Dionysius of Halicarnassus, Antiquitates Romanae, Books X-XX, book 10, chapter 19

(디오니시오스, Antiquitates Romanae, Books X-XX, book 10, chapter 19)

καθεζόμενοσ, εὐπρόσοδόν τε καὶ πρᾷον καὶ φιλάνθρωπον τοῖσ ἐπὶ τὴν δικαιοδοσίαν ἀφικνουμένοισ ἑαυτὸν παρεῖχε καὶ παρεσκεύασεν ἀριστοκρατικὴν οὕτωσ φανῆναι τὴν πολιτείαν, ὥστε μήτε δημάρχων δεηθῆναι τοὺσ διὰ πενίαν ἢ δυσγένειαν ἢ ἄλλην τινὰ ταπεινότητα ὑπὸ τῶν κρειττόνων κατισχυομένουσ, μήτε καινῆσ νομοθεσίασ πόθον ἔχειν ἔτι τοὺσ ἐν ἰσηγορίᾳ πολιτεύεσθαι βουλομένουσ, ἀλλ’ ἀγαπᾶν τε καὶ χαίρειν ἅπαντασ ἐπὶ τῇ τότε κατασχούσῃ τὴν πόλιν εὐνομίᾳ. ἀγαπῆσαι τηλικαύτην λαμβάνοντα τιμήν.

κατεῖχε γὰρ αὐτὸν ἐπὶ τῆσ ὑπατικῆσ ἐξουσίασ ἡ βουλὴ πολλὰσ προσφέρουσα δεήσεισ, ἐπεὶ τὸ τρίτον οἱ δήμαρχοι διεπράξαντο μὴ ἀποθέσθαι τὴν ἀρχήν, ὡσ ἐναντιωσόμενον αὐτοῖσ καὶ παύσοντα τῶν καινῶν πολιτευμάτων, τὰ μὲν αἰδοῖ, τὰ δὲ φόβῳ, τὸν δὲ δῆμον ὁρῶσα οὐκ ἀναινόμενον ὑπ’ ἀνδρὸσ ἀγαθοῦ ἄρχεσθαι. ὁ δ’ οὔτε τῶν δημάρχων ἐπαινεῖν ἔφη τὸ ἀπαραχώρητον τῆσ ἐξουσίασ οὔτε αὐτὸσ εἰσ ὁμοίαν ἐκείνοισ ἥξειν διαβολήν.

συναγαγὼν δὲ τὸν δῆμον εἰσ ἐκκλησίαν καὶ πολλὴν κατηγορίαν τῶν οὐκ ἀποτιθεμένων τὰσ ἀρχὰσ διαθέμενοσ ὁρ́κουσ τε διομοσάμενοσ ἰσχυροὺσ περὶ τοῦ μὴ λήψεσθαι πάλιν τὴν ὑπατείαν, πρὶν ἀποθέσθαι τὴν προτέραν ἀρχήν, προεῖπεν ἀρχαιρεσίων ἡμέραν·

ἐν ᾗ καταστήσασ ὑπάτουσ ἀπῄει πάλιν εἰσ τὸ μικρὸν ἐκεῖνο καλύβιον καὶ τὸν αὐτουργὸν ἔζη βίον ὡσ πρότερον.

SEARCH

MENU NAVIGATION