλιπόντοσ τοῦ μειρακίου τὴν δίκην, ἐκύρωσαν τὴν κατ’ αὐτοῦ ψῆφον καὶ τοὺσ ἐγγυητὰσ δέκα ὄντασ ἐπράξαντο τὰ περὶ τοῦ σώματοσ τῆσ ἀποκαταστάσεωσ ὁμολογηθέντα χρήματα.

Καίσων μὲν οὖν τοιαύτῃ περιπεσὼν ἐπιβουλῇ, κατασκευασαμένων ἅπαντα τῶν δημάρχων καὶ Οὐολουσκίου ψευδῆ μαρτυρήσαντοσ, ὡσ ἐγένετο φανερὸν σὺν χρόνῳ, φεύγων εἰσ Τυρρηνίαν ᾤχετο·

ὁ δὲ πατὴρ αὐτοῦ τὰ πλεῖστα τῆσ οὐσίασ ἀπεμπολήσασ καὶ τὰ ὁμολογηθέντα ὑπὸ τῶν ἐγγυητῶν χρήματα ἀποδοὺσ ἑαυτῷ χωρίον ἓν μικρὸν ὑπολειπόμενοσ πέραν τοῦ Τεβέριοσ ποταμοῦ, ἐν ᾧ ταπεινή τισ ἦν καλύβη, γεωργῶν αὐτόθι μετὰ δούλων ὀλίγων ἐπίπονον καὶ ταλαίπωρον ἔζη βίον ὑπὸ λύπησ τε καὶ πενίασ, οὔτε πόλιν ὁρῶν οὔτε φίλουσ ἀσπαζόμενοσ οὔθ’ ἑορτάζων οὔτ’ ἄλλησ εὐφροσύνησ οὐδεμιᾶσ ἑαυτῷ μεταδιδούσ. τοῖσ μέντοι δημάρχοισ πολὺ τὸ παράλογον ἐγένετο τῆσ ἐλπίδοσ. οὐ γὰρ ὅπωσ ἐπαύσατο ἡ τῶν νέων φιλοτιμία σωφρονισθεῖσα τῇ Καίσωνοσ συμφορᾷ, πολὺ δὲ χαλεπωτέρα καὶ πλείων ἐγένετο ἔργοισ τε καὶ λόγοισ καταγωνιζομένη τὸν νόμον· ὥστ’ οὐθὲν ἔτι αὐτοῖσ ἐξεγένετο διαπράξασθαι δαπανηθέντοσ εἰσ ταῦτα τοῦ χρόνου τῆσ ἀρχῆσ.

ὁ μέντοι δῆμοσ εἰσ τὸν ἐπιόντα πάλιν ἐνιαυτὸν ἄρχοντασ ἀπέδειξεν αὐτούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 10, chapter 8

(디오니시오스, Antiquitates Romanae, Books X-XX, book 10, chapter 8)

상위

목록

SEARCH

MENU NAVIGATION