헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 21)

ἀποδοὺσ δὲ τοῖσ Τυσκλάνοισ τὴν πόλιν Φάβιοσ περὶ δείλην ὀψίαν ἀνίστησι τὴν στρατιάν. καὶ ὡσ εἶχε τάχουσ ἤλαυνεν ἐπὶ τοὺσ πολεμίουσ, ἀκούων περὶ πόλιν Ἀλγιδὸν ἀθρόασ εἶναι τάσ τε Οὐολούσκων καὶ τὰσ Αἰκανῶν δυνάμεισ. ποιησάμενοσ δὲ δἰ ὅλησ νυκτὸσ σύντονον ὁδὸν ὑπ’ αὐτὸν τὸν ὄρθρον ἐπιφαίνεται τοῖσ πολεμίοισ ἐστρατοπεδευκόσιν ἐν πεδίῳ καὶ οὔτε τάφρον περιβεβλημένοισ οὔτε χάρακα, ὡσ ἐν οἰκείᾳ τε γῇ καὶ καταφρονήσει τοῦ ἀντιπάλου.

παρακελευσάμενοσ δὲ τοῖσ ἀμφ’ αὐτὸν ἀγαθοῖσ ἀνδράσι γίνεσθαι πρῶτοσ εἰσελαύνει μετὰ τῶν ἱππέων εἰσ τὴν τῶν πολεμίων παρεμβολήν, καὶ οἱ πεζοὶ συναλαλάξαντεσ εἵποντο·

τραπέσθαι, οἱ δὲ πλείουσ φεύγοντεσ ἐσκεδάννυντο.

ἁλόντοσ δὲ τοῦ στρατοπέδου κατὰ πολλὴν εὐπέτειαν ἐπιτρέψασ τοῖσ στρατιώταισ τὰ χρήματα ὠφελεῖσθαι καὶ τὰ σώματα πλὴν ὅσα Τυσκλάνων ἦν, οὐ πολὺν ἐνταῦθα διατρίψασ χρόνον ἐπὶ τὴν Ἐχετράνων πόλιν ἦγε τὴν δύναμιν, ἣ τότε ἦν τοῦ Οὐολούσκων ἔθνουσ ἐπιφανεστάτη τε κἀν τῷ κρατίστῳ μάλιστα τόπῳ κειμένη.

στρατοπεδεύσασ δὲ πλησίον τῆσ πόλεωσ ἐπὶ πολλὰσ ἡμέρασ κατ’ ἐλπίδα τοῦ προελεύσεσθαι τοὺσ ἔνδον εἰσ μάχην, ὡσ οὐδεμία ἐξῄει στρατιά, τὴν γῆν αὐτῶν ἐδῄου ἀνθρώπων μεστὴν οὖσαν καὶ βοσκημάτων.

οὐ γὰρ ἔφθασαν ἀνασκευασάμενοι τὰ ἐκ τῶν ἀγρῶν αἰφνιδίου γενηθείσησ αὐτοῖσ τῆσ ἐφόδου. ἐπ’ οἴκου τὴν δύναμιν.

ὁ δ’ ἕτεροσ τῶν ὑπάτων Κορνήλιοσ ἐπὶ τοὺσ ἐν Ἀντίῳ Ῥωμαίουσ τε καὶ Οὐολούσκουσ ἐλαύνων ἐπιτυγχάνει στρατιᾷ πρὸ τῶν ὁρίων αὐτὸν ὑποδεχομένῃ.

παραταξάμενοσ δὲ αὐτοῖσ καὶ πολλοὺσ μὲν φονεύσασ, τοὺσ δὲ λοιποὺσ τρεψάμενοσ ἀγχοῦ τῆσ πόλεωσ κατεστρατοπέδευσεν. οὐ τολμώντων δὲ τῶν ἐκ τῆσ πόλεωσ οὐκέτι χωρεῖν εἰσ μάχην πρῶτον μὲν τὴν γῆν αὐτῶν ἔκειρεν, ἔπειτα τὴν πόλιν ἀπετάφρευε καὶ περιεχαράκου. τότε δὴ πάλιν ἀναγκασθέντεσ ἐξῆλθον ἐκ τῆσ πόλεωσ πανστρατιᾷ, πολὺσ καὶ ἀσύντακτοσ ὄχλοσ, καὶ συμβαλόντεσ εἰσ μάχην ἔτι κάκιον ἀγωνισάμενοι κατακλείονται τὸ δεύτερον εἰσ τὴν πόλιν, αἰσχρῶσ καὶ ἀνάνδρωσ φεύγοντεσ. ὁ δ’ ὕπατοσ οὐδεμίαν αὐτοῖσ ἀναστροφὴν ἔτι δοὺσ κλίμακασ προσέφερε τοῖσ τείχεσι καὶ κριοῖσ ἐξέκοπτε τὰσ πύλασ.

ἐπιπόνωσ δὲ καὶ ταλαιπώρωσ τῶν ἔνδον ἀπομαχομένων οὐ πολλὰ πραγματευθεὶσ κατὰ κράτοσ αἱρεῖ τὴν πόλιν. χρήματα μὲν οὖν αὐτῶν, ὅσα χρυσὸσ καὶ ἄργυροσ καὶ χαλκὸσ ἐνῆν, εἰσ τὸ δημόσιον ἐκέλευσεν ἀναφέρειν, ἀνδράποδα δὲ τοὺσ ταμίασ παραλαμβάνοντασ καὶ τὰ λοιπὰ λάφυρα πωλεῖν·

τοῖσ δὲ στρατιώταισ ἐσθῆτα καὶ τροφὰσ καὶ ὅσ’ ἄλλα τοιαῦτα ἐδύναντο ὠφελεῖσθαι ἐπέτρεψεν. ἔπειτα διακρίνασ τῶν τε κληρούχων καὶ τῶν ἀρχαίων Ἀντιατῶν τοὺσ ἐπιφανεστάτουσ τε καὶ τῆσ ἀποστάσεωσ αἰτίουσ ‐ ἦσαν δὲ πολλοί ‐ ῥάβδοισ τε ᾐκίσατο μέχρι πολλοῦ καὶ τοὺσ αὐχένασ αὐτῶν ἐκέλευσεν ἀποτεμεῖν.

ταῦτα διαπραξάμενοσ ἀπῆγε καὶ αὐτὸσ ἐπ’ οἴκου τὴν δύναμιν. τούτοισ ἡ βουλὴ τοῖσ ὑπάτοισ προσιοῦσί τε ἀπήντησε καὶ θριάμβουσ ἀμφοτέροισ καταγαγεῖν ἐψηφίσατο·

καὶ πρὸσ Αἰκανοὺσ πρεσβευσαμένουσ ὑπὲρ εἰρήνησ ἐποιήσατο συνθήκασ περὶ καταλύσεωσ τοῦ πολέμου, ἐν αἷσ ἐγράφη, πόλεισ τε καὶ χώρασ ἔχοντασ Αἰκανούσ, ὧν ἐκράτουν, ὅτε αἱ σπονδαὶ ἐγίνοντο, Ῥωμαίοισ εἶναι ὑπηκόουσ, ἄλλο μὲν ὑποτελοῦντασ μηθέν, ἐν δὲ τοῖσ πολέμοισ συμμαχίαν ἀποστέλλοντασ ὁσηνδήποτε, ὥσπερ καὶ οἱ ἄλλοι σύμμαχοι. καὶ τὸ ἔτοσ τοῦτο ἐτελεύτα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 10, chapter 21

(디오니시오스, Antiquitates Romanae, Books X-XX, book 10, chapter 21)

상위

목록

SEARCH

MENU NAVIGATION