헬라어 텍스트

Dionysius of Halicarnassus, Antiquitates Romanae, Books X-XX, book 10, chapter 52

(디오니시오스, Antiquitates Romanae, Books X-XX, book 10, chapter 52)

προστιθέμενοι τῇ γνώμῃ. μέλλοντοσ δὲ γράφεσθαι τοῦ προβουλεύματοσ ἀναστὰσ ὁ δήμαρχοσ Σίκκιοσ ὁ τῷ Ῥωμιλίῳ προσθεὶσ τὴν δίκην πολὺν ὑπὲρ τοῦ ἀνδρὸσ διῆλθε λόγον ἐπαινῶν τὴν μεταβολὴν τῆσ γνώμησ καὶ τὸ μὴ τὰ ἴδια ἔχθη κρείττονα γίνεσθαι τῶν κοινῇ χρησίμων, ἀλλ’ ἀπ’ ὀρθῆσ γνώμησ τὰ συμφέροντα ἀποδείξασθαι· ἀνθ’ ὧν, ἔφη, ταύτην αὐτῷ ἀποδίδωμι τιμὴν καὶ χάριν·

ἀφίημι τῶν ἐκτισμάτων ἐπὶ τῇ δίκῃ καὶ εἰσ τὸ λοιπὸν διαλλάττομαι· νικᾷ γὰρ ἡμᾶσ χρηστὸσ ὤν.

τὸ δ’ αὐτὸ καὶ οἱ ἄλλοι δήμαρχοι παριόντεσ ὡμολόγουν. οὐ μὴν ὅ γε Ῥωμίλιοσ ὑπέμεινε ταύτην λαβεῖν τὴν χάριν, ἀλλ’ ἐπαινέσασ τοὺσ δημάρχουσ τῆσ προθυμίασ ἀποδώσειν ἔφη τὴν καταδίκην. ἱερὰν γὰρ ἤδη τῶν θεῶν εἶναι, καὶ οὔτε δίκαια οὔτε ὅσια ποιεῖν ἀποστερῶν τοὺσ θεούσ, ἃ δίδωσιν αὐτοῖσ ὁ νόμοσ· καὶ ἐποίησεν οὕτωσ.

γραφέντοσ δὲ τοῦ προβουλεύματοσ, καὶ μετὰ ταῦτ’ ἐπικυρώσαντοσ τοῦ δήμου πρέσβεισ ἀπεδείχθησαν οἱ τοὺσ παρὰ τῶν Ἑλλήνων νόμουσ ληψόμενοι, Σπόριοσ Ποστόμιοσ καὶ Σερούιοσ Σολπίκιοσ καὶ Αὖλοσ Μάλλιοσ· ἐκ τοῦ δημοσίου καὶ ἄλλοσ κόσμοσ εἰσ ἐπίδειξιν τῆσ ἡγεμονίασ ἀποχρῶν.

καὶ τὸ ἔτοσ ἐτελεύτα.