헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 59)

ἐν δὲ τῷ κατόπιν ἔτει παραλαβόντεσ τὴν ὑπατικὴν ἐξουσίαν οἱ σὺν Ἀππίῳ Κλαυδίῳ δέκα ἄνδρεσ εἰδοῖσ μαϊαίσ, ἦγον δὲ τοὺσ μῆνασ κατὰ σελήνην, καὶ συνέπιπτεν εἰσ τὰσ εἰδοὺσ ἡ πανσέληνοσ· εἰσ αὐτὰ τἀναγκαῖα χρώμενοι, τὰ δὲ πλεῖστα ἐπὶ τῆσ ἑαυτῶν ἐξουσίασ ποιοῦντεσ.

ἐνστάσησ δὲ τῆσ ἡμέρασ, ἐν ᾗ παραλαβεῖν αὐτοὺσ ἔδει τὴν ἀρχήν, τοῖσ θεοῖσ προθύσαντεσ ἃ νόμοσ ‐ ἱερὰν δὲ ταύτην ἄγουσι Ῥωμαῖοι τὴν ἡμέραν καὶ παντὸσ μάλιστα ὀττεύονται μήτ’ ἀκοῦσαι μηδὲν ἀηδὲσ ἐν αὐτῇ μήτ’ ἰδεῖν ‐ ἑώθεν εὐθὺσ ἐξῄεσαν οἱ δέκα τὰ παράσημα τῆσ βασιλικῆσ ἐξουσίασ ἅπαντεσ ἐπαγόμενοι.

ὁ δὲ δῆμοσ ὡσ ἔμαθεν αὐτοὺσ οὐκέτι φυλάττοντασ τὸ δημοτικὸν ἐκεῖνο καὶ μέτριον σχῆμα τῆσ ἡγεμονίασ οὐδὲ διαμειβομένουσ τὰ παράσημα τῆσ βασιλικῆσ ἀρχῆσ ὡσ πρότερον, εἰσ πολλὴν ἦλθε δυσθυμίαν καὶ κατήφειαν.

ἐφόβουν θ’ οἱ προσηρτημένοι ταῖσ δέσμαισ τῶν ῥάβδων πελέκεισ, οὓσ ἔφερον οἱ προηγούμενοι τῶν ἀνδρῶν ἑκάστου δώδεκα ὄντεσ ἀναστέλλοντεσ ἐκ τῶν στενωπῶν πληγῖσ τὸν ὄχλον, ὃ καὶ ἐπὶ τῶν βασιλέων ἐγένετο πρότερον.

κατελύθη γὰρ εὐθὺσ τὸ ἔθοσ τοῦτο μετὰ τὴν ἐκβολὴν τῶν μονάρχων ὑπ’ ἀνδρὸσ δημοτικοῦ Ποπλίου Οὐαλερίου τὴν ἐκείνων ἐξουσίαν μεταλαβόντοσ, ᾧ πάντεσ οἱ μετ’ ἐκεῖνον ὕπατοι καλοῦ πράγματοσ δόξαντι ἄρξαι τὰ ὅμοια πράττοντεσ οὐκέτι ταῖσ δέσμαισ τῶν ῥάβδων προσήρτων τοὺσ πελέκεισ, ὅτι μὴ κατὰ τὰσ στρατείασ καὶ τὰσ ἄλλασ ἐξόδουσ τὰσ ἐκ τῆσ πόλεωσ.

πόλεμον δ’ ἐξάγοντεσ ὑπερόριον ἢ τῶν ὑπηκόων πράγματα ἐπισκεψόμενοι, τότε καὶ τοὺσ πελέκεισ ταῖσ ῥάβδοισ προσελάμβανον, ἵνα τὸ τῆσ ὄψεωσ φοβερόν, ὡσ κατ’ ἐχθρῶν ἢ δούλων γινόμενον, ἥκιστα φαίνηται τοῖσ πολίταισ ἐπαχθέσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 10, chapter 59

(디오니시오스, Antiquitates Romanae, Books X-XX, book 10, chapter 59)

상위

목록

SEARCH

MENU NAVIGATION