Dionysius of Halicarnassus, Antiquitates Romanae, Books X-XX, book 10, chapter 51

(디오니시오스, Antiquitates Romanae, Books X-XX, book 10, chapter 51)

ἃ μὲν ὑπὸ τοῦ δήμου πέπονθα, ὦ βουλή, καὶ ὅτι οὐδὲν ἀδικῶν, ἀλλὰ τῆσ πρὸσ ὑμᾶσ εὐνοίασ ἕνεκα, φορτικὸσ ἂν εἰήν ἐν εἰδόσιν ἀκριβῶσ λέγων· μνήμην δὲ αὐτῶν ποιοῦμαι τοῦ ἀναγκαίου ἕνεκεν, ἵν’ εἰδῆτε, ὅτι οὐ κολακείᾳ τοῦ δημοτικοῦ ἐπιτρέψασ ἐχθροῦ μοι ὄντοσ, ἀλλ’ ἀπὸ τοῦ βελτίστου τὰ συμφέροντα ἐρῶ.

θαυμάσῃ δὲ μηθείσ, εἰ πρότερόν τε πολλάκισ καὶ ἡνίκα ὕπατοσ ἦν τῆσ ἑτέρασ προαιρέσεωσ γενόμενοσ νῦν ἐξαίφνησ μεταβέβλημαι· μηδὲ ὑπολάβητε δυεῖν θάτερον ἢ τότε βεβουλεῦσθαί με κακῶσ ἢ νῦν ἀνατίθεσθαι τὰ δόξαντα οὐκ ὀρθῶσ. ὑπὲρ ὑμῶν ἀγῶνα αἰρομένουσ περιείδετε ἀναρπασθέντασ ὑπὸ τοῦ δήμου τοῖσ ἀναγκαίοισ εἴξαντεσ, οὐκέθ’ ὅμοια ἔγνωκα.

ἐβουλόμην δ’ ἂν μάλιστα μήτ’ ἐμαυτῷ συμβῆναι μήτε τῷ συνάρχοντί μου ταῦτα, ἐφ’ οἷσ ἅπαντεσ ἡμῖν συμπαθεῖτε.

ἐπειδὴ δὲ τὰ μὲν καθ’ ἡμᾶσ τέλοσ ἔχει, τὰ δὲ λοιπὰ ἔξεστιν ἐπανορθώσασθαι καὶ τοῦ μὴ παθεῖν ταὐτὰ ἑτέρουσ προϊδέσθαι, καὶ κοινῇ καὶ καθ’ ἕνα ἕκαστον ἰδίᾳ τὰ παρόντα εὖ τίθεσθαι παρακαλῶ. κράτιστα γὰρ οἰκεῖται πόλισ ἡ πρὸσ τὰ πράγματα μεθαρμοττομένη, καὶ συμβούλων ἄριστοσ ὁ μὴ πρὸσ τὴν ἰδίαν ἔχθραν ἢ χάριν, ἀλλὰ πρὸσ τὸ κοινῇ συμφέρον ἀποδεικνύμενοσ γνώμην· βουλεύονταί τ’ ἄριστα περὶ τῶν μελλόντων οἱ παραδείγματα ποιούμενοι τὰ γεγονότα τῶν ἐσομένων. ὑμῖν δ’, ὦ βουλή, ὁσάκισ ἐνέστη τισ ἀμφισβήτησισ καὶ φιλονεικία πρὸσ τὸν δῆμον, ἀεί τι μειονεκτεῖν ἐξεγένετο τὸ μὲν ἀκούειν κακῶσ, τὸ δ’ εἰσ ἀνδρῶν ἐπιφανῶν θανάτουσ τε καὶ ὕβρεισ καὶ ἐκβολὰσ ζημιωθῆναι.

καίτοι τί γένοιτ’ ἂν ἀτύχημα πόλει μεῖζον ἢ τοὺσ κρατίστουσ τῶν ἀνδρῶν περικόπτεσθαι καὶ ταῦτα οὐ σὺν δίκῃ;

ὧν ὑμῖν φείδεσθαι παραινῶ καὶ μήτε τοὺσ νῦν ἄρχοντασ προβαλόντασ εἰσ κίνδυνον πρόδηλον, ἔπειτα ἐγκαταλιπόντασ ἐν τοῖσ δεινοῖσ μετανοεῖν, μήτε τῶν ἄλλων τινά, οὗ τι καὶ μικρὸν ὄφελοσ τῷ κοινῷ. κεφάλαιον δ’ ἐστὶν ὧν ὑμῖν παραινῶ, πρέσβεισ ἑλέσθαι τοὺσ μὲν εἰσ τὰσ Ἑλληνίδασ πόλεισ τὰσ ἐν Ἰταλίᾳ, τοὺσ δ’ εἰσ Ἀθήνασ· οἵτινεσ αἰτησάμενοι παρὰ τῶν Ἑλλήνων τοὺσ κρατίστουσ νόμουσ καὶ μάλιστα τοῖσ ἡμετέροισ ἁρμόττοντασ βίοισ οἴσουσι δεῦρο.

συνοίσειν, στασιάζειν δὲ μηκέτι πρὸσ τὸ δημοτικὸν μηδ’ ἄλλασ ἐπ’ ἄλλαισ ἀναιρεῖσθαι συμφορὰσ ἄλλωσ τε καὶ περὶ νόμων φιλονεικοῦντασ, οἳ κἂν εἰ μηθὲν ἄλλο τήν γέ τοι δόξαν τῆσ ἀξιώσεωσ ἔχουσιν εὐπρεπῆ.

SEARCH

MENU NAVIGATION