헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 35)

ἐπεὶ δὲ κἀκεῖθεν ἀπηλάθησαν οἱ δήμαρχοι βοήθειαν οὐδεμίαν εὑρόμενοι, ἐσκόπουν αὖθισ ὅ τι χρὴ ποιεῖν εἰσ τὸν δῆμον ἀφικόμενοι. εἰσ τὸ ἱερὸν ὄροσ, ἔνθα καὶ τὸ πρῶτον ἐστρατοπεδεύσαντο, καὶ τὸν πόλεμον ἐκεῖθεν ὁρμωμένουσ ποιεῖν πρὸσ τοὺσ πατρικίουσ, ἐπειδὴ τὰσ συνθήκασ ἔλυσαν ἐκεῖνοι τὰσ γενομένασ αὐτοῖσ πρὸσ τὸν δῆμον, καταλύοντεσ τὴν δημαρχικὴν ἐξουσίαν ἐκ τοῦ φανεροῦ.

τοῖσ δὲ πλείοσιν ἐδόκει μὴ παραχωρεῖν τῆσ πόλεωσ μηδὲ κοινὰ πάντων ἐγκλήματα ποιεῖν, ὑπὲρ ὧν ἰδίᾳ τινὲσ εἰσ τοὺσ δημάρχουσ παρενόμησαν, ἐὰν τὰ συγκεχωρημένα τοῖσ νόμοισ λαμβάνωσιν, οἳ κελεύουσιν ἢ ποινὴν τίνειν ἢ τεθνάναι τοὺσ ὑβρίσαντασ τὰ τῶν δημάρχων σώματα.

ἡ μεγίστη ὑπέκειτο ἀρχή, ἀλλ’ εἰσ τοὺσ συναγωνιζομένουσ αὐτοῖσ μεταφέρειν τὴν ὀργήν, καὶ τὰσ ἐκ τῶν νόμων τιμωρίασ παρ’ ἐκείνων λαμβάνειν.

εἰ μὲν οὖν ἐκείνην τὴν ἡμέραν θυμῷ φερόμενοι δρᾶσαί τι οἱ δήμαρχοι κατὰ τῶν ὑπάτων ἢ τῆσ βουλῆσ προήχθησαν, οὐθὲν ἂν ἦν τὸ κωλῦσον αὐτὴν ὑφ’ αὑτῆσ ἀπολωλέναι τὴν πόλιν·

οὕτωσ ἕτοιμοι πάντεσ ἦσαν ἐπὶ τὰ ὅπλα καὶ τὸν κατ’ ἀλλήλων πόλεμον. νῦν δ’ ἀναβαλόμενοι τὰ πράγματα καὶ δόντεσ ἑαυτοῖσ χρόνον εἰσ ἀμείνω λογισμὸν αὐτοί τε μετριώτεροι ἐγένοντο καὶ τὰσ τῶν πολλῶν ὀργὰσ ἐπράυναν. ἔπειτα ταῖσ ἑξῆσ ἡμέραισ τὴν τρίτην ἀπ’ ἐκείνησ ἐσομένην ἀγορὰν προειπόντεσ, ἐν ᾗ τὸν δῆμον συνάξουσι καὶ ζημίαν ἐπιβαλοῦσι τοῖσ ὑπάτοισ ἀργυρικήν, διέλυσαν τὴν ἐκκλησίαν.

ἐπεὶ δὲ πλησίον ἦν ὁ χρόνοσ, ἀπέστησαν καὶ ταύτησ τῆσ ἐπιβολῆσ τῇ δεήσει τῶν πρεσβυτάτων τε καὶ ἐντιμοτάτων τὴν χάριν ἀνατιθέναι λέγοντεσ. καὶ μετὰ ταῦτα συναγαγόντεσ τὸν δῆμον ἔλεγον, ὅτι τὰσ μὲν εἰσ ἑαυτοὺσ ὕβρεισ ἀφείκασι χαρισάμενοι πολλοῖσ καὶ ἀγαθοῖσ ἀνδράσι δεομένοισ, οἷσ οὐκ ἦν ὅσιον ἀντιλέγειν, ὧν δὲ ὁ δῆμοσ ἠδικεῖτο κωλυταί τε καὶ τιμωροὶ ἔσεσθαι.

προθήσειν γὰρ αὖθισ τόν τε περὶ τῆσ κληρουχίασ νόμον ἔτη τριάκοντα παρειλκυσμένον καὶ τὸν περὶ τῆσ ἰσονομίασ, ὃν οἱ πρὸ αὐτῶν δήμαρχοι προθέντεσ οὐκ ἐπεψήφισαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books X-XX, book 10, chapter 35

(디오니시오스, Antiquitates Romanae, Books X-XX, book 10, chapter 35)

상위

목록

SEARCH

MENU NAVIGATION