헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 23)

Ῥωμαῖοι δὲ τοιαῦτα ὑβρισθέντεσ ὑπὸ τοῦ ἀνδρὸσ οὐκ εὐθὺσ ὀργῇ ἐπιτρέψαντεσ ἐξήγαγον τὴν στρατιάν, ἀλλὰ καὶ δευτέραν ὡσ αὐτὸν ἀπέστειλαν πρεσβείαν καὶ τοὺσ Φητιάλεισ καλουμένουσ ἄνδρασ ἱερεῖσ ἔπεμψαν ἐπιμαρτυρόμενοι θεούσ τε καὶ δαίμονασ, ὅτι μὴ δυνηθέντεσ τῶν δικαίων τυχεῖν ὅσιον ἀναγκασθήσονται πόλεμον ἐκφέρειν· καὶ μετὰ ταῦτα τὸν ὕπατον ἀπέστειλαν.

ὁ δὲ Γράγχοσ, ἐπειδὴ τοὺσ Ῥωμαίουσ προσιόντασ ἔμαθεν, ἀναστήσασ τὴν δύναμιν ἀπῆγε προσωτέρω, τῶν πολεμίων ἐκ ποδὸσ ἑπομένων, βουλόμενοσ αὐτοὺσ εἰσ τοιαῦτα προαγαγέσθαι χωρία, ἐν οἷσ πλεονεκτήσειν ἔμελλεν·

ὅπερ καὶ συνέβη. φυλάξασ γὰρ αὐλῶνα περικλειόμενον ὄρεσιν, ὡσ ἐνέβαλον εἰσ τοῦτον οἱ Ῥωμαῖοι διώκοντεσ αὐτόν, ὑποστρέφει τε καὶ στρατοπεδεύεται κατὰ τὴν ἐκ τοῦ αὐλῶνοσ ἔξω φέρουσαν ὁδόν. ἐκ δὲ τούτου συνεβεβήκει τοῖσ Ῥωμαίοισ οὐχ ὃν ἐβούλοντο ἐκλέξασθαι τόπον εἰσ στρατοπεδείαν, ἀλλ’ ὃν ἔδωκεν αὐτοῖσ ὁ καιρόσ, ἔνθα οὔθ’ ἵπποισ χιλὸν εὔπορον ἦν λαμβάνειν, ὄρεσι περικλειομένου τοῦ τόπου ψιλοῖσ καὶ δυσβάτοισ, οὔθ’ ἑαυτοῖσ τροφὰσ ἐκ τῆσ πολεμίασ συγκομίζειν, ἐπειδὴ κατανάλωντο ἃσ οἴκοθεν ἔφερον, οὔτε μεταστρατοπεδεύσασθαι τῶν πολεμίων ἀντικαθημένων καὶ κωλυόντων τὰσ ἐξόδουσ.

βιάσασθαί τε προελόμενοι καὶ προελθόντεσ εἰσ μάχην ἀνεκρούσθησαν καὶ πολλὰσ πληγὰσ λαβόντεσ εἰσ τὸν αὐτὸν κατεκλείσθησαν χάρακα. ὁ δὲ Κοίλιοσ ἐπαρθεὶσ τῷ προτερήματι τούτῳ περιετάφρευέ τε αὐτοὺσ καὶ περιεχαράκου καὶ πολλὰσ ἐλπίδασ εἶχε λιμῷ πιεσθέντασ παραδώσειν αὐτῷ τὰ ὅπλα.

ἀφικομένησ δ’ εἰσ Ῥώμην περὶ τούτων ἀγγελίασ Κόιντοσ Φάβιοσ ὁ καταλειφθεὶσ ἐπὶ τῆσ πόλεωσ ἔπαρχοσ ἀπὸ τῆσ σὺν αὐτῷ στρατιᾶσ ὅσον ἦν ἀκμαιότατόν τε καὶ κράτιστον ἐπιλέξασ μέροσ ἐπὶ συμμαχίαν ἔπεμψε τῷ ὑπάτῳ.

ἡγεῖτο δὲ τῆσ δυνάμεωσ ταύτησ Τίτοσ Κοίντιοσ ὁ ταμίασ ἀνὴρ ὑπατικόσ. πρὸσ δὲ τὸν ἕτερον τῶν ὑπάτων Ναύτιον ἐπὶ τῆσ ἐν Σαβίνοισ στρατιᾶσ ὄντα γράμματα διαπέμψασ τά τε συμβάντα τῷ Μηνυκίῳ διεσάφησε καὶ αὐτὸν ἥκειν ἠξίου διὰ ταχέων.

κἀκεῖνοσ ἐπιτρέψασ τοῖσ πρεσβευταῖσ τὸν χάρακα φυλάττειν αὐτὸσ σὺν ὀλίγοισ ἱππεῦσιν εἰσ τὴν Ῥώμην ἐλαύνει συντόνῳ χρησάμενοσ ἱππασίᾳ· εἰσελθὼν δ’ εἰσ τὴν πόλιν ἔτι πολλῆσ νυκτὸσ οὔσησ ἐβουλεύετο σὺν τῷ Φαβίῳ καὶ τῶν ἄλλων πολιτῶν τοῖσ πρεσβυτάτοισ, ὅ τι χρὴ ποιεῖν.

ἐπεὶ δὲ πᾶσιν ἐδόκει δικτάτοροσ δεῖσθαι ὁ καιρόσ, ἀποδείκνυσιν ἐπὶ τὴν ἀρχὴν ταύτην Λεύκιον Κοίντιον Κικιννᾶτον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 10, chapter 23

(디오니시오스, Antiquitates Romanae, Books X-XX, book 10, chapter 23)

상위

목록

SEARCH

MENU NAVIGATION