헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 15)

συνέβη δὲ αὐτῷ πάντων διαμαρτεῖν ὧν ἤλπισεν οὔτε δούλων αὐτομολησάντων πρὸσ αὐτὸν οὔτε φυγάδων κατελθόντων οὔτε ἀτίμων καὶ καταχρέων τὸ ἴδιον κέρδοσ ἀντὶ τοῦ κοινῇ συμφέροντοσ ἀλλαξαμένων, τῆσ τε ἔξωθεν ἐπικουρίασ οὐ λαβούσησ χρόνον ἱκανὸν εἰσ παρασκευὴν τοῦ πολέμου· τέτταρσι ταῖσ πρώταισ ἡμέραισ τέλοσ εἰλήφει τὰ πράγματα μέγα δέοσ καὶ πολλὴν ταραχὴν Ῥωμαίοισ παρασχόντα.

ἐπεὶ γὰρ ἑάλω τὰ φρούρια, κραυγῆσ ἄφνω γενομένησ καὶ φυγῆσ τῶν περὶ ἐκείνουσ οἰκούντων τοὺσ τόπουσ, ὅσοι μὴ παραχρῆμα ἐσφάγησαν, ἀγνοοῦντεσ οἱ πολλοὶ τὸ δεινὸν ὅ τι ποτ’ ἦν ἁρπάσαντεσ τὰ ὅπλα συνέτρεχον, οἱ μὲν ἐπὶ τὰ μετέωρα χωρία τῆσ πόλεωσ, οἱ δ’ εἰσ τοὺσ ἀναπεπταμένουσ αὐτῆσ τόπουσ πολλοὺσ σφόδρα ὄντασ, οἱ δ’ εἰσ τὰ παρακείμενα πεδία·

ὅσοι δ’ ἡλικίασ ἐν τῷ παρηκμακότι ἦσαν καὶ ῥώμησ σώματοσ ἐν τῷ ἀδυνάτῳ, τὰ τέγη τῶν οἰκιῶν κατεῖχον ἅμα γυναιξὶν ὡσ ἀπὸ τούτων ἀγωνιούμενοι πρὸσ τοὺσ εἰσεληλυθότασ· ἅπαντα γὰρ αὐτοῖσ ἐδόκει μεστὰ εἶναι πολέμου. εἰσ τὴν ἀγορὰν ἐκάλουν τοὺσ πολίτασ ἐπὶ τὰ ὅπλα, οἱ δὲ δήμαρχοι προσκαλεσάμενοι τὸν δῆμον εἰσ ἐκκλησίαν ἔλεγον, ὅτι τῷ μὲν συμφέροντι τῆσ πόλεωσ οὐδὲν ἀξιοῦσι πράττειν ἐναντίον, δίκαιον δὲ ὑπολαμβάνουσιν εἶναι τηλικοῦτον ἀγῶνα μέλλοντα τὸν δῆμον ὑπομένειν ἐπὶ ῥητοῖσ τισι καὶ διωρισμένοισ ἐπὶ τὸ κινδύνευμα χωρεῖν.

εἰ μὲν οὖν, ἔφασαν λέγοντεσ, ὑπισχνοῦνταί τε ὑμῖν οἱ πατρίκιοι καὶ πίστεισ βούλονται δοῦναι τὰσ ἐπὶ θεῶν, ὅτι καταλυθέντοσ τοῦδε τοῦ πολέμου συγχωρήσουσιν ὑμῖν ἀποδεῖξαι νομοθέτασ καὶ τὸν λοιπὸν χρόνον ἐν ἰσηγορίᾳ πολιτεύεσθαι, συνελευθερῶμεν αὐτοῖσ τὴν πατρίδα· εἰ δὲ οὐθὲν ἀξιοῦσι ποιεῖν τῶν μετρίων, τί κινδυνεύομεν καὶ τὰσ ψυχὰσ ὑπὲρ αὐτῶν προιέμεθα μηθενὸσ ἀγαθοῦ μέλλοντεσ ἀπολαύσεσθαι;

ταῦτα λεγόντων αὐτῶν καὶ τοῦ δήμου πειθομένου καὶ μηδὲ φωνὴν ὑπομένοντοσ ἀκούειν τῶν ἄλλο τι παραινούντων ὁ μὲν Κλαύδιοσ οὐθὲν ἠξίου δεῖσθαι τοιαύτησ συμμαχίασ, ἥτισ οὐχ ἑκούσιοσ, ἀλλ’ ἐπὶ μισθῷ καὶ οὐδὲ τούτῳ μετρίῳ βοηθεῖν βούλεται τῇ πατρίδι, ἀλλ’ αὐτοὺσ ἔφη τοὺσ πατρικίουσ ἑαυτῶν σώμασι καὶ τῶν συνόντων αὐτοῖσ πελατῶν ὁπλισαμένουσ, καὶ εἴ τι ἄλλο πλῆθοσ ἐθελούσιον αὐτοῖσ συναρεῖται τοῦ πολέμου, μετὰ τούτων πολιορκεῖν τὰ φρούρια·

ἐὰν δὲ μηδ’ οὕτωσ ἀξιόχρεωσ ἡ δύναμισ αὐτοῖσ εἶναι δοκῇ, Λατίνουσ τε καὶ Ἕρνικασ παρακαλεῖν, ἐὰν δ’ ἀνάγκη, καὶ δούλοισ ἐλευθερίαν ὑπισχνεῖσθαι καὶ πάντασ μᾶλλον ἢ τοὺσ ἐπὶ τοιούτων καιρῶν μνησικακοῦντασ σφίσι παρακαλεῖν.

ὁ δ’ ἕτεροσ τῶν ὑπάτων Οὐαλέριοσ ἀντέλεγε πρὸσ ταῦτα οὐκ οἰόμενοσ δεῖν ἠρεθισμένον τὸ δημοτικὸν ἐκπολεμῶσαι τελέωσ τοῖσ πατρικίοισ, εἶξαί τε συνεβούλευε τῷ καιρῷ καὶ πρὸσ μὲν τοὺσ ἔξωθεν πολεμίουσ τά γε δίκαια ἀντιτάττειν, πρὸσ δὲ τὰσ πολιτικὰσ διατριβὰσ τὰ μέτρια καὶ εὐγνώμονα.

ὤμοσεν, ἐὰν ὁ δῆμοσ συνάρηται μετὰ προθυμίασ τοῦ πολέμου καὶ καταστῇ τὰ πράγματα τῆσ πόλεωσ, συγχωρήσειν τοῖσ δημάρχοισ προθεῖναι τῷ πλήθει τὴν περὶ τοῦ νόμου διάγνωσιν, ὃν εἰσέφερον ὑπὲρ τῆσ ἰσονομίασ, καὶ σπουδάσειν, ὅπωσ ἐπὶ τῆσ ἑαυτοῦ ἀρχῆσ ἐπὶ τέλοσ ἀχθῇ τὰ δόξαντα τῷ δήμῳ.

ἦν δὲ ἄρα οὐθὲν αὐτῷ πεπρωμένον ἐπιτελέσαι τῶν ὁμολογηθέντων πλησίον οὔσησ τῆσ τοῦ θανάτου μοίρασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 10, chapter 15

(디오니시오스, Antiquitates Romanae, Books X-XX, book 10, chapter 15)

상위

목록

SEARCH

MENU NAVIGATION