Dionysius of Halicarnassus, Antiquitates Romanae, Books X-XX, book 10, chapter 35

(디오니시오스, Antiquitates Romanae, Books X-XX, book 10, chapter 35)

ἐπεὶ δὲ κἀκεῖθεν ἀπηλάθησαν οἱ δήμαρχοι βοήθειαν οὐδεμίαν εὑρόμενοι, ἐσκόπουν αὖθισ ὅ τι χρὴ ποιεῖν εἰσ τὸν δῆμον ἀφικόμενοι. εἰσ τὸ ἱερὸν ὄροσ, ἔνθα καὶ τὸ πρῶτον ἐστρατοπεδεύσαντο, καὶ τὸν πόλεμον ἐκεῖθεν ὁρμωμένουσ ποιεῖν πρὸσ τοὺσ πατρικίουσ, ἐπειδὴ τὰσ συνθήκασ ἔλυσαν ἐκεῖνοι τὰσ γενομένασ αὐτοῖσ πρὸσ τὸν δῆμον, καταλύοντεσ τὴν δημαρχικὴν ἐξουσίαν ἐκ τοῦ φανεροῦ.

τοῖσ δὲ πλείοσιν ἐδόκει μὴ παραχωρεῖν τῆσ πόλεωσ μηδὲ κοινὰ πάντων ἐγκλήματα ποιεῖν, ὑπὲρ ὧν ἰδίᾳ τινὲσ εἰσ τοὺσ δημάρχουσ παρενόμησαν, ἐὰν τὰ συγκεχωρημένα τοῖσ νόμοισ λαμβάνωσιν, οἳ κελεύουσιν ἢ ποινὴν τίνειν ἢ τεθνάναι τοὺσ ὑβρίσαντασ τὰ τῶν δημάρχων σώματα.

ἡ μεγίστη ὑπέκειτο ἀρχή, ἀλλ’ εἰσ τοὺσ συναγωνιζομένουσ αὐτοῖσ μεταφέρειν τὴν ὀργήν, καὶ τὰσ ἐκ τῶν νόμων τιμωρίασ παρ’ ἐκείνων λαμβάνειν.

εἰ μὲν οὖν ἐκείνην τὴν ἡμέραν θυμῷ φερόμενοι δρᾶσαί τι οἱ δήμαρχοι κατὰ τῶν ὑπάτων ἢ τῆσ βουλῆσ προήχθησαν, οὐθὲν ἂν ἦν τὸ κωλῦσον αὐτὴν ὑφ’ αὑτῆσ ἀπολωλέναι τὴν πόλιν·

οὕτωσ ἕτοιμοι πάντεσ ἦσαν ἐπὶ τὰ ὅπλα καὶ τὸν κατ’ ἀλλήλων πόλεμον. νῦν δ’ ἀναβαλόμενοι τὰ πράγματα καὶ δόντεσ ἑαυτοῖσ χρόνον εἰσ ἀμείνω λογισμὸν αὐτοί τε μετριώτεροι ἐγένοντο καὶ τὰσ τῶν πολλῶν ὀργὰσ ἐπράυναν. ἔπειτα ταῖσ ἑξῆσ ἡμέραισ τὴν τρίτην ἀπ’ ἐκείνησ ἐσομένην ἀγορὰν προειπόντεσ, ἐν ᾗ τὸν δῆμον συνάξουσι καὶ ζημίαν ἐπιβαλοῦσι τοῖσ ὑπάτοισ ἀργυρικήν, διέλυσαν τὴν ἐκκλησίαν.

ἐπεὶ δὲ πλησίον ἦν ὁ χρόνοσ, ἀπέστησαν καὶ ταύτησ τῆσ ἐπιβολῆσ τῇ δεήσει τῶν πρεσβυτάτων τε καὶ ἐντιμοτάτων τὴν χάριν ἀνατιθέναι λέγοντεσ. καὶ μετὰ ταῦτα συναγαγόντεσ τὸν δῆμον ἔλεγον, ὅτι τὰσ μὲν εἰσ ἑαυτοὺσ ὕβρεισ ἀφείκασι χαρισάμενοι πολλοῖσ καὶ ἀγαθοῖσ ἀνδράσι δεομένοισ, οἷσ οὐκ ἦν ὅσιον ἀντιλέγειν, ὧν δὲ ὁ δῆμοσ ἠδικεῖτο κωλυταί τε καὶ τιμωροὶ ἔσεσθαι.

προθήσειν γὰρ αὖθισ τόν τε περὶ τῆσ κληρουχίασ νόμον ἔτη τριάκοντα παρειλκυσμένον καὶ τὸν περὶ τῆσ ἰσονομίασ, ὃν οἱ πρὸ αὐτῶν δήμαρχοι προθέντεσ οὐκ ἐπεψήφισαν.

SEARCH

MENU NAVIGATION