Dionysius of Halicarnassus, Antiquitates Romanae, Books X-XX, book 10, chapter 33

(디오니시오스, Antiquitates Romanae, Books X-XX, book 10, chapter 33)

ὁ δὲ μετὰ τοῦτον, ἐν ᾧ τὴν ὕπατον ἀρχὴν παρειλήφεσαν Τίτοσ Ῥωμίλιοσ καὶ Γάιοσ Οὐετούριοσ, δήμαρχοι δ’ ἦσαν οἱ περὶ Λεύκιον Ἰκίλλιον τὸ δεύτερον ἄρχειν ἑξῆσ αἱρεθέντεσ, οὐχ ἁπλοῦσ, ἀλλὰ ποικίλοσ τισ ἐγένετο καὶ μεγάλων μεστὸσ πραγμάτων. ἥ τε γὰρ πολιτικὴ στάσισ ἤδη μεμαράνθαι δοκοῦσα ὑπὸ τῶν δημάρχων πάλιν ἀνεκινεῖτο, καὶ πόλεμοί τινεσ ἐκ τῶν ἀλλοεθνῶν ἀνέστησαν, οἳ κακὸν μὲν οὐθὲν διαθεῖναι τὴν πόλιν ἠδυνήθησαν, οὐ μικρὰν δὲ ὠφέλειαν τὸ στασιάζον ἀνελόντεσ ἐξ αὐτῆσ. ἐγκύκλιον γὰρ δὴ τοῦτο καὶ ἐν ἔθει ἦν ἤδη τῇ πόλει πολεμουμένῃ μὲν ὁμονοεῖν, εἰρήνην δὲ ἀγούσῃ στασιάζειν.

τοῦτο συνιδόντεσ ἅπαντεσ οἱ τὰσ ὑπάτουσ ἀρχὰσ παραλαβόντεσ κατ’ εὐχὰσ μὲν εἴ τισ ἔξωθεν ἐπανασταίη πόλεμοσ ἐλάμβανον· τὰσ στάσεισ ταπεινὴν καὶ ἀσθενῆ.

οἷσ ὅμοια γνόντεσ οἱ τότε ὕπατοι στρατιὰν ἐξάγειν ἔκριναν ἐπὶ τοὺσ πολεμίουσ δεδοικότεσ, μή τι διὰ τὴν εἰρήνην ἄρξωνται ταράττειν ἀργοὶ καὶ πένητεσ ἄνθρωποι, τοῦτο μὲν ὀρθῶσ ἰδόντεσ, ὅτι δεῖ περισπᾶσαι τὸν ὄχλον ἐπὶ τοὺσ ἔξω πολέμουσ, τὸ δὲ μετὰ τοῦτο οὐκ ὀρθῶσ. δέον γὰρ αὐτοὺσ ὡσ ἐν νοσούσῃ πόλει μετρίαισ χρῆσθαι ταῖσ στρατολογίαισ ἐπὶ τὸ βίᾳ προσαναγκάζειν τοὺσ ἀπειθοῦντασ ἐτράποντο, οὔτε παραίτησιν οὔτε συγγνώμην οὐδενὶ διδόντεσ οὐδεμίαν, ἀλλὰ ταῖσ ἐκ τῶν νόμων τιμωρίαισ εἴσ τε τὰ σώματα καὶ τὰσ οὐσίασ αὐτῶν πικρῶσ χρώμενοι. ταῦτα ποιούντων αὐτῶν ἀφορμὴν αὖθισ εἰλήφεσαν οἱ δήμαρχοι τοῦ δημαγωγεῖν τὰ πλήθη·

καὶ συναγαγόντεσ εἰσ ἐκκλησίαν τά τ’ ἄλλα τῶν ὑπάτων κατεβόων, καὶ ὅτι πολλοὺσ τῶν πολιτῶν ἐκέλευσαν εἰσ τὸ δεσμωτήριον ἀπάγειν τὴν δημαρχικὴν ἐξουσίαν ἐπικαλεσαμένουσ, τῆσ τε στρατολογίασ ἀπολύειν ἔφασαν αὐτοὶ δὴ μόνοι ἐξουσίαν ἐκ τῶν νόμων ἔχοντεσ. ὡσ δ’ οὐθὲν ἐπέραινον, ἀλλ’ ἐπιστρεφεστέρασ ἔτι τὰσ καταγραφὰσ ἑώρων γινομένασ, ἔργοισ κωλύειν ἐπεβάλλοντο.

ἀμυνομένων δὲ τῶν ὑπάτων καὶ τῷ κράτει τῆσ ἀρχῆσ ἐρεθισμοί τέ τινεσ ἐγίνοντο καὶ χειρῶν ἐπιβολαί.

ὁ πένησ καὶ ἀργὸσ ὄχλοσ.

ἐκείνην μὲν οὖν τὴν ἡμέραν παρὰ πολὺ κρείττουσ ἐγένοντο τῶν δημάρχων οἱ ὕπατοι, ταῖσ δ’ ἑξῆσ ἡμέραισ πλείονοσ ὄχλου συρρέοντοσ εἰσ τὴν πόλιν ἐκ τῶν ἀγρῶν, δόξαντεσ οἱ δήμαρχοι προσειληφέναι χεῖρα ἀξιόμαχον ἐκκλησίασ τε συνεχεῖσ ἐποιοῦντο καὶ τοὺσ ὑπηρέτασ κακῶσ διακειμένουσ ἐκ τῶν πληγῶν ἐπεδείκνυσαν καὶ τὴν ἀρχὴν ἔλεγον ἀποθήσεσθαι, εἰ μή τισ αὐτοῖσ ἔσται παρὰ τοῦ δήμου βοήθεια.

SEARCH

MENU NAVIGATION