헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 43)

μετ’ οὐ πολὺ δὲ πάλιν τῶν δημάρχων τὸν ὑπὲρ τοῦ νόμου εἰσφερόντων λόγον αἰφνιδίωσ τισ ἀπαγγελεῖσα πολεμίων ἔφοδοσ ἐπὶ τὴν τῶν Τυσκλάνων πόλιν, αἰτία κωλύσεωσ ἀποχρῶσα ἐγένετο. Τυσκλάνων κατὰ πλῆθοσ εἰσ τὴν Ῥώμην ἀφικομένων καὶ λεγόντων, ὅτι δυνάμει πολλῇ πάρεισιν ἐπ’ αὐτοὺσ Αἰκανοὶ καὶ τὴν μὲν χώραν αὐτῶν ἤδη διηρπάκασι, τὴν δὲ πόλιν, ἐὰν μή τισ γένηται ταχεῖα ἐπικουρία, φθάσουσιν ἐντὸσ ὀλίγων ἡμερῶν ἀράμενοι, ἡ μὲν βουλὴ τοὺσ ὑπάτουσ αὐτοῖσ ἐψηφίσατο βοηθεῖν ἀμφοτέρουσ, οἱ δ’ ὕπατοι στρατολογίαν προθέντεσ ἐκάλουν τοὺσ πολίτασ ἅπαντασ ἐπὶ τὰ ὅπλα.

ἐγένετο μὲν οὖν τισ καὶ τότε στάσισ ἐναντιουμένων τῇ καταγραφῇ τῶν δημάρχων καὶ τὰσ ἐκ τῶν νόμων τιμωρίασ οὐ συγχωρούντων ποιεῖσθαι κατὰ τῶν ἀπειθούντων·

ἔπραξαν δ’ οὐθέν. τοὺσ ὑπάτουσ τἀναντία.

ὡσ δ’ ἀνεγνώσθη τὸ δόγμα τῆσ βουλῆσ ἐν τῇ ἐκκλησίᾳ, πολλοὶ καὶ τοῦ δήμου τὸν ἀγῶνα ἑκόντεσ ὑπέμειναν·

οἱ μὲν ἐπιεικέστατοι δἰ αἰσχύνην, εἰ μηδὲν ἐπικουρήσουσι πόλει συμμάχῳ διὰ τὴν πρὸσ αὐτοὺσ εὔνοιαν ἀεί τι πρὸσ τῶν ἐχθρῶν βλαπτομένῃ· ἐν οἷσ ἦν καὶ ὁ Σίκκιοσ ἐκεῖνοσ ὁ κατηγορήσασ ἐν τῷ δήμῳ τῶν σφετερισαμένων τὴν δημοσίαν γῆν, σπεῖραν ἐπαγόμενοσ ὀκτακοσίων ἀνδρῶν, οἳ στρατεύεσθαι μὲν οὐκέτι ὡρ́αν εἶχον, ὥσπερ οὐδ’ ἐκεῖνοσ, οὐδ’ ἔπιπτον ὑπὸ τὰσ ἀνάγκασ τῶν νόμων, τιμῶντεσ δὲ τὸν ἄνδρα διὰ πολλὰσ καὶ μεγάλασ εὐεργεσίασ, ἐξιόντοσ ἐπὶ τὸν πόλεμον οὐκ ἐδικαίωσαν ἀπολείπεσθαι. καὶ ἦν τοῦτο τὸ μέροσ τῆσ ἐξελθούσησ τότε δυνάμεωσ ἐμπειρίᾳ τε ἀγώνων καὶ τῇ παρὰ τὰ δεινὰ εὐτολμίᾳ μακρῷ τοῦ ἄλλου ἄμεινον.

οἱ δὲ πολλοὶ χάριτι καὶ παρακλήσει τῶν πρεσβυτάτων ὑπαχθέντεσ εἵποντο. ἦν δέ τι μέροσ, ὃ τῶν ὠφελειῶν ἕνεκα τῶν ἐν ταῖσ στρατείαισ γινομένων πάντα κίνδυνον ἕτοιμον ἦν ὑπομένειν.

καὶ δι’ ὀλίγου χρόνου δύναμισ ἐξῆλθε πλήθει τε ἀποχρῶσα καὶ παρασκευαῖσ κεχρημένη λαμπροτάταισ. οἱ μὲν οὖν πολέμιοι προακούσαντεσ, ὅτι μέλλουσιν ἐπ’ αὐτοὺσ ἐξάγειν Ῥωμαῖοι στρατιάν, ἀπῆγον ἐπ’ οἴκου τὰσ δυνάμεισ.

οἱ δ’ ὕπατοι κατὰ σπουδὴν ἐλαύνοντεσ καταλαμβάνουσιν ἐστρατοπεδευκότασ αὐτοὺσ πόλεωσ Ἀντίου πλησίον ἐν ὑψηλῷ καὶ ἀποτόμῳ χωρίῳ καὶ τίθενται τὴν παρεμβολὴν τῆσ ἐκείνων οὐ πρόσω. ἀγοράσ τ’ αὐτῶν περιέκοπτον ἐξιόντεσ καὶ τοὺσ ἐπὶ προνομὴν ἀποστελλομένουσ ἢ χόρτον ἵπποισ ἀνεκρούοντο καὶ τοῖσ πρὸσ ὑδρείαν καταβαίνουσιν αἰφνιδίωσ ἐπετίθεντο, προὐκαλοῦντό τ’ αὐτοὺσ πολλάκισ εἰσ μάχην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 10, chapter 43

(디오니시오스, Antiquitates Romanae, Books X-XX, book 10, chapter 43)

상위

목록

SEARCH

MENU NAVIGATION