Dionysius of Halicarnassus, Antiquitates Romanae, Books X-XX, book 10, chapter 55

(디오니시오스, Antiquitates Romanae, Books X-XX, book 10, chapter 55)

τότε δ’ οὖν ἀπὸ τοῦ κρατίστου ταῦτα βουλευσάμενοσ καὶ τὸν συνάρχοντα πείσασ, ἐπειδὴ πολλάκισ αὐτὸν ἐπὶ τὴν ἐκκλησίαν ἐκάλεσαν οἱ δήμαρχοι, παρελθὼν πολλοὺσ καὶ φιλανθρώπουσ διεξῆλθε λόγουσ· κεφάλαια δ’ αὐτοῦ τῆσ δημηγορίασ τοιάδε ἦν, ὅτι τὸ μὲν ἀποδειχθῆναι τοὺσ νόμουσ καὶ παύσασθαι στασιάζοντασ τοὺσ πολίτασ ὑπὲρ τῶν ἴσων αὐτῷ τε καὶ τῷ συνάρχοντι παντὸσ μάλιστα δοκεῖ, καὶ ἀποφαίνονται γνώμην φανεράν· τοῦ δ’ ἀποδεῖξαι τοὺσ νομοθέτασ αὐτοὶ μὲν οὐδεμίαν ἔχουσιν ἐξουσίαν οὔπω παρειληφότεσ τὴν ἀρχήν, τοῖσ δὲ περὶ Μενήνιον ὑπάτοισ οὐχ ὅπωσ ἐναντιώσονται πράσσουσι τὰ δόξαντα τῇ βουλῇ, ἀλλὰ καὶ συνεργήσουσι καὶ πολλὴν εἴσονται χάριν. ἐὰν δ’ ἀναδύωνται σκῆψιν προβαλλόμενοι τὴν νέαν ἀρχήν, ὡσ οὐκ ἐξὸν αὐτοῖσ ἑτέρουσ ἄρχοντασ ὑπατικὴν ἐξουσίαν παραληψομένουσ ἀποδεικνύειν ἡμῶν ἤδη κεκυρωμένων ὑπάτων, οὐδὲν ἐμποδὼν αὐτοῖσ τὸ καθ’ ἑαυτοὺσ ἔσεσθαι.

ἑκόντεσ γὰρ ἀποστήσεσθαι τῆσ ὑπατείασ τοῖσ ἀνθ’ αὑτῶν αἱρεθησομένοισ, ἐὰν καὶ τῇ βουλῇ ταῦτα δοκῇ.

ἐπαινοῦντοσ δὲ τοῦ δήμου καὶ τὴν προθυμίαν τῶν ἀνδρῶν καὶ πάντων κατὰ πλῆθοσ ἐπὶ τὸ συνέδριον ὠσαμένων, ἀναγκασθεὶσ ὁ Σήστιοσ τὴν βουλὴν συναγαγεῖν μόνοσ, ἐπειδὴ ὁ Μενήνιοσ ἀδύνατοσ ἦν παρεῖναι διὰ τὴν νόσον, προὔθηκεν ὑπὲρ τῶν νόμων λέγειν. ἐλέχθησαν μὲν οὖν καὶ τότε πολλοὶ ὑπ’ ἀμφοτέρων λόγοι τῶν τε παραινούντων κατὰ νόμουσ πολιτεύεσθαι, καὶ τῶν ἀξιούντων τοὺσ πατρίουσ φυλάττειν ἐθισμούσ.

πρῶτοσ ἐρωτηθεὶσ ἀπεφήνατο, ἄνδρασ αἱρεθῆναι δέκα τοὺσ ἐπιφανεστάτουσ ἐκ τῆσ βουλῆσ.

τούτουσ δ’ ἄρχειν εἰσ ἐνιαυτὸν ἀφ’ ἧσ ἂν ἀποδειχθῶσιν ἡμέρασ, ἐξουσίαν ἔχοντασ ὑπὲρ ἁπάντων τῶν κατὰ τὴν πόλιν ἣν εἶχον οἵ τε ὕπατοι καὶ ἔτι πρότερον οἱ βασιλεῖσ, τάσ τ’ ἄλλασ ἀρχὰσ πάσασ καταλελύσθαι, τέωσ ἂν οἱ δέκα τύχωσι τῆσ ἀρχῆσ. τούτουσ δὲ τοὺσ ἄνδρασ ἔκ τε τῶν πατρίων ἐθῶν καὶ ἐκ τῶν Ἑλληνικῶν νόμων, οὓσ ἐκόμισαν οἱ πρέσβεισ, ἐκλεξαμένουσ τὰ κράτιστα καὶ τῇ Ῥωμαίων πόλει πρόσφορα νομοθετήσεσθαι. τὰ δὲ γραφέντα ὑπὸ τῶν δέκα ἀνδρῶν, ἐὰν ἥ τε βουλὴ δοκιμάσῃ καὶ ὁ δῆμοσ ἐπιψηφίσῃ, κύρια εἰσ τὸν ἅπαντα εἶναι χρόνον, καὶ τὰσ ἀρχάσ, ὅσαι ἂν ὕστερον ἀποδειχθῶσι, κατὰ τούτουσ τοὺσ νόμουσ τά τε ἰδιωτικὰ συμβόλαια διαιρεῖν καὶ τὰ δημόσια ἐπιτροπεύειν.

SEARCH

MENU NAVIGATION