Dionysius of Halicarnassus, Antiquitates Romanae, Books X-XX, book 10, chapter 38

(디오니시오스, Antiquitates Romanae, Books X-XX, book 10, chapter 38)

ἐπεὶ φέρε πρὸσ Διόσ, εἴ τι τούτων ἐγὼ ψεύδομαι, δειξάτω τισ ὑμῖν τῶν σεμνῶν τούτων παρελθών, τίνασ ἐπιφανεῖσ καὶ καλὰσ πράξεισ προεχόμενοσ ἐμοῦ πλέον ἔχειν ἀξιοῖ· πότερον ἔτη πλείω στρατευσάμενοσ ἢ μάχασ πλείουσ ἀγωνισάμενοσ ἢ τραύματα πλείω λαβὼν ἢ στεφάνοισ καὶ φαλάροισ καὶ σκύλοισ καὶ τοῖσ ἄλλοισ ἐπινικίοισ κόσμοισ ὑπερβαλόμενοσ, δἰ ὃν ἀσθενέστεροι μὲν οἱ πολέμιοι γεγόνασιν ἐπιφανεστέρα δὲ καὶ μείζων ἡ πατρίσ; μᾶλλον δὲ τὸ δέκατον ἐπιδειξάτω μέροσ, ὧν ὑμῖν ὑπέδειξα ἐγώ. ἀλλὰ τούτων γ’ οἱ πλείουσ οὐδ’ ἂν πολλοστὴν ἔχοιεν προενέγκασθαι μοῖραν τῶν ἐμῶν·

ἔνιοι δὲ οὐδ’ ἂν τῷ φαυλοτάτῳ τῶν ἐκ τοῦ δήμου φανεῖεν τὰ ἴσα κακοπαθήσαντεσ. οὐ γάρ ἐστιν αὐτῶν ἐν τοῖσ ὅπλοισ ἡ λαμπρότησ, ἀλλ’ ἐν τοῖσ λόγοισ, οὐδὲ κατὰ τῶν ἐχθρῶν τὸ δυνάμενον, ἀλλὰ κατὰ τῶν φίλων·

οὐδ’ ἡγοῦνται κοινὴν οἰκεῖν πόλιν, σφῶν δ’ αὐτῶν ἰδίαν, ὥσπερ οὐ συνελευθερωθέντεσ ἀπὸ τῆσ τυραννίδοσ ὑφ’ ἡμῶν, ἀλλὰ κατὰ κληρονομίαν παρὰ τῶν τυράννων παραλαβόντεσ ἡμᾶσ· Κάσσιον, τρισὶ μὲν ὑπατείαισ κεκοσμημένον, δυσὶ δὲ θριάμβοισ λαμπροτάτοισ, τοσαύτην δὲ δεινότητα περί τε τὰσ στρατηγικὰσ πράξεισ καὶ περὶ τὰ πολιτικὰ βουλεύματα ἀποδειξάμενον, ὅσην οὐδεὶσ τῶν τότε γενομένων, τοῦτον τὸν ἄνδρα αἰτιασάμενοι τυραννίδι ἐπιχειρεῖν καὶ ψευδέσι καταγωνισάμενοι μαρτυρίαισ δι’ οὐδὲν ἕτερον, ἀλλ’ ὅτι φιλόπολισ ἦν καὶ φιλόδημοσ, ὤσαντεσ ἀπὸ τοῦ κρημνοῦ διέφθειραν.

Γναῖον δὲ Γενύκιον δήμαρχον ὄντα ἡμέτερον, ἐπεὶ τὸ αὐτὸ τοῦτο πολίτευμα μετὰ τὸ ἔτοσ ἑνδέκατον ἀνενεοῦτο, καὶ τοὺσ ὑπατεύσαντασ ἐν τῷ πρότερον ἐνιαυτῷ κατέστησεν ὑπὸ δίκην ἀμελήσαντασ τῶν ψηφισμάτων τῆσ βουλῆσ, ἃ περὶ τῶν γεωμόρων ἐψηφίσατο, ἐπεὶ φανερῶσ οὐχ οἱοῖ́ τ’ ἦσαν ἀνελεῖν, μιᾷ πρότερον ἡμέρᾳ τῆσ δίκησ ἀφανῶσ ἀνήρπασαν.

ὑπέδυ, ἀλλὰ τριακοστὸν ἔτοσ τοῦτο ἀνεχόμεθα ὥσπερ ἐν τυραννίδι τὴν ἐξουσίαν ἀπολωλεκότεσ.

SEARCH

MENU NAVIGATION