Dionysius of Halicarnassus, Antiquitates Romanae, Books X-XX, book 10, chapter 27

(디오니시오스, Antiquitates Romanae, Books X-XX, book 10, chapter 27)

φθειρομένησ καὶ διαρπαζομένησ τῆσ τε Ῥωμαίων καὶ τῶν συμμάχων γῆσ, καὶ τῶν πολεμίων ὡσ δι’ ἐρημίασ ἐλαυνόντων κατ’ ἐλπίδα τοῦ μηδεμίαν ἐπ’ αὐτοὺσ ἐξελεύσεσθαι δύναμιν διὰ τὴν κατέχουσαν ἐν τῇ πόλει στάσιν, οἱ μὲν ὕπατοι τὴν βουλὴν συνήγαγον, ὡσ περὶ τῶν ὅλων ἔσχατον τοῦτο βουλευσόμενοι. ῥηθέντων δὲ πολλῶν λόγων πρῶτοσ ἐρωτηθεὶσ γνώμην Λεύκιοσ Κοίντιοσ, ὁ τῷ παρελθόντι γενόμενοσ ἔτει δικτάτωρ, ἀνὴρ οὐ μόνον τὰ πολέμια δεινότατοσ τῶν καθ’ ἑαυτόν, ἀλλὰ καὶ τὰ πολιτικὰ δοκῶν εἶναι φρονιμώτατοσ, γνώμην ἀπεφήνατο τήνδε·

μὲν πείθειν τούσ τε δημάρχουσ καὶ τοὺσ ἄλλουσ πολίτασ τὴν μὲν ὑπὲρ τοῦ νόμου διάγνωσιν οὐθὲν ἐν τῷ παρόντι κατεπείγουσαν εἰσ ἑτέρουσ ἀναβαλέσθαι καιροὺσ ἐπιτηδειοτέρουσ, τὸν δ’ ἐν χερσὶν ὄντα καὶ ὅσον οὔπω τῇ πόλει πλησιάζοντα πόλεμον ἄρασθαι πάσῃ προθυμίᾳ, καὶ μὴ περιιδεῖν τὴν μετὰ πολλῶν κτηθεῖσαν ἡγεμονίαν πόνων αἰσχρῶσ καὶ ἀνάνδρωσ ἀπολομένην.

ἐὰν δὲ μὴ πείθηται ὁ δῆμοσ, τοὺσ πατρικίουσ ἅμα τοῖσ πελάταισ καθοπλισαμένουσ τῶν τ’ ἄλλων πολιτῶν παραλαβόντασ, οἷσ ἦν ἑκοῦσι συνάρασθαι τοῦ καλλίστου ὑπὲρ τῆσ πατρίδοσ ἀγῶνοσ, χωρεῖν προθύμωσ ἐπὶ τὸν πόλεμον θεούσ, ὅσοι φυλάττουσι τὴν Ῥωμαίων πόλιν, ἡγεμόνασ τῆσ ἐξόδου ποιησαμένουσ.

συμβήσεσθαι γὰρ αὐτοῖσ δυεῖν καλῶν ἔργων καὶ δικαίων θάτερον, ἢ νίκην ἐξενέγκασθαι πασῶν ὧν αὐτοί ποτε ἢ οἱ πατέρεσ ἐξηνέγκαντο λαμπροτάτην, ἢ περὶ τῶν ἐν αὐτῇ καλῶν εὐψύχωσ ἀγωνιζομένοισ ἀποθανεῖν.

οἷσ ἐστιν ἐλευθερίασ τε καὶ δόξησ ἀγαθῆσ λόγοσ.

SEARCH

MENU NAVIGATION