헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 45)

ἔτι δ’ αὐτοῦ βουλομένου λέγειν τἀκόλουθα ὑπολαβὼν ὁ ὕπατοσ εἶπεν· οὐ πολλῶν δεῖ λόγων, ἀλλ’ εἰ μὲν ὑπομένεισ πράττειν τὰ προσταττόμενα, χώρει διὰ ταχέων καὶ μὴ παραστρατήγει, εἰ δὲ ἀφίστασαι καὶ ἀποδιδράσκεισ τὸν κίνδυνον, ἑτέροισ εἰσ τὸ ἔργον χρήσομαι. σὺ δὲ τὰσ ἑκατὸν εἴκοσι μάχασ ἀγωνισάμενοσ καὶ τὰ τετταράκοντα ἔτη στρατευσάμενοσ καὶ κατατετρωμένοσ ὅλον τὸ σῶμα, ἐπειδὴ ἑκὼν ἦλθεσ, ἄπιθι μήτε ὁμιλήσασ πολεμίοισ μήτ’ ἰδὼν καὶ ἀντὶ τῶν ὅπλων ἀκόνα πάλιν τοὺσ λόγουσ, οἷσ χρήσῃ κατὰ τοῦ φθόνου τῶν πατρικίων.

ποῦ νῦν ἐκεῖνά σου τὰ πολλὰ ἀριστεῖα, οἱ στρεπτοὶ καὶ τὰ ψέλλια καὶ τὰ δόρατα καὶ τὰ φάλαρα καὶ οἱ τῶν ὑπάτων στέφανοι καὶ τὰ ἐκ τῶν μονομαχιῶν λάφυρα καὶ πᾶσα ἡ ἄλλη βαρύτησ, ἣν τότ’ ἠνεσχόμεθά σου λέγοντοσ;

ἐν ἑνὶ γὰρ δὴ τῷδε τῷ ἔργῳ βασανιζόμενοσ, ἔνθα κίνδυνοσ ἦν ἀληθινόσ, ἐξητάσθησ οἱο͂σ ἦσθα, ὡσ ἀλαζὼν καὶ δόξῃ τὸ ἀνδρεῖον ἐπιτηδεύων, οὐκ ἀληθείᾳ.

καὶ ὁ Σίκκιοσ δυσανασχετῶν ἐπὶ τοῖσ ὀνείδεσιν· οἶδα, φησίν, ὦ Ῥωμίλιε, ὅτι δυεῖν πρόκειταί σοι θάτερον ἢ ζῶντα διεργάσασθαι καὶ τὸ μηδὲν ἀποδοῦναι δόξαν αἰσχίστην ἐνεγκάμενον δειλίασ, ἢ κακῶσ καὶ ἀδήλωσ κατακοπέντα ὑπὸ τῶν πολεμίων ἀποθανεῖν, ἐπειδὴ κἀγώ τισ ἔδοξα εἶναι τῶν ἀξιούντων ἐλεύθερα φρονεῖν·

οὐ γὰρ εἰσ ἄδηλον, ἀλλ’ εἰσ ἐγνωσμένον ἀποστέλλεισ με θάνατον·

πλὴν ὑπομενῶ καὶ τοῦτο τὸ ἔργον καὶ πειράσομαι φανεὶσ ψυχὴν οὐ κακὸσ ἢ κρατῆσαι τοῦ χάρακοσ, ἢ μὴ τυχὼν τῆσ ἐλπίδοσ εὐγενῶσ ἀποθανεῖν.

ὑμᾶσ δ’, ὦ συστρατιῶται, μάρτυρασ ἀξιῶ γενέσθαι μοι πρὸσ τοὺσ ἄλλουσ πολίτασ, ἐὰν πύθησθε τὸν ἐμὸν μόρον, ὅτι με ἀπώλεσεν ἡ ἀρετὴ καὶ ἡ πολλὴ τῶν λόγων ἐλευθερία. ταῦτα πρὸσ τὸν ὕπατον ἀποκρινάμενοσ καὶ δακρύσασ τούσ τε συνήθεισ ἅπαντασ ἀσπασάμενοσ ᾤχετο τοὺσ ὀκτακοσίουσ ἄνδρασ ἄγων κατηφεῖσ καὶ δεδακρυμένουσ ὡσ τὴν ἐπὶ θανάτῳ πορευομένουσ·

καὶ ἡ ἄλλη δὲ πᾶσα στρατιὰ δι’ οἴκτου τὸ πρᾶγμα ἔλαβεν ὡσ οὐκέτι ὀψομένη τοὺσ ἄνδρασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 10, chapter 45

(디오니시오스, Antiquitates Romanae, Books X-XX, book 10, chapter 45)

상위

목록

SEARCH

MENU NAVIGATION