헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 40)

τοιαῦτ’ εἰπόντοσ αὐτοῦ τὸ μὲν πλῆθοσ οὕτωσ οἰκείωσ διετέθη πρὸσ τοὺσ λόγουσ καὶ τοσαύτην ἀπεδείξατο ἀγανάκτησιν πρὸσ τὸ ἀντίπαλον, ὥσθ’, ὅπερ ἔφην καὶ κατ’ ἀρχάσ, μηδὲ λόγον ἔτι βούλεσθαι τῶν ἀντιλεξόντων ὑπομένειν. ὁ μέντοι δήμαρχοσ Ἰκίλλιοσ ἀναστὰσ τὰ μὲν ἄλλα ἔφη πάντα ὀρθῶσ εἰπεῖν Σίκκιον καὶ μακρὸν ἔπαινον τοῦ ἀνδρὸσ διεξῆλθε·

τὸ δὲ μὴ μεταδιδόναι λόγου τοῖσ ἀντιλέξαι βουλομένοισ οὔτε δίκαιον ἀπέφαινεν οὔτε πολιτικόν, ἄλλωσ τε καὶ περὶ νόμου τῆσ ζητήσεωσ γινομένησ, ὃσ ἔμελλε κρείττονα ποιήσειν τὴν δίκην τῆσ βίασ. ταύτῃ γὰρ ἀφορμῇ χρήσεσθαι τοὺσ μηδὲν ἴσωσ καὶ δικαίωσ τοῖσ πολλοῖσ φρονοῦντασ τοῦ ταράττειν πάλιν καὶ διιστάναι τὰ συμφέροντα τῆσ πόλεωσ. ταῦτ’ εἰπὼν καὶ τὴν ἐπιοῦσαν ἀποδείξασ ἡμέραν τοῖσ κατηγόροισ τοῦ νόμου διέλυσε τὴν ἐκκλησίαν.

οἱ δὲ ὕπατοι συναγαγόντεσ ἰδιωτικὸν συνέδριον πατρικίων τῶν ἀνδρειοτάτων τε καὶ μάλιστα ἐν τῇ πόλει τότ’ ἀνθούντων ἐδίδασκον αὐτούσ, ὡσ κωλυτέοσ εἰή σφίσιν ὁ νόμοσ, λόγοισ μὲν πρῶτον, ἐὰν δὲ μὴ πείθωσι τὸν δῆμον, ἔργοισ. ἐκέλευόν τε ἅπασιν ἥκειν ἑώθεν εἰσ τὴν ἀγορὰν ἅμα τοῖσ ἑταίροισ τε καὶ πελάταισ, ὅσοισ ἂν ἕκαστοι πλείστοισ δύνωνται.

ἔπειτα τοὺσ μὲν περὶ αὐτὸ τὸ βῆμα καὶ τὸ ἐκκλησιαστήριον ἑστῶτασ ὑπομένειν, τοὺσ δὲ κατὰ πολλὰ τῆσ ἀγορᾶσ μέρη συστρέψαντασ ἑαυτοὺσ διαστῆναι, ὥστε διειλῆφθαι τὸ δημοτικὸν διεσπασμένον καὶ κωλύεσθαι πρὸσ αὐτῶν εἰσ ἓν συνελθεῖν.

ἐδόκει ταῦτα κράτιστα εἶναι, καὶ πρὶν ἡμέραν λαμπρὰν γενέσθαι τὰ πολλὰ τῆσ ἀγορᾶσ κατείχετο ὑπὸ τῶν πατρικίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books X-XX, book 10, chapter 40

(디오니시오스, Antiquitates Romanae, Books X-XX, book 10, chapter 40)

상위

목록

SEARCH

MENU NAVIGATION