헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 57)

τῷ δ’ ἑξῆσ ἔτει παραλαβόντεσ οἱ νομοθέται τὰ πράγματα πολιτείασ κόσμον τοιόνδε τινὰ καθίστανται· εἷσ μὲν αὐτῶν τάσ τε ῥάβδουσ καὶ τὰ λοιπὰ παράσημα τῆσ ὑπατικῆσ εἶχεν ἐξουσίασ, ὃσ βουλήν τε συνεκάλει καὶ δόγματα ἐπεκύρου καὶ τἆλλα ἔπραττεν, ὅσα ἡγεμόνι προσῆκεν· οἱ δ’ ἄλλοι συστέλλοντεσ ἐπὶ τὸ δημοτικώτερον τὸ τῆσ ἐξουσίασ ἐπίφθονον ὀλίγῳ τινὶ διήλλαττον ὀφθῆναι τῶν πολλῶν·

εἶτ’ αὖθισ ἕτεροσ αὐτῶν ἐπὶ τὴν ἐξουσίαν καθίστατο, καὶ τοῦτ’ ἐκ περιτροπῆσ ἐγίνετο παραλλὰξ ἐπ’ ἐνιαυτὸν ἑκάστου τὴν ἡγεμονίαν παραλαμβάνοντοσ εἰσ συγκείμενόν τινα ἡμερῶν ἀριθμόν. ἅπαντεσ δ’ ἐξ ἑωθινοῦ καθεζόμενοι διῄτων τὰ ἰδιωτικὰ συμβόλαια καὶ τὰ δημόσια, ὁπόσα πρόσ τε ὑπηκόουσ καὶ συμμάχουσ καὶ τοὺσ ἐνδοιαστῶσ ἀκροωμένουσ τῆσ πόλεωσ ἐγκλήματα τυγχάνοι γινόμενα, μετὰ πάσησ ἀνασκοποῦντεσ ἕκαστα ἐπιεικείασ τε καὶ δικαιοσύνησ.

ἐδόκει δὲ ἄριστα τὸν ἐνιαυτὸν ἐκεῖνον ἡ Ῥωμαίων πόλισ ὑπὸ τῆσ δεκαδαρχίασ ἐπιτροπευθῆναι.

μάλιστα δ’ αὐτῶν ἐπῃνεῖτο ἡ τοῦ δημοτικοῦ πρόνοια καὶ πρὸσ ἅπαν τὸ βίαιον ὑπὲρ τῶν ἀσθενεστέρων ἀντίταξισ·

ἐλέχθη τε ὑπὸ πολλῶν, ὡσ οὐδὲν ἔτι δεήσοι δήμου προστατῶν οὐδὲ τῶν ἄλλων ἀρχείων τῇ πόλει μιᾶσ διοικούσησ ἅπαντα ἡγεμονίασ σώφρονοσ, ἧσ ἀρχηγὸσ Ἄππιοσ εἶναι ἐδόκει. καὶ τὸν ὑπὲρ ὅλησ τῆσ δεκαδαρχίασ ἔπαινον ἐκεῖνοσ ἐφέρετο παρὰ τοῦ δήμου.

οὐ γὰρ μόνον ἃ μετὰ τῶν ἄλλων ἔπραττεν ἀπὸ τοῦ κρατίστου χρηστότητοσ ἔφερεν αὐτῷ δόκησιν, ἀλλὰ πολὺ μᾶλλον ἃ κατ’ ἰδίαν ἐπιτηδεύων διετέλει, κατά τ’ ἀσπασμοὺσ καὶ προσαγορεύσεισ φιλανθρώπουσ καὶ τὰσ ἄλλασ τῶν πενήτων φιλοφρονήσεισ. οὗτοι οἱ δέκα ἄνδρεσ συγγράψαντεσ νόμουσ ἔκ τε τῶν Ἑλληνικῶν νόμων καὶ τῶν παρὰ σφίσιν αὐτοῖσ ἀγράφων ἐθισμῶν προὔθηκαν ἐν δέκα δέλτοισ τῷ βουλομένῳ σκοπεῖν, δεχόμενοι πᾶσαν ἐπανόρθωσιν ἰδιωτῶν καὶ πρὸσ τὴν κοινὴν εὐαρέστησιν ἀπευθύνοντεσ τὰ γραφέντα.

μέχρι πολλοῦ διετέλεσαν ἐν κοινῷ μετὰ τῶν ἀρίστων ἀνδρῶν συνεδρεύοντεσ καὶ τὴν ἀκριβεστάτην ποιούμενοι τῆσ νομοθεσίασ ἐξέτασιν.

ἐπειδὴ δ’ ἀποχρώντωσ ἐφαίνετο αὐτοῖσ τὰ γραφέντα ἔχειν, πρῶτον μὲν τὴν βουλὴν συναγαγόντεσ οὐθενὸσ ἔτι μεμφομένου τοῖσ νόμοισ προβούλευμα περὶ αὐτῶν ἐκύρωσαν.

ἔπειτα τὸν δῆμον καλέσαντεσ εἰσ τὴν λοχῖτιν ἐκκλησίαν ἱερομνημόνων τε καὶ οἰωνιστῶν καὶ τῶν ἄλλων ἱερέων παρόντων καὶ τὰ θεῖα ὡσ νόμοσ ἐξηγησαμένων ἀνέδωκαν τοῖσ λόχοισ τὰσ ψήφουσ. ἐπικυρώσαντοσ δὲ καὶ τοῦ δήμου τοὺσ νόμουσ, στήλαισ χαλκαῖσ ἐγχαράξαντεσ αὐτοὺσ ἐφεξῆσ ἔθεσαν ἐν ἀγορᾷ τὸν ἐπιφανέστατον ἐκλεξάμενοι τόπον.

καὶ ἐπειδὴ βραχὺσ ὁ τῆσ ἀρχῆσ αὐτοῖσ χρόνοσ ὁ λειπόμενοσ ἦν, συναγαγόντεσ τοὺσ βουλευτὰσ προὔθεσαν ὑπὲρ ἀρχαιρεσίων οἱᾶ χρὴ γενέσθαι σκοπεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 10, chapter 57

(디오니시오스, Antiquitates Romanae, Books X-XX, book 10, chapter 57)

상위

목록

SEARCH

MENU NAVIGATION