Dionysius of Halicarnassus, Antiquitates Romanae, Books X-XX, book 10, chapter 22

(디오니시오스, Antiquitates Romanae, Books X-XX, book 10, chapter 22)

τῷ δ’ ἑξῆσ ἐνιαυτῷ Γάιοσ Ναύτιοσ τὸ δεύτερον αἱρεθεὶσ καὶ Λεύκιοσ Μηνύκιοσ παραλαβόντεσ τὴν ὕπατον ἀρχὴν τέωσ μὲν ὑπὲρ τῶν πολιτικῶν δικαίων πόλεμον ἐντὸσ τείχουσ ἐπολέμουν πρὸσ τοὺσ ἅμα Οὐεργινίῳ δημάρχουσ τοὺσ τέταρτον ἔτοσ ἤδη τὴν αὐτὴν κατασχόντασ ἀρχήν. ἐπεὶ δ’ ἀπὸ τῶν πλησιοχώρων ἐθνῶν πόλεμοσ ἐπεγένετο τῇ πόλει, καὶ δέοσ ἦν, μὴ τὴν ἀρχὴν ἀφαιρεθῶσιν, ἀσμένωσ δεξάμενοι τὸ συμβὰν ἀπὸ τῆσ τύχησ τὸν στρατιωτικὸν ἐποιοῦντο κατάλογον καὶ μερισάμενοι τριχῇ τάσ τε οἰκείασ καὶ τὰσ παρὰ τῶν συμμάχων δυνάμεισ μίαν μὲν ἐν τῇ πόλει μοῖραν κατέλιπον, ἧσ ἡγεῖτο Κόιντοσ Φάβιοσ Οὐιβολανόσ, τὰσ δὲ λοιπὰσ αὐτοὶ παραλαβόντεσ ἐξῄεσαν διὰ ταχέων, ἐπὶ μὲν Σαβίνουσ Ναύτιοσ, ἐπὶ δ’ Αἰκανοὺσ Μηνύκιοσ.

Φιδήνησ πόλεωσ ἤλασαν, ἧσ ἐκράτουν Ῥωμαῖοι ‐ τετταράκοντα δ’ εἰσὶν οἱ διὰ μέσου τῶν πόλεων στάδιοι ‐ Αἰκανοὶ δὲ λόγῳ μὲν φυλάττοντεσ τὰ τῆσ νεωστὶ γενομένησ συμμαχίασ δίκαια, ἔργῳ δὲ καὶ οὗτοι πράττοντεσ τὰ τῶν πολεμίων.

ἐπὶ γὰρ τοὺσ συμμάχουσ αὐτῶν Λατίνουσ ἐστράτευσαν, ὡσ οὐ γενομένων αὐτοῖσ πρὸσ ἐκείνουσ ὁμολογιῶν περὶ φιλίασ.

ἡγεῖτο δὲ τῆσ στρατιᾶσ Γράγχοσ Κοίλιοσ, ἀνὴρ δραστήριοσ ἀρχῇ κοσμηθεὶσ αὐτοκράτορι, ἣν ἐπὶ τὸ βασιλικώτερον ἐξήγαγεν. ἐλάσασ δὲ μέχρι Τύσκλου πόλεωσ, ἣν Αἰκανοὶ τῷ πρόσθεν ἐνιαυτῷ καταλαβόμενοι καὶ διαρπάσαντεσ ὑπὸ Ῥωμαίων ἐξεκρούσθησαν, ἀνθρώπουσ τε πολλοὺσ ἐκ τῶν ἀγρῶν συνήρπασε καὶ βοσκήματα, ὅσα κατέλαβε, καὶ τοὺσ καρποὺσ τῆσ γῆσ ἐν ἀκμῇ ὄντασ ἔφθειρεν. ἡ Ῥωμαίων βουλὴ μαθεῖν ἀξιοῦσα, τί παθόντεσ Αἰκανοὶ πολεμοῦσι τοῖσ Ῥωμαίων συμμάχοισ, φιλίασ τ’ αὐτοῖσ ὀμωμοσμένησ νεωστὶ καὶ οὐδενὸσ ἐν τῷ μεταξὺ χρόνῳ γενομένου προσκρούσματοσ τοῖσ ἔθνεσι, καὶ παραινούσησ τῷ Κοιλίῳ τούσ τ’ αἰχμαλώτουσ αὐτῶν οὓσ εἶχεν ἀφιέναι καὶ τὴν στρατιὰν ἀπάγειν καὶ περὶ ὧν ἠδίκησεν ἢ κατέβλαψε Τυσκλάνουσ δίκην ὑποσχεῖν, πολὺν μὲν χρόνον διέτριψεν ὁ Γράγχοσ οὐδ’ εἰσ λόγουσ τοῖσ πρεσβευταῖσ ἐρχόμενοσ, ὡσ ἐν ἀσχολίαισ δή τισι γεγονώσ.

ἐπεὶ δ’ οὖν ἔδοξεν αὐτῷ προσάγειν τοὺσ πρέσβεισ, κἀκεῖνοι τοὺσ ἐπισταλέντασ ὑπὸ τῆσ βουλῆσ λόγουσ διεξῆλθον· θαυμάζω.

φησίν, ὑμῶν, ὦ Ῥωμαῖοι, τί δή ποτ’ αὐτοὶ μὲν ἅπαντασ ἀνθρώπουσ ἡγεῖσθε πολεμίουσ, καὶ ὑφ’ ὧν οὐδὲν κακὸν πεπόνθατε, ἀρχῆσ καὶ τυραννίδοσ ἕνεκα, Αἰκανοῖσ δ’ οὐ συγχωρεῖτε παρὰ τουτωνὶ Τυσκλάνων ἐχθρῶν ὄντων ἀναπράττεσθαι δίκασ, οὐθενὸσ ἡμῖν διωμολογημένου περὶ αὐτῶν, ὅτε τὰσ πρὸσ ὑμᾶσ ἐποιούμεθα συνθήκασ. εἰ μὲν οὖν τῶν ὑμετέρων ἰδίων ἀδικεῖσθαί τι ἢ βλάπτεσθαι λέγετε ὑφ’ ἡμῶν, τὰ δίκαια ὑφέξομεν ὑμῖν κατὰ τὰσ ὁμολογίασ·

εἰ δὲ περὶ Τυσκλάνων ἀναπραξόμενοι δίκασ ἥκετε, οὐθείσ ἐστιν ὑμῖν πρὸσ ἐμὲ περὶ τούτων λόγοσ, ἀλλὰ πρὸσ ταύτην λαλεῖτε τὴν φηγόν·

δείξασ αὐτοῖσ τινα πλησίον πεφυκυῖαν.

SEARCH

MENU NAVIGATION