Dionysius of Halicarnassus, Antiquitates Romanae, Books X-XX, book 10, chapter 42

(디오니시오스, Antiquitates Romanae, Books X-XX, book 10, chapter 42)

τῇ δ’ ἑξῆσ ἡμέρᾳ παραλαβόντεσ οἱ δήμαρχοι τοὺσ ἐπιφανεστάτουσ τῶν δημοτικῶν ἐσκόπουν, ὅ τι χρήσονται τοῖσ πράγμασι, κοινὸν μὲν τοῦτο καὶ παρὰ πάντων ὁμολογούμενον εἰληφότεσ, τὸ μὴ τοὺσ ὑπάτουσ ἄγειν ὑπὸ τὴν δίκην, ἀλλὰ τοὺσ ὑπηρετοῦντασ αὐτοῖσ ἰδιώτασ, ὧν κολαζομένων ἔμελλε τοῖσ πολλοῖσ τῶν πολιτῶν ἐλάττων ἔσεσθαι λόγοσ, ὥσπερ ὁ Σίκκιοσ ὑπετίθετο· περὶ δὲ τοῦ πλήθουσ τῶν ὑπὸ τὰσ αἰτίασ ἀχθησομένων ὅσον εἶναι χρή, καὶ περὶ τοῦ ὀνόματοσ ὃ θήσονται τῇ δίκῃ, καὶ μάλιστα περὶ τοῦ τιμήματοσ πηλίκον ἔσται τὸ μέγεθοσ, ἐπιμελῆ ποιούμενοι ζήτησιν.

οἱ μὲν οὖν χαλεπώτεροι τὰσ φύσεισ ἐπὶ τὸ μεῖζόν τε καὶ φοβερώτερον ἅπαντα ταῦτα προάγειν παρῄνουν, οἱ δ’ ἐπιεικέστεροι τοὐναντίον ἐπὶ τὸ μετριώτερον καὶ φιλανθρωπότερον, ὁ δὲ ταύτησ ἡγούμενοσ τῆσ γνώμησ καὶ πείσασ αὐτοὺσ ἦν Σίκκιοσ, ὁ τοὺσ ἐν τῷ δήμῳ περὶ τῆσ κληρουχίασ διελθὼν λόγουσ.

ἔδοξε δ’ οὖν αὐτοῖσ τὸ μὲν ἄλλο πλῆθοσ τῶν πατρικίων ἐᾶσαι, Κλοιλίουσ δὲ καὶ Ποστομίουσ καὶ Σεμπρωνίουσ ἐπὶ τὸν δῆμον ἄγειν, ὧν ἔπραξαν ὑφέξοντασ δίκασ·

ἱερῶν νόμων, οὓσ περὶ τῶν δημάρχων ἐκύρωσεν ἡ βουλὴ καὶ ὁ δῆμοσ, οὐθενὶ δεδωκότων ἐξουσίαν ἀναγκάζειν τοὺσ δημάρχουσ ὑπομένειν τι τῶν ἀβουλήτων ὥσπερ τοὺσ ἄλλουσ πολίτασ, ἐκεῖνοι κατασχόντεσ αὐτοὺσ ἐκώλυσαν ἐπὶ τέλοσ ἄγειν τὴν περὶ τοῦ νόμου διάγνωσιν.

τίμημα δ’ ἐφάνη ταῖσ δίκαισ ὁρίσαι μήτε θάνατον μήτε φυγὴν μήτ’ ἄλλο ἐπίφθονον μηδέν, ἵνα μὴ τοῦτ’ αὐτοῖσ γένηται σωτηρίασ αἴτιον, ἀλλὰ τὰσ οὐσίασ αὐτῶν ἱερὰσ εἶναι Δήμητροσ, τὸ μετριώτατον ἐκλεξαμένοισ τοῦ νόμου μέροσ.

ἐγίνετο ταῦτα, καὶ παρῆν ὁ χρόνοσ, ἐν ᾧ τὰσ κατὰ τῶν ἀνδρῶν ἔδει συντελεῖσθαι δίκασ.

τι μεῖζον κωλυθέντεσ ἐξεργάσωνται κακόν, καὶ τοῖσ δημόταισ ἐπιτρέπειν ἀγριαινομένοισ εἰσ τὰ χρήματα τῶν ἀνδρῶν ἐκχέαι τὴν χολήν, ἵνα τιθασώτεροι γένωνται τὸ λοιπόν, λαβόντεσ ὁποσηνοῦν παρὰ τῶν ἐχθρῶν δίκην, ἄλλωσ τε καὶ τῆσ εἰσ χρήματα ζημίασ εὐδιόρθωτον ἐχούσησ τοῖσ πεπονθόσι τὴν συμφοράν·

ὅπερ καὶ συνέβη.

ἁλόντων γὰρ τῶν ἀνδρῶν ἐρήμουσ τὰσ δίκασ, ὅ τε δῆμοσ ἀγριαινόμενοσ ἐπαύσατο, καὶ τοῖσ δημάρχοισ ἐδόκει τισ ἀποδεδόσθαι μετρία καὶ πολιτικὴ βοήθεια, τοῖσ τε ἀνδράσι τὰσ οὐσίασ οἱ πατρίκιοι παρὰ τῶν ὠνησαμένων ἐκ τοῦ δημοσίου τῆσ ἴσησ λυσάμενοι τιμῆσ ἀπέδοσαν. καὶ τὰ μὲν κατεπείγοντα δεινὰ τοῦτον τὸν τρόπον χρησαμένων τοῖσ πράγμασιν αὐτῶν διελέλυτο.

SEARCH

MENU NAVIGATION