헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 53)

ἐπὶ δὲ τῆσ ὀγδοηκοστῆσ καὶ δευτέρασ ὀλυμπιάδοσ, ἣν ἐνίκα στάδιον Λύκοσ Θεσσαλὸσ ἀπὸ Λαρίσησ, ἄρχοντοσ Ἀθήνησι Χαιρεφάνουσ, ἐτῶν τριακοσίων ἐκπεπληρωμένων ἀπὸ τοῦ Ῥώμησ συνοικισμοῦ, Ποπλίου Ὁρατίου καὶ Σέξτου Κοιντιλίου διαδεδεγμένων τὴν ὕπατον ἀρχήν, λοιμικὴ νόσοσ εἰσ τὴν Ῥώμην κατέσκηψε μεγίστη τῶν ἐκ τοῦ προτέρου χρόνου μνημονευομένων· ὑφ’ ἧσ οἱ μὲν θεράποντεσ ὀλίγου ἐδέησαν πάντεσ ἀπολέσθαι, τῶν δ’ ἄλλων πολιτῶν ἀμφὶ τοὺσ ἡμίσεισ μάλιστα διεφθάρησαν, οὔτε τῶν ἰατρῶν ἀρκούντων ἔτι βοηθεῖν τοῖσ καμάτοισ, οὔτε οἰκείων ἢ φίλων τἀναγκαῖα ὑπηρετούντων. οἱ γὰρ ἐπικουρεῖν ταῖσ ἑτέρων βουλόμενοι συμφοραῖσ ἁπτόμενοί τε καματηρῶν σωμάτων καὶ συνδιαιτώμενοι τὰσ αὐτὰσ ἐκείνοισ νόσουσ μετελάμβανον, ὥστε πολλὰσ οἰκίασ ἐξερημωθῆναι δι’ ἀπορίαν τῶν ἐπιμελησομένων.

ταχέωσ λωφῆσαι τὴν νόσον αἴτιον τὸ περὶ τὰσ ἐκβολὰσ τῶν νεκρῶν γινόμενον.

κατ’ ἀρχὰσ μὲν γὰρ ὑπό τε αἰσχύνησ καὶ εὐπορίασ τῶν πρὸσ τὰσ ταφὰσ ἐπιτηδείων ἔκαιόν τε καὶ γῇ παρεδίδοσαν τοὺσ νεκρούσ, τελευτῶντεσ δὲ οἱ μὲν ἀπ’ ὀλιγωρίασ τοῦ καλοῦ, οἱ δὲ τἀπιτήδεια οὐκ ἔχοντεσ πολλοὺσ μὲν ἐν τοῖσ ὑπονόμοισ τῶν στενωπῶν φέροντεσ ἐρρίπτουν τῶν ἀπογενομένων, πολλῷ δ’ ἔτι πλείουσ εἰσ τὸν ποταμὸν ἐνέβαλλον·

ἀφ’ ὧν τὰ μέγιστα ἐκακοῦντο πρὸσ τὰσ ἀκτὰσ καὶ τὰσ ἠϊόνασ. τὰ δὲ τῷ πονηρὰσ τὰσ ἀναδόσεισ ποιεῖν τῆσ τροφῆσ.

καὶ οὐ μόνον ἐν τῇ πόλει τὰ δεινὰ ἦν, ἀλλὰ καὶ ἐπὶ τῶν ἀγρῶν·

καὶ οὐχ ἥκιστα ὁ γεωργὸσ ἐπόνησεν ὄχλοσ ἀναπιμπλάμενοσ, καὶ προβάτων καὶ τῶν ἄλλων τετραπόδων ἅμα διαιτωμένων, τῆσ νόσου. ὅσον μὲν οὖν χρόνον τοῖσ πολλοῖσ ἐλπίδοσ τι ὑπῆν ὡσ τοῦ θεοῦ σφίσιν ἐπικουρήσοντοσ, ἅπαντεσ ἐπί τε θυσίασ καὶ καθαρμοὺσ ἐτράποντο· καὶ πολλὰ ἐνεωτερίσθη Ῥωμαίοισ οὐκ ὄντα ἐν ἔθει περὶ τὰσ τιμὰσ τῶν θεῶν ἐπιτηδεύματα οὐκ εὐπρεπῆ. ἐπεὶ δὲ ἐπέγνωσαν οὐδεμίαν αὐτῶν ἐπιστροφὴν ἐκ τοῦ δαιμονίου γινομένην οὐδ’ ἔλεον, καὶ τῆσ περὶ τὰ θεῖα λειτουργίασ ἀπέστησαν.

ὕπατοσ Σπόριοσ Φούριοσ, καὶ τῶν δημάρχων τέτταρεσ, τῶν τε βουλευτῶν πολλοὶ καὶ ἀγαθοί.

ἐπεβάλοντο μὲν οὖν ἐν τῇ νόσῳ τῆσ πόλεωσ οὔσησ στρατὸν ἐξάγειν ἐπ’ αὐτοὺσ Αἰκανοὶ καὶ διεπρεσβεύοντο πρὸσ τἆλλα ἔθνη, ὅσα Ῥωμαίοισ πολέμια ἦν, παρακαλοῦντεσ ἐπὶ τὸν πόλεμον. οὐ μὴν ἔφθασάν γε προαγαγεῖν τὴν δύναμιν ἐκ τῶν πόλεων.

ἔτι γὰρ αὐτῶν παρασκευαζομένων ἡ αὐτὴ νόσοσ κατέσκηψεν εἰσ τὰσ πόλεισ. διῆλθε δ’ οὐ μόνον τὴν Αἰκανῶν, ἀλλὰ καὶ τὴν Οὐολούσκων καὶ τὴν Σαβίνων γῆν, καὶ σφόδρα ἐκάκωσε τοὺσ ἀνθρώπουσ.

ἐκ δὲ τούτου συνέβη καὶ τὴν χώραν ἀγεώργητον ἀφεθεῖσαν λιμὸν ἐπὶ τῷ λοιμῷ συνάψαι. ἐπὶ μὲν δὴ τούτων τῶν ὑπάτων οὐδὲν ἐπράχθη Ῥωμαίοισ διὰ τὰσ νόσουσ οὔτε πολεμικὸν οὔτε πολιτικὸν εἰσ ἱστορίασ ἀφήγησιν ἐλθεῖν ἄξιον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 10, chapter 53

(디오니시오스, Antiquitates Romanae, Books X-XX, book 10, chapter 53)

상위

목록

SEARCH

MENU NAVIGATION